Շակիրան և Պիկեն հաստատել են բաժանման մասին լուրը

Կոլումբիացի երգչուհի Շակիրան հաստատել է, որ բաժանվում է «Բարսելոնայի» պաշտպան Ժերար Պիկեից, հայտնում է sport24.ru-ն։

«Ցավով հաստատում ենք, որ բաժանվում ենք: Հանուն մեր երեխաների բարօրության, որը մեր առաջնահերթ խնդիրն է, մենք խնդրում ենք հարգել մեր անձնական կյանքը: Շնորհակալություն ըմբռնման համար»,- ասված է երգչուհու հաղորդակցման գործակալության հակիրճ հայտարարության մեջ։ 

Նշվում է, որ հայտարարությունը հրապարակվել է Պիկեի հետ խորհրդակցելուց հետո։

Հիշեցնենք, որ ըստ լրատվամիջոցների տվյալներով՝ 45-ամյա Շակիրան իմացել է, որ Պիկեն իրեն դավաճանում է մեկ այլ կնոջ հետ։ Ըստ աղբյուրի՝ 35-ամյա ֆուտբոլիստն ապրում է մեկ այլ երկրում և հաճախ այցելում է գիշերային ակումբներ։

Նշենք, որ Շակիրան և Պիկեն ունեն երկու երեխա։