«Խնկո-Ապոր» գրադարանի դիմացի լատունե գրքի և Տիկնիկային թատրոնի մոտի զանգի գողության դեպքերով նյութեր են նախապատրաստվում

Ոստիկանությունն ահազանգեր է ստացել Խնկո Ապոր անվան ազգային մանկական գրադարանի դիմաց տեղադրված «Ընթերցողի արձան» քանդակի լատունե գրքի և Հովհաննես Թումանյանի անվան պետական տիկնիկային թատրոնի մուտքի մոտ տեղադրված զանգի գողությունների մասին։

Ոստիկանության հասարակայնության հետ կապի և լրատվության վարչությունից «Panorama.am»-ը տեղեկացել է, որ երկու դեպքով էլ ոստիկանությունը հաղորդում է ստացել, նյութեր են նախապատաստվում։