Թուրքիայի Իզմիրում էլիտար բնակելի համալիրում խոշոր հրդեհ է բռնկվել

Թուրքիայի Իզմիր քաղաքի էլիտար բնակելի համալիրում անհայտ պատճառով խոշոր հրդեհ է բռնկվել, բնակիչները տարհանվել են, «Shantnews.am»-ի փոխանցմամբ՝ հայտնել են նահանգի նահանգապետի գրասենյակից։

Ուրբաթ գիշեր հրդեհը պատել է արևմտյան Իզմիրի Ենիկալե շրջանում գտնվող տունը։

Առողջապահության նախարար Ֆահրեթին Կոջան Twitter-ում հայտնել է, որ հրդեհի հետևանքով տուժել է յոթ մարդ, որոնցից վեցը ածխաթթու գազ են շնչել։

Իզմիրի նահանգապետ Սելիմ Կոշգերը հեռուստաալիքին ասել է, որ զոհեր չկան, սակայն տան մի մուտքն ամբողջությամբ այրվել է։

Մարման աշխատանքներին մասնակցել է անտառային պահակախմբի 25 մարտական ​​հաշվարկ, Անկարայից ու Այդինից ուղղաթիռներ։

Հրդեհի պատճառը դեռ պարզված չէ։

Իզմիրի քաղաքապետ Թունչ Սոյերը հայտնել է, որ հրդեհը հիմնականում մարվել է, սակայն շենքի փայտե երեսպատումը դժվարացրել է մարումը: