Իսակովի պողոտայում Opel-ը բախվել է գովազդային վահանակին. կա վիրավոր

Երեկ՝ սեպտեմբերի 25-ին, խոշոր ավտովթար է տեղի ունեցել Երևանում: ժամը 15:10-ի սահմաններում Երևանի բնակիչ  Էդգար Հովհաննիսյանը իր վարած  Opel մակնիշի ավտոմեքենայով Ծովակալ Իսակովի պողոտայում՝ թիվ 24/7 հասցեի դիմաց բախվել է դեպի Բագրատունյաց պողոտա տանող ուղեմասի աջ կողմում առկա գովազդային վահանակի երկաթյա սյանը և հայտնվել ճանապարհի մեջտեղում: 

Ինչպես հայտնում է ֆոտոլրագրող Գագիկ Շամշյանը, վթարի հետևանքով Է. Հովհաննիսյանը, ում առաջինը օգնության են հասել  քաղաքացիները, այնուհետև օպերատիվորեն ժամանած բժիշկների հերթապահ խումբը նախ տեղում առաջին բուժօգնություն է ցուցաբերել, ապա տեղափոխվել է «Աստղիկ» բժշկական կենտրոն: 

Ֆոտոլրագրողը հայտնում է, որ վթարի հետևանքով ավտոմեքենայի շարժիչն ու գազաբալոնը պոկվել ու մի քանի մետր շպրտվել են: