«Սգի օրով ուժային գործողությունների չենք գնա, վերադառնում ենք Երևան». Նիկոլ Փաշինյանն ընդհատել է այցը Սյունիքի մարզ

Հիմա համոզվեցի, որ ճանապարհը փակել են, որ ակնհայտ չդառնա, որ Գորիսում, Կապանում, Քաջարանում, Մեղրիում նույն մթնոլորտն է, ինչ Սիսիանում։ Այս մասին ֆեյսբուքյան իր էջում գրել է Նիկոլ Փաշինյանը:

«Առավել եւս սգի օրով ուժային գործողությունների չենք գնա։ Վերադառնում ենք Երեւան։

Գորիսին, Կապանին, Քաջարանին, Մեղրիին պարտք եմ մնում մեկ այցելություն։ Խաղաղություն մեր նահատակներին»,- գրել է Փաշինյանը:

Ավելի վաղ հայտնել էինք, որ վաղ առավոտյան, Սյունիքի բազմաթիվ բնակիչներ հավաքվել են Շինուհայրի խաչմերուկում, որոնք ցանկանում են առաջանալ, փակել Սյունիքի դարպասներն ու արգելել վարչապետ Նիկոլ Փաշինյանի մուտքը մարզի տարածք:

Փաշինյանին  սակայն հաջողվել է մտնել Սիսիան և այցելել  քաղաքային պանթեոն, ինչպես նաև Սբ. Գրիգոր եկեղեցի, որտեղ հոգևոր հովիվը հրաժարվել էր ձեռքը սեղմել Փաշինյանի ձեռքը