Լրահոս

SHAMSHYAN.com-ի տեղեկություններով, քիչ առաջ արտակարգ դեպք է տեղի ունեցել Երևանում: ՀՀ ոստիկանություն ահազանգ է ստացվել, որ Ծիծեռնակաբերդի խճուղում գտնվող՝ ՀՀ Առաջին նախագահ Լևոն Տեր-Պետրոսյանի տանը ռումբ է դրված: Այս պահին Նախագահի տուն են ժամանում ոստիկանության ծառայողները, ինչպես նաև ՀՀ ոստիկանության Պարեկային ծառայության Երևանի գնդի պարեկները: Ինչպես հայտնում է SHAMSHYAN.com-ը․ նախագահի տուն են ժամանել Արտակարգ իրավիճակների նախարարության Փրկարար ծառայության կինոլոգներն ու սակրավորները:

ՆԱՍՍ-ն 848 հազար դոլար է հատկացրել Mithneos պրոյեկտը երեք տարով երկարաձգելու համար։ Ծրագիրն ուղղված է Երկրի համար վտանգավոր երկնաքարերը հայտնաբերելուն։ Այս մասին հայտնել է Հյուսիսային Արիզոնայի ինստիտուտի մամուլի ծառայությունը։ Վերջին մի քանի տասնամյակների ընթացքում աշխարհի տարբեր երկրների գիտնականները հետևում են երկնաքարերին, որոնք գտնվում են Երկրի մերձակայքում և փորձում են հասկանալ, թե դրանք ինչքանով են վտանգավոր մեր մոլորակի համար։ Մինչ օրս աստղագետներին հայտնի է 22 հազար երկնաքար, որոնք պարբերաբար մոտենում են Երկրին։ Դրանցից 2000-ը գտնվում է PHA ցանկում։ Այստեղ հայտնվում են այն երկնաքարերը, որոնք Երկրին մոտեցել են 8 մլն կմ-ից ոչ ավելի։ Նոր դիտարկումների փուլում աստղագետները ծրագրում են նոր դիտարկիչ սարքեր կիրառել արդեն հայտնի երկնաքարերի բաղադրությունն ուսումնասիրելու, ինչպես նաև նորերը հայտնաբերելու համար։ Ուսումնասիրությունները հնարավորություն կտան պարզել, թե այդ երկնաքարերը ինչքանով են վտանգ ներկայացնում Երկիր մոլորակի համար։

Աջարիայի Խալա գյուղի բնակիչը երեկ երեկոյան ներկայացել է ոստիկանություն՝ խոստովանելով, որ սխալմամբ կրակել է համագյուղացու վրա, քանի որ վերջինիս «արջի տեղ է դրել», հայտնում է jnews.ge-ն։ Գյուղի ներկայացուցիչ Նոդար Կախիձեն լրագրողներին հաղորդել է, որ մեղադրյալը պատմել է, որ գյուղական ճանապարհին նա արջի տեղ է ընդունել երիտասարդին, ով վերադառնում էր ձկնորսությունից և սկսել է կրակել։ «Մթության պատճառով նա չի հասկացել, որ դա մարդ է, ցավոք, երիտասարդը չի արձագանքել, շարժվելիս միայն աղմուկ է լսվել»,- ասել է Կախիձեն։ Այս պահին հայտնի չէ՝ ողբերգությունն վկաներ ունի թե ոչ։ Որպես ապացույց առգրավվել է որսորդական հրացանը։ Սպանության և ապօրինի զենք-զինամթերք պահելու դեպքի առթիվ հետաքննություն է տարվում։

Ձկան գեները գիտնականներին կօգնեն հասկանալ, թե ինչպես է ուղեղը կատարում մաթեմատիկական գործողություններ, այս մասին Տրենտոյի համալսարանի հետազոտողների միջազգային թիմի աշխատանքը հրապարակվել է Frontiers in Neuroanatomy ամսագրում: Գիտնականները վերլուծել են ձկների վերաբերյալ 200 գիտական ​​հոդվածներ և եզրակացրել, որ այս կենդանիներն ընկալում և մշակում են քանակական հասկացություններ՝ օգտագործելով իրենց ուղեղի տարածքները։ Գիտնականները նշում են, որ ձկների մեջ ուղեղի այս հատվածների ուսումնասիրությունը կօգնի գտնել մարդու նյարդային համակարգի հիվանդությունների բուժման նոր միջոցներ, որոնք ազդում են թվերի ընկալման վրա: Հետազոտողները փորձեր են անցկացրել նաև զեբրաձկան հետ: Կենդանիների ուղեղի ակտիվությունը վերահսկվել է սենսորների միջոցով և նրանց ցույց են տվել որոշակի քանակությամբ կետեր։ Այնուհետև նրանց թիվը կտրուկ փոխվել է, այդ պահին զեբրաձուկը ցուցադրել է ուղեղի բարձր ակտիվություն և մեծացրել է ուշադրությունը նոր թվի նկատմամբ:

Հունաստանում ուկրաինական Ան-12-ի կործանման վայրում հայտնաբերվել մահացածներից երկուս մարմինները, անձնակազմի ևս վեց անդամների որոնողական աշխատանքները շարունակվում են,այս մասին հայտնել են Գործողությունների և ճգնաժամային կառավարման ազգային համակարգող կենտրոնից։ Ինքնաթիռը կործանվել է շաբաթ երեկոյան Կավալա քաղաքի մոտ։ Դեպքի վայրում անվտանգության գոտի է սահմանվել, և վթարի տարածքը փակվել է՝ հաշվի առնելով այն տեղեկությունը, որ ինքնաթիռը տեղափոխում է 11,5 տոննա զինամթերք։ Կարճ ժամանակ անց վթարի վայրի մերձակա տարածքի բնակիչներին տեղեկացվել է առաջացած ծխի պատճառով փակել պատուհաններն ու դռները և հեռու մնալ վթարի վայրից։ «Ազգային պաշտպանության գլխավոր շտաբը տեղակայել է ականազերծման ստորաբաժանումներ, այնուհետև ճառագայթային, կենսաբանական և քիմիական պաշտպանության հատուկ միջգերատեսչական ընկերության խումբ է Աթենքից մեկնել վթարի վայր: Կատարված զննությունների արդյունքում վտանգավոր նյութեր չեն հայտնաբերվել»,- հայտնել են համակարգող կենտրոնից։ Այս պահին սկսվել է գործողության երկրորդ փուլը՝ հունական բանակի պատրաստված անձնակազմի և 30 հրշեջների մասնակցությամբ։ Անձնակազմի բոլոր անդամներն ուկրաինացիներ են։

Հուլիսի 17-ին, ժամը 16:45-ին Տավուշի մարզային ճգնաժամային կառավարման կենտրոն ահազանգ է ստացվել, որ Արծվաբերդ գյուղում` խաղողի այգիներում, հրդեհ է բռնկվել: Դեպքի վայր է մեկնել ԱԻՆ ՓԾ քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի Չորաթանի հենակետից մեկ մարտական հաշվարկ: Հրդեհը մեկուսացվել է ժամը 19:40-ին, մարվել՝ 19:55-ին: Այրվել է մոտ 13 հա խոտածածկույթ:

Եվրոպական երկրները պետք է սպասեն, մինչև հակառուսական պատժամիջոցների ազդեցությունն ավելի նկատելի դառնա։ Այս մասին հուլիսի 16-ին իր բլոգում գրել է եվրոպական դիվանագիտության ղեկավար Ժոսեպ Բորելը։ Նա նշել է, որ Ռուսաստանի Դաշնության նկատմամբ սահմանափակումները դեռ այնքան էլ նկատելի չեն, բայց դրանք կարող են արդյունավետ լինել երկարաժամկետ հեռանկարում։ «Պատժամիջոցները պահանջում են ռազմավարական համբերություն, քանի որ ցանկալի արդյունքի հասնելու համար կարող է երկար ժամանակ պահանջվել»,- ասվում է հրապարակման մեջ։ Եվրոպական դիվանագիտության ղեկավարը գրել է, որ աշխատանքներ են տարվում ԵՄ պատժամիջոցների նոր փաթեթը G7-ում դաշնակիցների և գործընկերների սահմանափակող միջոցներին համապատասխանեցնելու ուղղությամբ։ Բորելը հիշեցրել է , որ սահմանափակումներն արդեն ուղղված են Ռուսաստանում գրեթե 1200 ֆիզիկական անձանց և գրեթե 100 կազմակերպություններին, ինչպես նաև Ռուսաստանի տնտեսության զգալի հատվածներին: Միևնույն ժամանակ ողջ հունիսին հաղորդվում էր, որ ԵՄ երկրները չեն կարողացել համձայնության հասնել հակառուսական պատժամիջոցների հարցում։ Ընդունված հիմնական պատժամիջոցներից մեկը, ըստ Բորելի, մինչև այս տարվա վերջ Ռուսաստանից ԵՄ նավթի 90%-ի գնումը դադարեցնելն է՝ Մոսկվային զրկելով համապատասխան եկամուտներից։ Սակայն տարբեր երկրների վերլուծաբաններ ու քաղաքական գործիչներ բազմիցս ասել են, որ նման քայլի հետեւանքները կարող են «աղետալի» լինել եվրոպական երկրների տնտեսության ու բնակչության համար։ Բացի դրանից, Բորելը նշում է՝ սա, թերևս, ամենակարևորն է՝ նավթի աստիճանական էմբարգոն և գազի ներկրման կրճատումով Եվրոպան ազատվում է Ռուսաստանից էներգետիկ կախվածությունից։ Մենք երկար տարիներ քննարկել ենք այդ հարցը ԵՄ մակարդակով, բայց հիմա իրականացնում ենք։ Իր հերթին, Ռուսաստանի Դաշնությունը վստահ է, որ նավթի և գազի մատակարարումների դիվերսիֆիկացիան որևէ կերպ չի ազդի Կրեմլի վրա, այլ, հակառակը, ավելի ցավոտ «կհարվածի» սահմանափակումներ կիրառող երկրներին։

Այսօր խոշոր ավտովթար է տեղի ունեցել Արարատի մարզում:  Ժամը 18:00-ի սահմաններում, Hyundai Tucson մակնիշի ավտոմեքենան, Երևան-Երասխ ավտոճանապարհի 48 կմ հատվածում, դեպի Երևան ընթանալիս, դուրս է եկել երթևեկելի գոտուց, բախվել ծառին և հայտնվել բնակչի խաղողի դաշտում:  Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Արարատ» բժշկական կենտրոն:  Ոստիկանությունն  ու քննչական բաժինը պարզում են վարորդի և վիրավորների ինքնությունը:  Դեպքի վայրում հավաքված մի քանի քաղաքացիներ ասում էին, որ վթարի պատճառը եղել է այն, որ ավտոմեքենայի առջև կենդանի է հայտնվել ու վարորդը կենդանուց խույս տալու համար կորցրել է ավտոմեքենայի կառավարումը և վթարի ենթարկվել: 

Հայաստանի ազգային հավաքականի հարձակվող Սարգիս Ադամյանն առաջին գոլն է խփել նոր թիմի՝ «Քյոլնի» կազմում։ «Քյոլնը» ընկերական խաղում 2-0 հաշվով հաղթել է գերմանական «Կիկերսին» և 65-րդ րոպեին փոխարինման դուրս եկած Ադամյանը 88-րդ րոպեին խփել է թիմի երկրորդ գոլը։ Սարգիս Ադամյանը գերմանական ակումբ է տեղափոխվել հուլիսի 5-ին՝ կնքելով 4 տարվա պայմանագիր։ Հաղորդում է ArmSport.am-ը։

Հուլիսի 17-ին, ժամը 17:58-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Պտղնի գյուղի մոտակայքում ավտոմեքենան դուրս է եկել ճանապարհի երթևեկելի հատվածից և գլորվել ձորը: Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ «VAZ-21099» մակնիշի ավտոմեքենան (վարորդ՝ Լ. Ա,. ծնված 1956 թ․) դուրս է եկել ճանապարհի երթևեկելի հատվածից և գլորվել ձորը։ Փրկարարները հոսանքազրկել են ավտոմեքենան, վարորդին դուրս բերել ձորից և մոտեցրել շտապօգնության ավտոմեքենային. վերջինս հոսպիտալացվել է Աբովյան քաղաքի ԲԿ:

Լեհաստանի վարչապետ Մատեուշ Մորավեցկին խոստովանել է, որ երկիրը շուտով կբախվի ածխի պակասի խնդրին։ Նախկինում Լեհաստանն ամբողջությամբ արգելել էր Ռուսաստանից ածխի ներկրումը։ Արգելքը վերաբերում է ոչ միայն պետական, այլ նաև մասնավոր ընկերություններին։ Սա կտրուկ ազդել է շուկայում ածխի պաշարների և դրա գնի վրա: Մասնավոր մատակարարներից մեկ տոննա ածուխի արժեքը հասնում է երեք հազար զլոտիի՝ մոտ 640 դոլարի։ Լեհաստանի կլիմայի և շրջակա միջավայրի նախարարությունն այս իրավիճակում 60 օրով չեղարկել է ջեռուցման համար օգտագործվող ածխի որակի պահանջները։ Իր հերթին նախագահ Անջեյ Դուդան օրենք է ստորագրել այն ընկերություններին փոխհատուցելու մասին, որոնք առանձին սպառողներին ածուխ կվաճառեն մեկ տոննայի համար 996 զլոտ՝ մոտ 210 դոլարից ոչ ավելի գնով: «Այսօր ամենամեծ խնդիրն այն է, որ ընդհանրապես ածուխ չկա, քանի որ մենք վերջին տարիներին վառարանների համար ածուխ ենք մատակարարում Ռուսաստանից, պետական ​​ընկերություններին խնդրել ենք պատվիրել այդ ածուխը Կոլումբիայից, Ինդոնեզիայից, ամբողջ աշխարհից»,- ասել է վարչապետը։ Նրա խոսքով՝ ածխի հետ կապված Լեհաստանը «շատ խնդիրներ կունենա առաջիկա շաբաթների, ամիսների ընթացքում»։ Վարչապետը նշել է, որ կառավարությունը մտածում է «այլ, լրացուցիչ պայմանների մասին», որպեսզի մոտ ապագայում ածուխը հասանելի լինի։

Այսօր ողբերգական դեպք է տեղի ունեցել Արագածոտնի մարզում:  Ժամը 17:35-ի սահմաններում, «Աշտարակ» բժշկական կենտրոնից ոստիկանության Աշտարակի բաժին ահազանգ է ստացվել, որ մահացած վիճակում իրենց մոտ է տեղափոխվել մի տղամարդ:  Ինչպես հայտնում է ֆոտոլրագրող Գագիկ Շամշյանը, ոստիկաններն ու քննիչները պարզել են, որ մահացածը Երևանի բնակիչ, 32-ամյա Ռաֆայել Մկրտչյանն էր:  Ոստիկաններն ու քննիչնեըը պարզել են նաև, որ այսօր Ռ. Մկրտչյանն այցելել է Փարպի գյուղ, իր ընկեր՝ Երևանի բնակիչ, 34-ամյա Ալբերտ Պետրոսյանի տուն՝ նրան օգնելու նպատակով՝ գյուղում ինտերնետային ցանցի մալուխներն անցկացնելու համար:  Ժամը 17:20-ի սահմաններում, Ռ. Մկրտչյանը աստիճանով բարձրացել է Փարպի գյուղի Ռ. Փիլիպոսյանի 1-ին նրբանցքի 7-րդ հասցեի դիմաց գտնվող էլեկտրասյան վրա, որտեղ անզգուշաբար դիպել է էլեկտրահոսանքի մալուխներին և էլեկտրահարվել, ու «Աշտարակ» բժշկական կենտրոն տեղափոխվելու ճանապարհին մահացել:  Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական: 

Դիետոլոգ Գինսբուրգը ծխելը թողնելու համար խորհուրդ է տվել սմբուկ ուտել Սմբուկը մեծ քանակության վիտամինների և սննդարար նյութերի աղբյուր է, դրանց կանոնավոր օգտագործումը բարենպաստ ազդեցություն է ունենում օրգանիզմի վրա։ Բանջարեղենն ունակ է ամրացնել անոթների պատերը և պաշտպանել աթերոսկլերոզից, մինչդեռ այն ավելի քիչ կալորիական է, քան լոլիկը կամ կաղամբը։ Սմբուկը պարունակում է նաև նիկոտինային միացություններ։ «Սմբուկը կարող է օգնել մարդուն թողնել ծխելը, նման ապացույցներ կան: Ապացուցվել է, որ ծխելը թողնելիս նիկոտինի տենչը նվազում է, եթե մարդը սմբուկ է կերել»,- ասել է բժիշկը։ Մասնագետը նաև խորհուրդ է տվել սմբուկը հում չուտել, կարող եք մարսողության խանգարումներ ունենալ։ «Սմբուկը պետք է եփել: Ստամոքսի լորձաթաղանթը գրգռող նյութերը սմբուկի կեղևի մեջ են, ավելի լավ է նախ բանջարեղենը շոգեխաշել կամ գոնե վրան եռման ջուր լցնել»,- խորհուրդ է տվել Գինսբուրգը։

ՀՀ երկորրդ նախագահ Ռոբերտ Քոչարյանի անունից Նոր Նորքի Սուրբ Սարգիս եկեղեցու բակում Արմեն Գրիգորյանի հոգեհանգստի ժամանակ ծաղկեպսակ է դրվել։ Հիշեցնենք, որ պրոդյուսերը մահացել է հուլիսի 15-ին՝ դատական նիստի ժամանակ։ Нет описания.

Թեև Նիկոլ Փաշինյանն ու իր դրածոները պնդում են, որ հայ-թուրքական, այսպես կոչված, երկխոսությունն առանց նախապայմանների է, այդուհանդերձ այդ նախապայմանները կան: Դրանց մի մասն արդեն բավարարված է, մյուս մասը բավարարման փուլում է: Հիշեցնեմ, որ Թուրքիան սահմանը 1993թ. փակել էր Քարվաճառի/Քելբաջարի շրջանը հայկական վերահսկողության տակ անցնելուն պես: 1994-ի հրադադարին հաջորդած տարիներին Թուրքիան սահմանները բացելը պայմանավորում էր գոնե երկու գյուղ կամ երկու շրջան Ադրբեջանին հանձնելով: Դա թուրքական նախապայմաններից մեկն էր: Ինչպես հայտնի է, Նիկոլ Փաշինյանի իշխանության օրոք Ադրբեջանին հանձնվեց 9 շրջան, ինչպես նաև Արցախի այլ շրջանների մի շարք բնակավայրեր: Այս փուլում թուրքական նախապայմանները ՀՀ-ին հետևյալն են՝ 1.բավարարել Ալիևի պահանջներն Արցախն Ադրբեջանի կազմում ճանաչելու մասով, 2.պետականորեն հրաժարվել Հայոց ցեղասպանության միջազգային ճանաչման գործընթացից, 3.ճանաչել հայ-թուրքական սահմանն ըստ Կարսի պայմանագրի, 4.տրամադրել Զանգեզուրի միջանցքը թուրք-ադրբեջանական զույգին (միայն այս կետի մասով է նիկոլական իշխանությունը հրապարակավ անհամաձայնություն հայտնում, մյուսների մասով իրենք «OK» են): Այս բոլոր կետերն ամրագրված են Էրդողան-Ալիև Շուշիում կնքած հակահայկական հռչակագրում, որը գործող իշխանությունները չդատապարտեցին ու խորհրդարանում տորպեդահարեցին այդ հռչակագրին տրվող գնահատականի նախագիծը: Թուրքիան բազմիցս է նշել, որ հայ-թուրքական շփումների արդյունքները կախված են Ադրբեջանի պահանջների բավարարումից (ի դեպ, սա էլ է թուրքական նախապայման, որին պաշտոնական Երևանն ակնհայտորեն ընդառաջ է գնացել): Նիկոլն այդ պահանջները առնվազն քարոզչության մակարդակով բավարարել է՝ պարբերաբար «հիմնավորելով», որ Ղարաբաղն Ադրբեջանինն է, և որ Հայոց ցեղասպանության ճանաչման հարցն առաջին հերթին սփյուռքի գործն է (այս երկու հարցում էլ ՀՀ վարչապետ կոչեցյալը հանդես է գալիս ՀՀ անկախության հռչակագրի դեմ): Հիմա ՀՀ քաղաքացիներին ՔՊ-ականները և նրանց կից խոսափողները փորձում են համոզել, որ նախապայմաններ չկան, ինչը լկտի սուտ է: Ուզում են ցույց տալ, թե, իբր, Էրդողան-Փաշինյան հեռախոսազրույցն այդ ամենի վառ ապացույցն է: Մինչդեռ իրականությունն այն է, որ հայ-թուրքական գործընթացը թուրքական կողմը պայմանավորում է հայ-ադրբեջանականով: Պատահական չէ, որ Էրդողանի հետ հեռախոսազրույցին անմիջապես հաջորդեց Հայաստանի ու Ադրբեջանի արտգործնախարարների հանդիպումը, որի ընթացքում քննարկված հարցերը չեն հանրայնացվել: Պարզ է, որ պաշտոնական Անկարան Երևանից պահանջում է ադրբեջանական օրակարգի բավարարում ու դա անում է հրապարակավ: «Մերոնք» փորձում են թաքցնել այդ ամենը՝ դեմ տալով այն ձևական հայտարարությունը, թե, իբր, հայ-թուրքական շփումներն առանց նախապայմանների են ու, իբր, շաղկապված չեն հայ-ադրբեջանական գործընթացի հետ: Սրանք լկտիաբար ստում ու կեղծում են ճիշտ այնպես, ինչպես ստում ու կեղծում էին, երբ հանրությանը դեմ էին տալիս հերոս Աբաջյանի ֆեյք պապիկին:

Ադրբեջանի Արտակարգ իրավիճակների նախարարության «112» թեժ գիծ ահազանգ է ստացվել Բաքվի Բինագադի շրջանի մետրոյի «Դարնագուլ» կայարանի մոտակայքում բռնկված հրդեհի մասին։ Ինչպես հայտնում է երկրի ԱԻՆ-ը, կանչի մասին տեղեկությունը ստանալուց անմիջապես հետո ներգրավվել են ԱԻՆ պետական ​​հրշեջ ծառայության հրշեջ-փրկարարական ստորաբաժանումները։ Նախնական տեղեկություններով՝ այրվում են անվադողեր։ Ներկայումս աշխատանքներ են տարվում հրդեհը մարելու ուղղությամբ։

Այսօր խոշոր ավտովթար է տեղի ունեցել Գեղարքունիքի մարզում: Ժամը 07:40-ի սահմաններում, Երևան-Իջևան ավտոճանապարհի 53 կմ հատվածում, բախվել են Գեղարքունիքի մարզի բնակիչ, 73-ամյա Յուրիկ Մ.-ի վարած ՎԱԶ-2106 մակնիշի և Կոտայքի մարզի բնակիչ, 37-ամյա Կարապետ Ա.-ի վարած Honda մակնիշի ավտոմեքենաները:  Ինչպես հայտնում է ֆոտոլրագրող Գագիկ Շամշյանը, վթարի հետևանքով 06-ը գլխիվայր շրջվել ու մասամբ փակել է ճանապարհը: 06-ի վարորդն ու նրա ուղևոր, 52-ամյա Խաչիկ Մ.-ն, մարմնական վնասվածքներով տեղափոխվել են «Սևան» բժշկական կենտրոն:  Վթարի փաստով Սևանի քննչական բաժնում նախաձեռնվել է քրեական վարույթ: 

Թուրքիայի նախագահ Թայիփ Էրդողանը հուլիսի 18-19-ը նախատեսված Իրան այցի ընթացքում ակնկալում է երկկողմ բանակցություններ իր ռուս գործընկեր Վլադիմիր Պուտինի հետ, ասվում է Թուրքիայի ղեկավարի գրասենյակի հաղորդագրության մեջ։ Ռուսաստանի նախագահ Վլադիմիր Պուտինը հուլիսի 19-ին կմեկնի Թեհրան, որտեղ կմասնակցի Իրանի նախագահ Իբրահիմ Ռաիսիի և Թուրքիայի նախագահ Թայիփ Էրդողանի հետ եռակողմ գագաթնաժողովին։ «Նախագահը նախատեսում է երկկողմ հանդիպում անցկացնել իր ռուս գործընկերոջ հետ»,- հայտնել են Թուրքիայի նախագահի գրասենյակից։ Նշվում է, որ հուլիսի 19-ին Թեհրանում նախատեսված է Թուրքիայի և Իրանի միջև բարձր մակարդակի համագործակցության խորհրդի 7-րդ հանդիպումը՝ Էրդողանի և Իբրահիմ Ռաիսիի նախագահությամբ։ «Հանդիպման ընթացքում կքննարկվեն Թուրքիայի և Իրանի հարաբերությունները բոլոր ուղղություններով, ինչպես նաև երկկողմ համագործակցության ընդլայնման հնարավոր քայլերը: Բացի դրանից, բանակցությունների ընթացքում մտքերի փոխանակում կիրականացվի տարածաշրջանային և գլոբալ հարցերի շուրջ: Նույն օրը Թեհրանում Աստանայի ձևաչափով եռակողմ գագաթնաժողով կանցկացվի Թուրքիայի, Ռուսաստանի և Իրանի նախագահների մասնակցությամբ։

ՀՀ քաղաքաշինության, տեխնիկական և հրդեհային անվտանգության տեսչական մարմինը հանգստյան օրերին շարունակել է միջպետական, հանրապետական նշանակության ավտոճանապարհներով ծանրաքաշ և մեծ եզրաչափերով բեռնափոխադրումներ իրականացնող տրանսպորտային միջոցների նկատմամբ վերահսկողության իրականացումը։ Տեսչական մարմինը շաբաթ օրը` հուլիսի 16-ին և կիրակի` հուլիսի 17-ին ծանրաքաշ, մեծ եզրաչափերով բեռնափոխադրումներ իրականացնող տրանսպորտային միջոցների կշռում է իրականացրել Վայոց Ձորի մարզում։ Միջպետական Մ-2 ավտոմոբիլային ճանապարհի 120+500 կմ հատվածներում կշռվել են 15 տրանսպորտային միջոց։ Արդյունքում վարչական պատասխանատվության են ենթարկվել 4 տրանսպորտային միջոցների վարորդներ։ Տուգանքների ընդհանուր չափը կազմել է 800 հազար ՀՀ դրամ:

ԵՄ-ում սառեցված ռուսական ակտիվների մեծ մասը գտնվում է Գերմանիայում, Ֆրանսիայում, Իռլանդիայում, Ավստրիայում, Բելգիայում և Լյուքսեմբուրգում, հայտնում է Bloomberg-ը՝ հղում տալով արդարադատության հարցերով եվրահանձնակատար Դիդիե Ռեյնդերսին։ Ավելի վաղ նա հայտնել էր, որ ընդհանուր առմամբ միության երկրներում բռնագանձված են 13,8 միլիարդ եվրոյի ակտիվներ, որից 12,6 միլիարդը պատկանում է վեց երկրներին։ Պաշտոնյայի խոսքով՝ «ԵՄ ոչ բոլոր երկրներն են բավարար ջանքեր գործադրում» այս ուղղությամբ։ Ուկրաինայում ռուսական ռազմական գործողության մեկնարկից հետո Արևմուտքն ուժեղացրել է Մոսկվայի նկատմամբ պատժամիջոցները։ Շատ երկրներ հայտարարել են ռուսական ակտիվների սառեցման մասին, ավելին հնչել են կոչեր՝ հրաժարվելու Ռուսաստանի էներգակիրներից։ Այդ միջոցները խնդիրներ են առաջացրել հենց Արևմուտքի համար, դրանք հանգեցրել են գնաճի սննդամթերքի ու վառելիքի շուկայում։