Ռոնալդուն չի խաղա «քառյակի եզրափակչում»

«Shantnews.am»-ի փոխանցմամբ՝ Ազգերի լիգայի խմբային փուլի 6-րդ տուրում Իսպանիայի հավաքականը հյուրընկալվելիս նվազագույն հաշվով հաղթեց Պորտուգալիայի ընտրանուն։ Միակ գոլը 88-րդ րոպեին խփեց Ալվարո Մորատան։

Այս հաղթանակից հետո իսպանացիները 11 միավորով բարձրացան առաջին հորիզոնական։ Պորտուգալիան 10 միավորով երկրորդ տեղը գրավեց։ 3-րդ տեղը 9 միավորով զբաղեցրեց |Շվեյցարիայի հավաքականը, որը սեփական հարկի տակ 2-1 հաշվով հաղթեց չեխերին: Ա դիվիզիոնի 2-րդ խմբից Չեխիայի հավաքականը կտեղափոխվի Բ դիվիզիոն: Իսկ Իսպանիայի հավաքականը կխաղա Ազգերի լիգայի փլեյ-օֆֆ փուլում: Այսպիսով Ռոնալդուն չի կարողանա խաղալ «քառյակի եզրափակչում»: