Արդյոք հավի ձուն կարո՞ղ ենք համարել «վատ» խոլեստերինի աղբյուր

«Aysor.am»-ը գրում է.

«Խոլեստերինը բջիջների թաղանթներում հայտնաբերված ճարպն է, որն անհրաժեշտ է հորմոնների, վիտամինների և այլ էական տարրերի արտադրության համար:

Արյան մեջ խոլեստերինի տարբեր տեսակներ ստացել են «լավ» (HDL) և «վատ» (LDL) անվանումները։ Երկուսն էլ կարևոր են մեր օրգանիզմի ճիշտ աշխատանքի համար: Տեղին է խոսել նաև ընդհանուր խոլեստերինի մասին, որը համապատասխանում է LDL, HDL և այլ տրիգլիցերիդների գումարին։

LDL խոլեստերինի կամ տրիգլիցերիդների ավելցուկը կամ HDL-ի անբավարարությունը մեծացնում է սիրտ-անոթային հիվանդությունների վտանգը՝ մահացության գլխավոր պատճառն ամբողջ աշխարհում:

Միջազգային ստանդարտների համաձայն՝ խոլեստերինի օրական ընդունումը պետք է լինի 300 մգ։ Վերլուծելով հավի ձվի սննդային արժեքը՝ կարող ենք եզրակացնել, որ այս մթերքի մեջ խոլեստերինի միջին համամասնությունը վերը նշված սահմանից ցածր է:

Բացի այդ, ձուն համարվում է բարձր կենսաբանական արժեք ունեցող սպիտակուցների աղբյուր, որը պարունակում ՝

վիտամին A, D, B12,

ֆոլաթթուներ,

ֆոսֆոր,

յոդ,

սելեն,

արգինին,

հակաօքսիդանտներ։

Հազարավոր հետազոտություններ գնահատել են ձվի սպառման և խոլեստերինի բարձր մակարդակների միջև կապը, որոնցից շատերը նշում են, որ չկա որևէ կապ ձվի չափավոր սպառման և «վատ», «լավ» կամ ընդհանուր խոլեստերինի փոփոխված մակարդակների միջև:

Այս հետազոտությունների արդյունքները ցույց են տալիս, որ ձուն չի մեծացնում դիսլիպիդեմիայի վտանգը և կարող է օգտագործվել որպես սննդային մանրաթելերով հարուստ և հագեցած ճարպերի ցածր պարունակությամբ առողջ սննդակարգի մաս՝ առանց ավելորդ կալորիաների։

Հիպերխոլեստերինեմիայի, հիպերտրիգլիցերիդեմիայի կամ լյարդի ստեատոզի դեպքում խորհուրդ է տրվում օգտագործել շաբաթական մինչև 3 ձու։ Սննդաբանները խորհուրդ են տալիս առողջ մարդուն օրական օգտագործել մինչև 1 ձու՝ չհրաժարվելով այլ մթերքներից»։