Բրիտանացի թոշակառուն վիճակախաղի տոմս է գնել և շահել երեք հարկանի առանձնատուն

«News.am»-ի փոխանցմամբ՝ թոշակառուն և նրա ամուսինը երկար ժամանակ չէին կարողանում հավատալ վիճակախաղի մեծ շահմանը մինչ այն պահը, երբ շահեցին երեք հարկանի առանձնատուն։

«Այս տունը իսկապես կօգնի մեզ վայելել մեր թոշակը: Մենք ունենք տասը գեղեցիկ փոքրիկ թոռներ, որոնք կսիրեն այս առանձնատունը»,- ասել է կինը։ 

Նշվում է, որ տան արժեքը գնահատվում է մոտ չորս միլիոն ֆունտ սթեռլինգ։ Առանձնատունը  929 քմ մակերես է, ունի վեց սենյակ, լողավազան, թենիսի կորտ, լճակ  և ջրվեժ։