Թբիլիսյան ցույցերն ու «ըմբոստ» հոգևորականները. КАВКАЗАРЬ

КАВКАЗАРЬ տելեգրամյան ալիքը գրում է, որ Թբիլիսիի կենտրոնում հանրահավաքների շղթան չի ընդհատվում։ Երեկ Խորհրդարանի շենքի մոտ հավաքվածների մեջ կրկին հայտնվել էր հեռացված վարդապետ Դորոթե Կուրաշվիլին։

Ոստիկանությունը զգուշացրել է ցուցարարներին, որ ըստ նոր օրենքի՝ ակցիայի մասին պետք է հայտնել 5 օր առաջ։ Ձերբակալվածներ չկան, բայց իրավիճակը շարունակվում է լարված մնալ։ 

Բացի այդ, հոգևորականի հայտնվելը կրկին թեժացրել է քննարկումները Վրաստանի վարչապետի այն պնդումների շուրջ, թե Արևմուտքը փորձում է ֆինանսավորման միջոցով ազդել Վրաց Ուղղափառ եկեղեցու վրա։

Նկատվում է միտում. ընդդիմադիր դաշտ անցած հոգևորականները դառնում են արևմտամետ լրատվամիջոցների «աստղերը»։ Չնայած սա զանգվածային բնույթ չունի, սակայն փորձագետները մտահոգված են, որ սա վարկաբեկում է եկեղեցին և պառակտում հասարակությանը։
Կարճ ասած՝ փողոցային պայքարը տեղափոխվել է նաև հոգևոր դաշտ։