Ադրբեջանից Հայաստան առաջին անգամ վառելիքի խմբաքանակ կուղարկվի

Վրաստանի էկոնոմիկայի նախարարությունը այսօր հայտնել է, որ Թբիլիսին «գործընկերներից հարցում է ստացել՝ Ադրբեջանից Հայաստան վառելիքի միանվագ խմբաքանակի տարանցման վերաբերյալ»։

Գերատեսչության տվյալներով՝ հարցման մասին զեկուցվել է կառավարությանը, և վարչապետ Իրակլի Կոբախիձեի որոշմամբ երկրի իշխանությունները թույլատրել են տարանցումը։ Բացի այդ, Թբիլիսին այս տարանցիկ մատակարարումը կիրականացնի անվճար՝ «հանուն տարածաշրջանում խաղաղության և կայունության»։