Ուսուցման նպատակով Մեծ Բրիտանիա է ժամանել ուկրաինացի զինվորականների առաջին խումբը

Զինվորական նախապատրաստություն անցնելու նպատակով Մեծ Բրիտանիա է ժամանել ուկրաինացի զինծառայողների առաջին խումբը: Այս մասին հայտնում է Մեծ Բրիտանիայի պաշտպանության նախարար Բեն Ուոլեսը:

«Ուկրաինացի զինվորները դասընթացներ կանցնեն Մեծ Բրիտանիայի բազային ռազմական պատրաստության հիման վրա: Սա ներառում է կրակային պատրաստություն, մարտադաշտում առաջին բուժօգնութան ցուցաբերում, դաշտային ուսուցում, պարեկային մարտավարություն և զինված հակամարտությունների օրենքների ուսուցում»,- ասվում է հաղորդագրության մեջ։

Յուրաքանչյուր դասընթաց, ինչպես նշված է, կտևի մի քանի շաբաթ: