Ինչու հասանք պատերազմին, ինչու մեր տղերքը զոհվեցին, տարածքներ կորցրինք․ Գեղամ Նազարյան

Այն, ինչում այսօր դատարանում մեղադրեցին Հայաստանի երկրորդ, Արցախի առաջին նախագահ Ռոբերտ Քոչարյանին, այս վարչախմբի դեմքերից մեկն է, գրում է պատգամավոր Գեղամ Նազարյանը։

«Կարդացեք ներկայացված մեղադրանքը ու կհասկանաք, թե ինչու է երկիրն այս վիճակում, ինչու հասանք պատերազմին, ինչու մեր տղերքը զոհվեցին, տարածքներ կորցրինք։

Աննա Դանիբեկյանը, չեմ բացառում, որ տուն մտնելուց հետո հարբում է, որ չմտածի, թե ինչի մեջ է թաթախվել։ Իսկ ի՞նչ են խմում դատախազները։ 

Բացառված է, որ նրանք  չեն գիտակցում, որ շատ շուտով դատարանում պատմելու են, թե ով և ինչն է իրենց դրդել նման անհեթեթ, անհասկանալի, անդեմ, անլուրջ մեղադրանք ներկայացնել և պաշտպանել այն։

Դատախազներ, կարդացեք, թե ինչ եղավ Եժովի և  նրա կամակատար դատախազների հետ։ Ուշադիր կարդացեք»։