Ղազախստանում կոալիցիա են ստեղծել հաջակցություն Տոկաևի

Ղազախստանի քաղաքական միավորումները ժողովրդական կոալիցիա են ստեղծել հաջակցություն նախագահ Քասըմ Ժոմարտ Տոկաևի՝ պետության ղեկավարի առաջիկա ընտրություններում նրա թեկնածությունն առաջադրելու համար: Այդ մասին, ինչպես տեղեկացնում Է «Արմենպրես»-ը, հոկտեմբերի 6-ին հայտնել Է Ղազախստանի «Ամանատ» («Նախնիների պատգամ») կառավարող կուսակցության նախագահ Եռլան Կոշանովը:

«Մենք բոլորս պետք Է միավորվենք Տոկաևի շուրջը և աշխատենք միասին: Կան այլ կուսակցություններ, քաղաքական միավորումներ, նրանք նույնպես առաջադրում են Տոկաևի թեկնածությունը, ուստի մենք միավորվել ենք նրանց հետ և պայմանավորվել ժողովրդական կոալիցիա ստեղծել հաջակցություն Տոկաևի»,-ասել Է նա՝ հանդես գալով «Ամանատ»-ի արտահերթ համագումարի ընթացքում: Նրա խոսքով՝ հոկտեմբերի 6-ին ավելի ուշ նախագահի մասնակցությամբ կանցկացվի մեծ համաժողով:

«Մենք բոլորս մասնակցելու ենք դրան»,-հավելել Է կուսակցության նախագահը:

Ավելի վաղ «Ամանատ» կուսակցությունը և Ղազախստանի ժողովրդական կուսակցությունը Տոկաևին նախագահի թեկնածու են առաջադրել երկրի արտահերթ ընտրություններում, որոնք անցկացվելու են նոյեմբերի 20-ին: Օրենսդրության համաձայն, նախագահի թեկնածուներն առաջադրվում են հանրապետական հասարակական միավորումների կողմից:

Հոկտեմբերի 5-ին Տոկաևը հայտարարել Է, որ իր համար ճիշտ կլինի ընտրությունների գնալ ոչ թե ինչ-որ կոնկրետ կազմակերպությունից, այլ հասարակական-քաղաքական ուժերի մեծ կոալիցիայից, որոնք երկրում անցկացվող բարեփոխումների սոցիալական բազա են ձևավորում: Տոկաևն այն կարծիքին Է, որ դա նաև թույլ կտա հաստատել պետության ղեկավարի՝ տարբեր կուսակցություններից ու միավորումներից հավասարահեռության սկզբունքը», հաղորդել Է ՏԱՍՍ-ը: