Կոտայքում «Նիվա»-ն հարվածել է կովին և հայտնվել ձորում, կա մեկ տուժած

Այսօր՝ նոյեմբերի 25-ին, ավտովթար է տեղի ունեցել Կոտայքի մարզում։ Ժամը 18։20-ի սահմաններում Կոտայքի մարզի բնակիչ 24-ամյա Ռուդիկ Դ․-ն իր վարած «ՎԱԶ 21214» (Նիվա) մակնիշի ավտոմեքենայով Հրազդան-Հանքավան H28 ավտոճանապարհին՝ Աղավնաձոր համայնքի վարչական տարածքում, դեռևս անհայտ հանգամանքներում բախվել է ճանապարհին հայտնված խոշոր եղջերավոր անասունին և հայտնվել ձորակում։ 

Ինչպես հայտնում է ֆոտոլրագրող Գագիկ Շամշյանը, բախման հետևանքով կովը տեղում սատկել է, իսկ 1 հոգի մարմնական վնասվածքներով տեղափոխվել է «Հրազդան» բժշկական կենտրոն։

Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում է վիրավորի ինքնությունը։