6 ամիս առաջ Փաշինյանը սկսեց հարձակումներ գործել Հայոց Եկեղեցու և նրա առաջնորդի դեմ․ նա ցանկանում է փոխել Հայ Եկեղեցու 1700-ամյա կառույցը. Նարեկ Կարապետյան

Իմ հորեղբայր Սամվել Կարապետյանը և հոգևորականները կարող են ազատվել վաղը, եթե ասեն, որ եկեղեցու կողքին չեն։ Այս մասին ամերիկացի լրագրող Թաքեր Կարլսոնին տված հարցազրույցում ասել է «Մեր ձևով» շարժման համակարգող Նարեկ Կարապետյանը։

«Նա ցանկանում է փոխել եկեղեցու պատմությունը, որպեսզի մարդիկ մոռանան ցեղասպանությունը և մեր պատմությունը։ Վեց ամիս առաջ վարչապետը սկսեց հարձակումներ գործել Հայոց Եկեղեցու և նրա առաջնորդի դեմ։ Նա ցանկանում է տապալել նրան և փոխել Հայ Եկեղեցու 1700-ամյա կառույցը՝ ստանալ եկեղեցու նկատմամբ վերահսկողություն։ Դա մեր երկրի հիմնական հաստատությունն է՝ մեր ժողովրդի 90–95 տոկոսը Հայ Առաքելական Եկեղեցու հետևորդ է։ Երբ նա սկսեց հարձակումը եկեղեցու վրա, մեր հասարակությունն ուղղակի շոկ ապրեց, քանի որ նման բան երբեք չէր եղել, միայն Օսմանյան ժամանակներում։ Մեր հասարակությունում շատերն ընդդիմացան, բայց չկարողացան բարձրաձայնել, սակայն չկարողացան որևիցե կերպ առարկել։

Նա Թուրքիայից և Ադրբեջանից տեղեկություն է ստանում` եկեղեցու նարատիվները փոխելու, ցեղասպանությունը մոռանալու և եկեղեցու նոր առաջնորդ ունենալու կարգադրանքով, որպեսզի խաղաղության գործարքի գնա Հայաստանի և Ադրբեջանի միջև։ Եվ մենք զգում ենք, որ նա ուզում է փոխել եկեղեցու առաջնորդին, հետո՝ փոփոխել եկեղեցու նարատիվները և ստիպել մեր ժողովրդին մոռանալ այն ամենը, ինչ մեր նախնիները արել են մեր քրիստոնեական կրոնի համար»,– ասել է նա։

Նարեկ Կարապետյանը ֆեյսբուքյան էջում հրապարակել է ամերիկացի լրագրող Թաքեր Կարլսոնին տված հարցազրույցի հայերեն թարգմանությունը: