Զգուշացե՛ք, հոսանք է կամ պետական «ՀԷՑ-կլտոց». միջազգային ատյանի որոշումը չկատարելու ծանր հետևանքները

Հայաստանի այլ երկրներում գտնվող ակտիվները կարող են սառեցվել, ֆինանսական կազմակերպությունները հնարավոր է վարկեր չտան Հայաստանին, եթե Երևանն անտեսի միջազգային արբիտրաժային դատարանի որոշումը, ահազանգում են տնտեսագետները: Սամվել Կարապետյանը ՀԷՑ-ը պետականացնելու գործով հաղթել է Հայաստանի կառավարությանը: Արբիտրաժային ատյանի որոշումը կատարելը պարտադիր է Հայաստանի համար, բայց Փաշինյանի կաբինետը, ըստ էության, հրաժարվում է ձեռք քաշել ՀԷՑ-ը պետականացնելու գործընթացից: