10-ամյա Լիլիթ Սիմոնյանը օգնության կարիք ունի (ֆոտո)․ News.am

Կոտայքի մարզի Մրգաշեն գյուղում բնակվող 10-ամյա Լիլիթ Սիմոնյանը մանկական ուղեղային կաթված ախտորոշումն ունի, նրա բուժման համար օգնություն է հարկավոր: NEWS.am-ի հետ զրույցում Լիլիթի մայրը՝ Լիաննան պատմեց, որ ընտանիքում 3 անչափահաս երեխա կա, իրենք անապահով են, նպաստ և թոշակ են ստանում:

«Երեխան 5 տարի առաջ և մարտ ամսին վիրահատվել է, երեխայի վերջույթներն է վնասված, արհեստական ջիլ են ավելացնում, մյուս վիրահատությունը նախատեսված է 12 տարեկանում: Հիմա երեխային վերականգնողական բուժում է հարկավոր: Երեխան պաևտաճանաչ է, աշխույժ, դպրոց է գնում, իհարկե, իմ օգնությամբ: Քանի որ անապահով վիճակում ենք ապրում, վերականգնողական բուժման համար գումար չունենք, գոնե 1-2 ամիս երեխան պետք է բուժում ստանա վիրահատությունից հետո»,- պատմեց Լիաննան:

Լիաննան նշեց, որ իրենք ստանում են 34 000 դրամ նպաստ և 37 000 դրամ թոշակ երեխայի համար, նրա ամուսինն էլ օրավարձով է աշխատում:

«Այդ գումարը հազիվ դեղորայքի, սննդի և հագուստի համար է հերիքում»,- ասաց նա:

Լիաննայի հետ կապ կարող եք հաստատել հետևյալ հեռախոսահամարով՝ 077 01 34 70:

Լիաննայի քարտային հաշվեհամարն է՝ 9051 3402 0887 9741, 4355 0539 2341 4504 Lianna Simonyan: