Փոստով դեղեր եւ ԶԱՀ-ի շահառուների ընդլայնում. ԱԺ օրակարգը

Խորհրդարանում կարծես թե դեմ չեն, որ զինապահովագրության 1000 դրամների հիմնադրամի շահառուներ դառնան նաեւ այն զինծառայողները, որոնք հակառակորդի հանկարծակի հարձակումից տուժել են ոչ առաջնագծում մարտական գործողության ժամանակ, այլ ասենք զորամասում, որտեղ ներթափանցել է հակառակորդի դիվերսիոն խումբը: Նախագիծն այսօր առաջին ընթերցումն է անցել: Այսօր մեկնարկած քառօրյայի օրակարգային հարցերից մեկն էլ փոստով դեղ ստանալու նախագիծն էր: Այստեղ որոշ մտահոգություններ կան: Հատուկ դեղի կարիք ունեցողների համար այս լավ նախագիծը հանկարծ չվերածվի անբարեխիղճների բիզնեսի: