Աննա Հակոբյանի հիմնադրամին խոշոր փոխանցումներ են կատարվել

Նիկոլ Փաշինյանի կնոջ՝ Աննա Հակոբյանի կողմից հիմնադրված «Իմ քայլը» հիմնադրամին խոշոր փոխանցումներ են կատարվել, այս մասին տեղեկանում ենք հիմնադրամի պաշտոնական կայքից: 

Հիմնադրամին մասնավորապես 20 մլն դրամ է փոխանցել է «Արսենալ լտդ» ՍՊԸ-ն: Էլեկտրոնային ռեգիստրից տեղեկանում ենք, որ այս ընկերությունը հիմնադրվել է 2017 թվականին, բաժնեմասերի 57.5 տոկոսը պատկանում է Բելառուսի քաղաքացի Ստանիսլավ Բեկովին, 36 տոկոսը ՀՀ քաղաքացի Կարինա Ղազարյանին, իսկ մնացած 6,5 տոկոսը՝ ««Գառնի-Լեռ» գիտաարտադրական միավորում» ԲԲ ընկերությունը: 

Կառավարության 2019 թվականի փետրվաի 21-ի նիստում որոշվել է մաքսային արտոնություն տրամադրել «Արսենալ ԼՏԴ» ՍՊ ընկերությանը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և նյութերի ներմուծման համար: Ընկերության կողմից ներմուծվող ապրանքները պետք է օգտագործվեին զենքի և զինամթերքի արտադրության մեջ։

Աննա Հակոբյանի հիմնադրամին 10-ական մլն դրամ են փոխանցել «Ջերմուկ գրուպը», Խաչատուր Սուքիասղյանի ընտանիքի կողմից ստեղծված «Սուքիասյան» հիմնադրամը: