Իրանը հայտարարում է, որ Թեհրանն ունի միջուկային ռումբ արտադրելու տեխնիկական հնարավորություն

Իրանն ունի ատոմային ռումբ արտադրելու տեխնիկական հնարավորություններ, սակայն այդ հարցում երկրի ղեկավարության որոշում չկա։ Այս մասին հայտարարել է Իրանի միջազգային հարաբերությունների ռազմավարական խորհրդի ղեկավար Քամալ Խարազին։

«Գաղտնիք չէ, որ մենք տեխնիկական հնարավորություններ ունենք միջուկային ռումբ արտադրելու համար, սակայն  որոշում չկա այդ հարցում», - փոխանցում է ՏԱՍՍ-ը։

Ռազմավարական խորհրդի ղեկավարը նշել է, որ Իրանը մի քանի օրվա ընթացքում կարողացել է ուրանի հարստացման մակարդակը 20%-ից հասցնել 60%-ի և «հեշտությամբ կարող է այդ մակարդակը հասցնել 90%-ի»։