Իսրայելը մտադիր չէ զորքերը դուրս բերել Լիբանանի հարավային շրջաններից. Նեթանյահու

Իսրայելը մտադիր չէ զորքերը դուրս բերել Լիբանանի հարավային շրջաններից, քանի դեռ չի ապահովել իր տարածքի անվտանգությունը։ Այս մասին հայտարարել է հրեական պետության վարչապետ Բենյամին Նեթանյահուն։

«Մենք կվերականգնենք անվտանգությունը և բարգավաճումը Իսրայելի հյուսիսային շրջաններում։

Դրա համար անհրաժեշտ է պահպանել անվտանգության գոտին Լիբանանի հարավում, և մեզ անհրաժեշտ է այնտեղից չհեռանալ այնքան ժամանակ, քանի դեռ դա պահանջում են Իսրայելի անվտանգության կարիքները»,- հայտարարել է նա Հորդանան գետի արևմտյան ափին աստվածաշնչյան վայրերով նոր զբոսաշրջային երթուղու բացման արարողության ժամանակ։ Նեթանյահուի արտահայտությունները տարածել է կառավարության ղեկավարի աշխատակազմը։