Եվրոպացի դիտորդները Հայաստան են գալիս, բայց պարզ չէ՝ ինչպե՞ս են աշխատելու

Մեկ շաբաթից Հայաստանում կլինեն եվրոպացի դիտորդները, բայց մինչև հիմա հայտնի չէ, թե տեխնիկական ի՞նչ միջոցներով, ի՞նչ գործիքակազմով են նրանք աշխատելու: Խորհրդարանի ընդդիմադիր «Պատիվ ունեմ» խմբակցության քարտուղար Տիգրան Աբրահամյանը այդ հարցերի պատասխանները չունի, փոխարենը նկատում է, որ եվրոպացիները Հայաստան են գալիս՝ Արևմուտք-Ռուսաստան սուր առճակատման փուլում: Իշխանականները հորդորում են այդ հակամարտության համատեքստում չդիտարկել եվրոպացի քաղաքացիական դիտորդների այցը: