ԿԽՄԿ դադարեցրել Է գործունեությունն Ուկրաինայում

Կարմիր խաչի միջազգային կոմիտեն (ԿԽՄԿ) որոշում Է ընդունել, անվտանգության նկատառումներից ելնելով, դադարեցնել իր գործունեությունն Ուկրաինայի տարածքում:

Այդ մասին, ինչպես տեղեկացնում Է «Արմենպրես»-ը, հաղորդել Է Reuters գործակալությունը՝ վկայակոչելով կազմակերպության ներկայացուցչին: «Անվտանգության նկատառումներից ելնելով՝ մեր թիմերն այսօր դադարեցրել են աշխատանքը»,-ասվում Է ԿԽՄԿ-ի մամուլի քարտուղարի պատասխանում, որը գործակալությանն Է ուղարկվել Էլեկտրոնային փոստով:

Reuters-ը հաղորդել Է, որ Փախստականների գործերի նորվեգական խորհուրդը նույնպես հայտարարել Է օգնության ցուցաբերման ակտիվությունը ժամանակավորապես դադարեցնելու մասին՝ մինչև անվտանգ դառնալը: Հոկտեմբերի 10-ին Ուկրաինայում օդային տագնապ Է հայտարարվել երկրի ողջ տարածքում: Մի շարք պայթյուններ են որոտացել առավոտյան Կիևում, ինչպես նաև Ուկրաինայի այլ տարածաշրջաններում, այդ թվում՝ Դնեպրոպետրովսկի մարզում, Օդեսայում և Խարկովում, հաղորդել Է ՏԱՍՍ-ը: