Վարդենյաց լեռնանցքը դժվարանցանելի է կցորդով տրանսպորտային միջոցների համար․ Սպիտակի ոլորանները փակ է կցորդով տրանսպորտային միջոցների համար

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները:

Վարդենյաց լեռնանցքը (բուք) դժվարանցանելի է կցորդով տրանսպորտային միջոցների համար։

Սպիտակի ոլորանները փակ է կցորդով տրանսպորտային միջոցների համար։

Ապարանի, Արագածի, Արթիկի, Ճամբարակի, Մարտունիի, Գավառի, Աբովյանի, Հրազդանի, Նաիրիի, Սիսիանի, Գորիսի, Աշոցքի, Ամասիայի տարածաշրջանների ավտոճանապարհներին տեղ-տեղ մերկասառույց է։

Արմավիրի և Արագածոտնի մարզերում, Սարավան-«Զանգեր» կոչվող հատվածում, Վարդենյաց լեռնանցքում, Արագածի, Հրազդանի, Աբովյանի, Եղվարդի, Սևանի, Գավառի, Մարտունու, Դիլիջանի, Թալինի, Անիի, Արթիկի, Ախուրյանի, Աշոցքի, Ամասիայի, Ջերմուկի և Ելփինի տարածաշրջաններում ձյուն է տեղում, իսկ Բաղրամյանի տարածաշրջանում և Դիլիջանի ոլորաններին՝ ձնախառն անձրև։

Վարորդներին հորդորում ենք երթևեկել բացառապես ձմեռային անվադողերով։