ՀՀ ՊՆ ռազմական վերահսկողական ծառայությունը N զորամիավորումում անցկացնում է ստուգումներ

N զորամիավորումում ՀՀ պաշտպանության նախարարության ռազմական վերահսկողական ծառայության աշխատանքային խումբն անցկացնում է ստուգումներ։

Ինչպես տեղեկացրին ՀՀ պաշտպանության նախարարությունից, խմբի սպաները, գեներալ-մայոր Կարեն Շաքարյանի ղեկավարությամբ,  եղել են կառավարման կետերում, ստուգել զորամիավորման և զորամասերի ապահովման և սպասարկող ստորաբաժանումների պատրաստականությունը, անձնակազմի մարտական պատրաստությունն ու համալրվածությունը, մարտական խնդիրների, ղեկավար փաստաթղթերի և մասնագիտական առարկաների  իմացությունը։