Արցախը երբեք չի հայաթափվելու, Նոր նախիջևան չի լինելու․ Իշխան Սաղաթելյան

Արցախը երբեք չի հայաթափվելու, Նոր նախիջևան չի լինելու, որովհետև մենք տեր ենք մեր իրավունքներին։ Այս մասին ԱԳՆ շենքի մոտ հայտարարել է Ազգային ժողովի փոխնախագահ Իշխան Սաղաթելյանը։

Նա ընդգծել է՝ թե Հայաստանի բարեկամ, թե ռազմավարական գործընկեր, թե թշնամի պետությունները պետք է հստակ իմանան, չի կարող լինել որևէ լուծում, որ Արցախը լինի Ադրբեջանի կազմում՝ անկախ օրվա «դավաճան իշխանությունների մոտեցումներից», հայ ժողովուրդը տեր է Արցախին։

«Ռազմավարական դաշնակցի հետ մենք ունենք բազմաթիվ հարցեր, որոնք պետք է քննարկենք ու լուծում տանք։ Բայց դա պետք է լինի առանց Նիկոլի, որովոհետև Նիկոլը չի արտահայտում հայ ժողովրդի կամքն ու դիրքորոշումը, կապ չունի կենսական անհրաժեշտության առանջնահերթ խնդիրների ու սկզբունքների հետ։ Ինքը դավաճան է և չունի մանդատ ժողովրդի կողմից»- ասել է Սաղաթելյանը։

Հիշեցնենք, որ «Դիմադրություն» շարժման անդամներն այսօր ակցիա էին իրականացրել ԱԳՆ շենքի մոտ, որտեղ տեղի է ունենալու Ռուսաստանի և Հայաստանի ԱԳ նախարարների, Սերգեյ Լավրովի և Արարատ Միրզոյանի հանդիպումը։

Նշենք, որ ԱԳՆ շենքի դիմաց բողոքի ակցիան ավարտվեց։ Խաղաղ անհնազանդության ակցիայի մասնակիցները նախարարության շենքից կրկին երթով վերադարձան Ֆրանսիայի հրապարակ։