ԱԺ նախագահը եթե թվեր է հայտարարել, ուրեմն դրա համար ունի բավարար հիմքեր. Սուրեն Պապիկյան

«Մարտունակությունն ու պաշտպանողունակությունը եզրույթներ են, որոնք միմյանց չեն հակասում։ Պարզապես պաշտպանողունակությունը արտացոլում է մեր երկրի սուվերեն տարածքը պաշտպանելը, սա շատ ավելի լավ ու ճիշտ տերմին է»։ Այս մասին  այսօր՝ նոյեմբերի 24-ին, Ազգային ժողովում լրագրողների հետ ճեպազրույցում ասաց պաշտպանության նախարար Սուրեն Պապիկյանը՝ պատասխանելով լրագրողի հարցին՝ համաձա՞յն է Նիկոլ Փաշինյանի այն հայտարարության հետ, որ Հայաստանին ոչ թե մարտունակ, այլ պաշտպանողութնակ բանակ է հարկավոր։

Պատասխանելով լրագրողի հարցին՝ տեղեկություն ունի՞, թե ինչ տարածքների մասին էր խոսում ԱԺ նախագահ Ալեն Սիմոնյանը, երբ հայտարարում էր, որ Հայաստանի վերահսկողության տակ 110 քառ. կմ ադրբեջանական տարածք կա, պաշտպանության նախարարը պատասխանեց.

«Այդ հարցը եկեք թողնենք սահմանազատման և սահմանագծման հանձնաժողովին։ Հիմա խոսել մի բանի մասին, ինչի վրա սահմանազատման և սահմանագծման հանձնաժողովը պետք է աշխատի… Ազգային ժողովի նախագահը եթե թվեր է հայտարարել, ուրեմն բավարար հիմքեր ունի»։

Մանրամասն՝ տեսանյութում։