Ավտոբուսն ընկել է ձորը. 39 ուղևորի չի հաջողվել փրկվել

Առնվազն 39 մարդ է զոհվել չորեքշաբթի օրը Պանամայի արևմտյան Չիրիկի նահանգում ավտոբուսի վթարի հետևանքով։ Shantnews.am-ի փոխանցմամբ՝ այս մասին ասվում է հանրապետության միգրացիոն ծառայության տարածած հաղորդագրության մեջ։

«Նախնական տվյալներով զոհվել է 39 մարդ, տուժածները բուժվում են տարբեր հիվանդանոցներում ու բուժհաստատություններում»,- ասվում է տեքստում։

Ձորն ընկած մեքենայում եղել է 66 օտարերկրյա միգրանտ։ Իշխանությունները ողբերգության հետաքննություն են սկսել։ Վթարի հնարավոր պատճառների ու մահացածների ու վիրավորների քաղաքացիության մասին տեղեկություն չի հրապարակվում։