Առողջապահության համաշխարհային կազմակերպության ներկայացուցիչները դատապարտել են 44-օրյա պատերազմի ժամանակ բուժաշխատողների և շտապօգնության մեքենաների թիրախավորումը

Առողջապահության համաշխարհային կազմակերպության ներկայացուցիչները դատապարտել են 44-օրյա պատերազմի և ադրբեջանական վերջին ագրեսիայի ժամանակ բուժաշխատողների և շտապօգնության մեքենաների թիրախավորումը: Այս մասին ԱՀԿ անդամները խոսել են Հայաստանում մեկնարկած «Արագ արձագանքման բժշկական թիմերի 5-րդ գլոբալ հանդիպմանը»: Առողջապահության համաշխարհային կազմակերպության ավելի քան 500 անդամ է Երևանում: Եռօրյա միջոցառմանը 110 երկրից ժամանած բժիշկներ, բուժակներ են մասնակցում: Գլոբալ հանդիպումը նպատակ ունի հակամարտությունների, բնական աղետների ժամանակ ավելի արագ և արդյունավետ արձագանելու ռազմավարություն մշակել: