Մոտ 1,5 տարի ունենք և՛ ճանապարհի մասով, և՛ բնակիչների համար լուծումներ գտնելու. ԱԽՔ-ը՝ Բերձորի ու Աղավնոյի մասին

Անվտանգության խորհրդի քարտուղար Արմեն Գրիգորյանը լրագրողների հետ ճեպազրույցում անդրադարձավ Արցախում նոր ճանապարհի կառուցմանը, որից հետո Բերձորն ու Աղավնոն անցնելու են ադրբեջանական վերահսկողությանը։ 

«Այս հարցերը հենց նոյեմբերի 9-ից սկսած մենք քննարկում ենք Արցախի մեր գործընեկրների հետ, որպեսզի լուծումներ գտնենք։ Արցախի իշխանություններն աշխատանքներ են տանում, մենք դեռ ժամանակ ունենք` և ճանապարհի մասով, և բնակիչների համար լուծումներ գտնելու համար։ Այսինքն՝ մոտավոր 1․5 տարի դեռ ունենք, Արցախի կառավարության հետ կաշխատենք և լուծումներ կգտնենք»,- ասել նա։