Ո՞ր ըմպելիքներն են օգնում կանխել թրոմբոզը

«News.am»-ը գրում է․

«Այս ըմպելիքները կօգնեն ձեզ կանխել թրոմբոզը։

Կակաո

Մանկության տարիների սիրելի ընպելիքը շատ օգտակար է մեծահասակների համար։ Օրինակ, հակաօքսիդանտների առատության շնորհիվ կակաոն օգնում է նվազեցնել ոչ միայն խոլեստերինի մակարդակը, այլև ջրիկացնում է արյունը։ Բայց սա դեռ ամենը չէ։ Կակաոն բարելավում է ուղեղի աշխատանքը, քանի որ սննդային միացությունների հետ թթվածինն արագ հասնում է նեյրոններին, ցուցաբերում է հակաշաքարախտային և հակաբակտերիալ ազդեցություն, կանխում է թրոմբոզի ձևավորումը, օգնում է բարձր ճնշման դեպքում, պարունակում է մեծ քանակությամբ մագնեզիումի տարրեր, որոնք օգտակար են սրտանոթային համակարգի համար։

Կանաչ թեյ

Կանաչ թեյը պարունակում է հակաօքսիդիչ միացությունների լայն տեսականի։ Դրանք իջեցնում են քաղցկեղի առաջացման ռիսկը, նվազեցնում են օրգանիզմի բորբոքումները և պահպանում են անոթների նորմալ վիճակը։

Սև հաղարջի թուրմ

Այս մրգի տերևները պարունակում են սալիցատներ, իսկ սև հաղարջի տերևների թուրմը նպաստում է արյան ջրիկացմանը և պաշտպանում է թրոմբի առաջացումից։

Մասուրի հատապտուղների թուրմ

Սկզբի համար անհրաժեշտ է խառնել մասուրի պտուղները, դրանք լցնել թերմոսի մեջ, ապա ավելացնել տաք ջուր, թողնել 12 ժամ: Մասուրի մեջ պարունակվող օգտակար նյութերը դրանից հրաշալի իմունոստիմուլյատիվ, մանրէասպան, հակաբորբոքային միջոց են դարձնում»: