Առաջարկությունների նոր փաթեթ ենք ներկայացրել Ադրբեջանին. Նիկոլ Փաշինյան

ԱԺ-ում հարց ու պատասխանի ժամանակ ՀՀ վարչապետ Նիկոլ Փաշինյանը հայտնել է, որ մենք առաջարկությունների նոր փաթեթ ենք ներկայացրել Ադրբեջանին՝ աշխատանքային խմբի եռակողմ ձևաչափով։

«Այդ առաջարկությունը նաև առձեռն Բրյուսելում փոխանցել եմ Ադրբեջանի նախագահին։ Որ պահին իրենք այդ առաջարկությունն ընդունեն, մենք պատրաստ ենք անմիջապես անցնել դրա իրագործմանը»,- ասել է Փաշինյանը։

Վերջինիս փոխանցմամբ՝ առաջարկությունը մինչ այս արված հրապարակային հայտարարությունների մասին է․ հայկական կողմը պատրաստ է ճանապարհներ բացել, տալ և ստանալ։