• USD 367.47 ֏
  • EUR 419.65 ֏
  • RUB 4.73 ֏
5TV
Լրահոս
Իրավական
19:57
12.02.22
366

Ի՞նչ են հայտնաբերել իրավապահները ուժեղացված ծառայության արդյունքում․ պարզաբանում

Img default alt hy

Այսօր Երևան քաղաքում ոստիկանության ստորաբաժանումների կողմից իրականացվել է ուժեղացված ծառայություն, հայտնում են ՀՀ Ոստիկանության լրատվական ծառայությունից և պարզաբանում հետևյալը՝

Միջոցառումների ընթացքում կատարվել են տարատեսակ ստուգումներ, այդ թվում՝ տրանսպորտային միջոցների:

Մեր քաղաքացիների ներողամտությունն ենք հայցում պատճառված անհանգստության համար, բայց միևնույն ժամանակ հիշեցնենք, որ այդ կարգի գործողություններն իրականացվում են հենց քաղաքացու անվտանգությունն ապահովելու նպատակով:

Մասնավորապես այսօր, ընդամենը մի քանի ժամվա ընթացքում հայտնաբերվել է 21 միավոր սառը զենք, 2 ինքնաձիգ, մարտական և գազային ատրճանակներ, թմրանյութ և այլն:

Դժվար չէ պատկերացնել, թե նշված զենքն ինչպիսի վտանգ կարող էր ներկայացնել հենց քաղաքացիների համար:

Ոստիկանությունը պարբերաբար իրականացրել և իրականացնելու է նմանատիպ կանխարգելիչ և նախականխման միջոցառումներ:

Ակնկալում ենք մեր քաղաքացիների աջակցությունը հանրային անվտանգության ապահովմանն ուղղված գործողություններում:

Կարդացեք նաև
Հետևեք մեզ
©2026 5TV
Բոլոր իրավունքները պաշտպանված են Մեջբերումներ անելիս ակտիվ հղումը կայքին պարտադիր է։ Հրապարակումների հեղինակների կարծիքը ոչ միշտ կարող է համընկնել խմբագրության կարծիքի հետ։