Լրահոս

Ողբերգական ավտովթար՝ Երևանում. մահացածին ու 2 վիրավորներին փրկարարները հայտնաբերել են մեքենայից դուրս

Արցախի և Հայաստանի միջև կապը օգոստոսի 31-ից հետո կիրականացվի նոր միջանցքով։ «Արմենպրես»-ի փոխանցմամբ՝ այս մասին հայտնում է Արցախի Հանրապետության ներքին գործերի նախարարության ոստիկանությունը։ «Արցախը Հայաստանին կապող միջպետական մայրուղու Բերձորի մինջանցքով երթևեկությունը կգործի մինչև ս.թ. օգոստոսի 31-ը ներառյալ։ Քաղաքացիների անվտանգ տեղաշարժն այս ընթացքում կապահովեն ռուս խաղաղապահները։ Օգոստոսի 31-ից հետո Հայաստանի Հանրապետության հետ կապը կիրականացվի նոր միջանցքով` հարավային ուղղությամբ, Բերդաձորի ենթաշրջանի տարածքով, որի մասին ՆԳ նախարարությունը կտրամադրի հստակ ու մանրամասն տեղեկություն։ Հաշվի առնելով քաղաքացիների մտահոգությունը, ՆԳ նախարարությունը օրվա կտրվածքով երկու անգամ` կեսօրին և երեկոյան, կհրապարակի Բերձորի գործող միջանցքի մասին թարմ տեղեկատվություն»,- ասված է հաղորդագրության մեջ։

Թադևոս Ավետիայանը ֆեյսբուքյան իր էջում գրում է. Հուսահատությունը, անզորությունը զայրացրել են մեր ազնիվ քաղաքացիներին, ովքեր գիտեն, որ հայրենիք ենք կորցնում։ Բայց այս ընթացքում հայտնվել են «հայրենասերներ», ովքեր փորձում են ժողովրդի զայրութն ուղղել դեպի նրանց, ովքեր առնվազն փորձել են այս ամենը կանխել, դուրս են եկել փողոց, ստանձնել պատասխանատվություն, անձնազոհ պայքարել: Բոլոր այն ուժերը, ովքեր կարող էին օգնել Դիմադրության պայքարին, նպաստել սրանց մեկ օր առաջ հեռացմանը և դա չեն արել' իրենց նեղ անձնական ու խմբային հաշվարկներից և շահերից ելնելով, որևէ բանով չեն տարբերվում նիկոլից: Նիկոլին հեռացնելու պայքար սկսելու համար պայքարի մեջ գտնվողներին թիրախավորելը, ընդդիմադիր դաշտի պառակտման փորձերը պարտադիր պայման չեն։ Ընդհակառակը' դա հենց օրվա իշխանական խմբակի և կցորդների առաջնային օրակարգն է։ Եվ այսպիսով սկսում եք որևէ բանով չտարբերվել տխրահռչակ «երրորդ» ուժից։ Դիմադրության ՊԱՅՔԱՐԸ շարունակվում է. Սեպտեմբերի 2-ին, ժամը 19:30-ին մեծ հանրահավաք Ֆրանսիայի հրապարակում։

Քաղաքական գիտությունների դոկտոր, էներգետիկ և տրանսպորտային-լոգիստիկ անվտանգության հարցերով փորձագետ Վահե Դավթյանը ֆեյսբուքյան իր էջում գրել է․ «Ռուսական տեղեկատվական֊փորձագիտական դաշտում Հայաստանն այլևս չունի ազդեցիկ սիմպատիզանտներ ու աջակիցներ։ Հակառակը՝ աճում է ազդեցիկ օպպոնենտների թիվը։ Ու սա լուրջ մարտահրավեր է՝ հաշվի առնելով ռուսական մեդիադաշտի և ուղեղային կենտրոնների փոխկապակցվածությունը քաղաքական ու տնտեսական էլիտաների հետ»։

Զրույցի ժամանակ անձնական սահմանները պահպանելու վերաբերյալ «Մոսլենտա»-ին տված հարցազրույցում առաջարկություններ է արել հոգեթերապևտ, Ընտանեկան հոգեբանության կենտրոնի ղեկավար Ալեքսանդրա Տոլոկոնինան: Սկզբից նա խորհուրդ տվեց սովորել զգալ և բացահայտել այն թեմաները, որոնք չպետք է քննարկվեն մարդկանց հետ: «Սկզբում դուք պետք է զարգացնեք զգայունություն ձեր ներսում մարմնի ազդանշանների և սենսացիաների նկատմամբ: Սովորեք զգալ ձեր մարմնի յուրաքանչյուր մասը՝ մինչև մատների և ոտքերի ծայրերը: Ձեր էներգիան ձեր լռելյայն պաշտպանությունն է», – բացատրեց նա: Սեփական էներգիան ամրապնդելու համար նա խորհուրդ է տալիս շնչառական պրակտիկաներ՝ մեդիտացիա, յոգա: Տոլոկոնինան խորհուրդ է տալիս սովորել պատասխանել երկխոսություններում, որպեսզի մյուսները հստակ հասկանան ձեր դիրքորոշումը ցանկացած թեմայի վերաբերյալ, ինչպես նաև փորձեք ինքնուրույն հարցեր տալ: Բացի այդ, փորձագետը խորհուրդ է տալիս ուղղակիորեն բացատրել զրուցակցին, որ կան հարցեր, որոնց պատրաստ չեք պատասխանել։ «Եթե չես հասկանում զրուցակցի հետին մղումները, կամ քեզ թվում է, որ կարող ես նրան շատ ավելորդ բաներ ասել, ընդմիջիր, ասա, որ պետք է հեռանալ։ Փոխեք թեման, երբ վերադառնաք: Տհաճություն է բերում ոչ միայն տհաճ խոսքերն ու անհարմար հարցերը, այլ նաև մեր անձնական սահմանների խախտման փաստը։ Երբ սկսեք ընտրողաբար մարդկանց թույլ տալ ձեր սեփական տարածք, միայն նրանք, ովքեր պատրաստ են հաշվի նստել ձեր կանոնների հետ, կմնան ձեզ հետ », – բացատրեց նա:

Այսօր՝ օգոստոսի 28-ին, ավտովթար է տեղի ունեցել Գեղարքունիքի մարզում:  Ժամը 18:50-ի սահմաններում, Երևան-Սևան-Իջևան ավտոճանապարհի՝ «Հարսնաքար» ռեստորանային համալիրի հարևանությամբ, բախվել են Mercedes-B170 մակնիշի և Opel Vectra մակնիշի ավտոմեքենաները:  Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, տուժածներ չկան: 

Ամերիկացի դերասանուհի և երգչուհի Ջենիֆեր Լոպեսը ցուցադրել է Ralph Lauren-ի իր շքեղ զգեստները, որոնցում նա ամուսնացել է հոլիվուդյան կինոաստղ Բեն Աֆլեքի հետ։ Այս մասին հայտնում է Vogue-ը։ Ջեյ Լոն հանդերձանքն անվանել է առասպելական: Զգեստի ուշագրավ դետալը, որով հարսնացուն քայլում էր դեպի զոհասեղան, անթիվ դարսերն են:Օգտագործվել է հազար շարֆ ու 500 մետր գործվածք : 30 դերձակ մոտ 700 ժամ աշխատել է այդ հանդերձանքների վրա: Բացի այդ, Ջենիֆերը ներկայացել է ևս երկու էլեգանտ զգեստներով՝ առատորեն զարդարված մարգարիտներով և խորը նեղ դեկոլտեով:

Դիետոլոգների ազգային ասոցիացիայի անդամ, բժշկական գիտությունների թեկնածու Դարիա Ռուսակովան URA.RU-ին տված հարցազրույցում խոսել է մրգի չափից ավելի օգտագործման վտանգների մասին։ Նրա խոսքով, մրգային թթուների ավելցուկը կարող է գրգռիչ ազդեցություն ունենալ աղեստամոքսային տրակտի լորձաթաղանթի վրա։ «Ստամոքսի և աղիների քրոնիկական հիվանդություններ ունեցող մարդկանց մոտ դա կարող է սրացում առաջացնել։ Դա կարող է լինել թթու խնձորից, սալորից», – զգուշացրել է նա: Ռուսակովան բացատրել է, որ օրգանիզմը չի կարողանում հաղթահարել այդքան մանրաթելերը։ Նա նաև հորդորել է մրգերն օգտագործելուց առաջ մանրակրկիտ լվանալ։

Այսօր՝ օգոստոսի 28-ին, խոշոր ավտովթար է տեղի ունեցել Սյունիքի մարզում: © shamshyan.com https://shamshyan.com/hy/article/2022/08/28/1221008/

Այսօր՝ օգոստոսի 28-ին, խոշոր ավտովթար է տեղի ունեցել Տավուշի մարզում:  Ժամը 17:40-ի սահմաններում, Երևան-Սևան-Իջևան ավտոճանապարհի՝ Դիլիջանի թունելի մեջ, ճակատ-ճակատի բախվել են բախվել են BMW և Opel Astra մակնիշի ավտոմեքենաները:  Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի մարմնական վնասվածքներով տեղափոխվել են «Դիլիջան» բժշկական կենտրոն:  Ըստ նախնական տեղեկությունների, վթարի մեղավորը եղել է Opel-ի վարորդը, ով դեպի Դիլիջան ընթանալիս, դուրս է եկել հանդիպակած երթևեկելի գոտի և բախվել դեպի Սևան ընթացող BMW-ին:  Ոստիկանությունն ու քննչական բաժինը պարզում են վարորդների և վիրավորների ինքնությունը: 

Վատ տեսողությունը կարող է լինել շաքարախտի, լյարդի վնասման և այլ լուրջ հիվանդությունների ախտանիշներից մեկը, ասել է նյարդաբան Օլգա Հոֆմանը։ Lenta.ru-ին տված հարցազրույցում նա նշել է նաև այլ հիվանդություններ, որոնց մասին կարող է ազդարարել աչքերի վիճակը։ Տեսողության վատթարացումը կարող է լինել ոչ միայն աչքերի, այլ նաև այլ օրգանների հետ կապված խնդիրների նշան, նշեց նյարդաբանը։ Նրա խոսքով՝ վատ տեսողությունը կարող է լյարդի ախտահարման նշան լինել, անոթային պաթոլոգիաների և շաքարային դիաբետի ախտանիշ, որի դեպքում ցանցաթաղանթը վնասված է։ Որոշ մարդիկ բախվում են մեկ այլ խնդրի՝ նրանք լայնացած բիբ ունեն: Ամենից հաճախ այս վիճակը ազդանշան է տալիս հորմոնալ համակարգի խանգարման մասին, բացատրեց բժիշկը։ Բբերը լայնանում են ադրենալինի պատճառով, որը բարձրանում է քնելու անկարողության պատճառով։ Իսկ նորմալ քունը խանգարվում է մակերիկամների խնդիրների եւ օրգանիզմում կորտիզոլի անբավարար մակարդակի պատճառով։ Երբ օրգանիզմում կան խնդիրներ, աչքի համար անհրաժեշտ հակաօքսիդանտների՝ լյուտեոլինի, աստաքսանտինի և զեաքսանտինի մակարդակը նվազում է։ Բայց մարդը կարող է պահպանել տեսողության օրգանի առողջությունը՝ պարբերաբար ընդունելով A, C և E վիտամիններ, ամփոփել է Օլգա Հոֆմանը։

Արցախի ՆԳ նախարարությունը տեղեկացնում է, որ Արցախը Հայաստանին կապող միջպետական մայրուղու Բերձորի միջանցքով երթևեկությունը կգործի մինչև ս.թ. օգոստոսի 31-ը ներառյալ։ Քաղաքացիների անվտանգ տեղաշարժն այս ընթացքում կապահովեն ռուս խաղաղապահները։ Օգոստոսի 31-ից հետո Հայաստանի Հանրապետության հետ կապը կիրականացվի նոր միջանցքով` հարավային ուղղությամբ, Բերդաձորի ենթաշրջանի տարածքով, որի մասին ՆԳ նախարարությունը կտրամադրի հստակ ու մանրամասն տեղեկություն։ Հաշվի առնելով քաղաքացիների մտահոգությունը, ՆԳ նախարարությունը օրվա կտրվածքով երկու անգամ` կեսօրին և երեկոյան, կհրապարակի Բերձորի գործող միջանցքի մասին թարմ տեղեկատվություն։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ օգոստոսի 29-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքի՝ 10:00-16:00 Սվաճյան փ. 12, 14, 18 շենքեր, Րաֆֆու փ․ 8/8 շենք, Հաղթանակ թաղ. 4, 10 փողոցների բնակիչ-բաժանորդներ և հարակից ոչ բնակիչ-բաժանորդներ, 11:00-15:00 Սասունցի Դավթի փ. 13 շենք և 25-43 սեփական տներ, Մուրացան փ. 4-36 սեփական տներ: 11:00-17:00 Մանթաշյան փողոցի սեփական տներ և հարակից ոչ բնակիչ- բաժանորդներ, Հ․Մուրադյան փ. 16, 23, 35 շենքեր և 16-41 սեփական տները, Արմավիրի մարզի` 11:00-17:00 Ամբերդ, Աղավնատուն և Լեռնամերձ գյուղեր, Արագածոտնի մարզի՝ 11:00-13:00 Կոշ, Ավան, Լեռնարոտ, Վերին Սասունիկ, Արուճ, Շամիրամ և Դպրեվանք գյուղեր, 11:00-17:00 Ուջան գյուղ, Արարատի մարզի՝ 10:00-14:00 Արարատի տարածաշրջանի՝ «Վիվասել-ՄՏՍ», «Տելեկոմ Արմենիա», «Յուքոմ» ընկերությունների բջջային կայաններ, զորամասեր, «Հայէրոնավիգացիա» օդային երթևեկության կառավարման կենտրոն, Զովաշենի հեռուստակայան, «Հիդրոմետ կայան» ոչ բնակիչ-բաժանորդ, 10:00-16:00 Ուրցալանջ գյուղ, 10:30-14:30 Արտաշատ քաղաք՝ Մարքսի, Շահումյան փողոցներ մասնակի և հարակից ոչ բնակիչ-բաժանորդներ, 10:30-16:00 Շահումյան գյուղ մասնակի, 14:00-16:00 Զանգակատուն, Վարդաշատ գյուղեր, Լանջառ գյուղ մասնակի, Վայոց Ձորի մարզի` 11:00-15:00 Չիվա, Արենի գյուղեր մասնակի, Կոտայքի մարզի՝ 10:30-16:30 Հրազդան քաղաք՝ Կաքավաձոր թաղամաս, Աղավնաձոր, Մարմարիկ, Մեղրաձոր, Արտավազ, Փյունիկ և Հանքավան գյուղեր, «Նորալուսին» ՍՊԸ, «Եղևնիներ» հանգստյան գոտի, «Երկրաբան» պանսիոնատ, «Ջրառ» ՓԲԸ, «Հովիտ» Հանքավանի հանգստյան տուն, Հանքավանի «Տաք ջրեր» առողջարանային հիմնարկ, «Էլեանորա» ՍՊԸ, «Քվանտ» վարժարան, «Համակցված կերեր» ՍՊԸ, «Մանկավարժական համալսարան» ՍՊԸ, «Նաիրի սպա ռեզորթս» հյուրանոցային համալիր, «Մարմարիկ» ՍՊԸ, «Վիվա-Ման գրուպ» ՍՊԸ, «Մեղրաձոր գոլդ» ՍՊԸ, «Նորի Կակոսյան» ԱՁ, «Լուսաբաց», «Հասմիկ» և «Արագած» ճամբարներ, «Յուքոմ», «ՎիվաՍել-ՄՏՍ», «Տելեկոմ Արմենիա» ընկերությունների բջջային կապի կայաններ և հարակից ոչ բնակիչ-բաժանորդներ, 11։00-17։00 Ջրվեժի և Ձորաղբյուրի ամառանոցներ մասնակի, Գեղաշեն և Կոտայք գյուղեր մասնակի, Լոռու մարզի՝ 11:00-15:00 Վահագնի, Անտառամուտ և Դաշտադեմ գյուղեր: Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով: «Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Հայաստանի ֆուտբոլի ազգային հավաքականի և ռուսական «Կրասնոդար» ակումբի կիսապաշտպան Էդուարդ Սպերցյանը գոլի հեղինակ է դարձել Ռուսաստանի Պրեմիեր լիգայի 7-րդ տուրի «Տորպեդո»-«Կրասնոդար» խաղում։ «Արմենպրես»-ի փոխանցմամբ՝ Սպերցյանը 31-րդ րոպեին բացել է խաղի հաշիվը՝ արդյունավետ օգտագործելով խաղընկերոջ փոխանցումը։ 44-րդ րոպեին էլ նա դուբլ է ձևակերպել տուգանայինից կատարած փայլուն հարվածով։ Այս պահին ընթանում է խաղի 2-րդ խաղակեսը։ «Կրասնոդար»-ը հաղթում է «Տորպեդո»-ին 0-2 հաշվով։ «Կրասնոդար»-ն այս պահին 14 միավորով երրորդն մրցաշարային աղյուսակում։

Զոհված զինծառայողների ծնողները օգոստոսի 30-ին կլինեն Գլխավոր դատախազության մոտ: Այս մասին ասվում է նրանց տարածած հայտարարությունում: Հայտարարությունում մասնվորապես ասվում է. «Սիրելի հայեր, եկեք փրկենք ի վերջո մեր հայրենիքը, մեր պետականությունն ու անկախությունը: Չկա մի օր, որ չբերի մեզ նոր զոհեր, հայրենի տարածքների նոր կորուստներ, աղետներ ու արհավիրքներ: Մեր աչքի առջև , առանց որևէ կրակոցի, թշնամի երկրին են հանձնվում մեր գյուղերն ու հողերը իրենց հարուստ ջրային պաշարներներով, հանքերով, պատմամշակութային արժեքներով, տասնյակ տարիների ընթացքում մեր հայրենակիցների քրտինքով կառուցած իրենց բնակելի տներով ու պտղատու այգիներով: Այլևս անհնար է հանդուրժել այս ազգային նվաստացումը: Ահա արդեն թշնամին խրախճանք է կազմակերպում Բերձորում և Աղավնոյում, ընդհուպ մոտեցել է Ջերմուկին, Տավուշի գյուղերին, վաղուց արդեն 41 կիլոմետր քառակուսի ներխուժել է Սոդք Խոզնավար հատվածում, զբաղեցրել Սև լիճը, առաջնահերթ վտանգված է Սիսիանը, Վարդենիսը, Տիգրանաշենը: Սա այն դեպքում, երբ մեր զավակներն իրենց կյանքը չեն խնայել այս սուրբ հողի մեկ միլիմետրը պաշտպանելու համար: Այդ սուրբ հողում՝ Արցախում, մեր երեխաների թափված արյունն է, շատերիս զավակների դեռևս չգտնված աճյուններն ու մասունքներն են: Մենք չպետք է թույլ տանք Արցախի հանձնումը Ադրբեջանին, դրանով իսկ Ալիևին ոտքի ճանապարհ բացելով մինչև Երևան, որն անխուսափելի կլինի այդ պարագայում: Դեռ կա հնարավորություն այդ աղետը կանխելու: Օգոստոսի 31 –ին Բրյուսելում կայանալու է եռակողմ հանդիպում, որտեղ բացի աղետալի և նվաստալի նոր զիջումներից, ոչ մի լավ բան հայ ազգի ու հայկական պետության համար չի կարող սպասվել: Դա է ապացուցում վերջին 4 տարուց ավելի ժամանակահատվածում այս իշխանության օրոք հայ ազգի գլխին թափած դժբախտություւները, ներառյալ պատերազմի արդյունքում ունեցած մեր սարսափելի կորուստները՝ թե՛ մարդկային, և թե՛ նյութական: Եկե՛ք կանխենք հերթական դավաճանական որոշումներն ու պայմանավորվածություննրը: Մենք, հերոսածին ծնողներս, ովքեր արդեն կորցրել ենք մեր ամենաթանկը, կոչ ենք անում օգոստոսի 30-ին ժամը 16:00-ին հավաքվել ՀՀ Գլխավոր դատախազության մուտքի մոտ՝ պահանջելու ՀՀ Գլխավոր դատախազից՝ Արթուր Դավթյանից, որպեսզի նա ի վերջո կատարի իր աշխատանքային պարտականությունը և ձերբակալի ներկայումս վարչապետի պաշտոնը զբաղեցրած, իսկ 44 օրյա պատերազմի ընթացքում իրեն գերագույն հրամանատար հռչակած Նիկոլ Փաշինյանին՝ պատերազմ հրահրելու, դավաճանական գործողությունների և անգործությունների արդյունքում պատերազմը տանուլ տալու, հազարավոր մարդկային զոհեր ունենալու և միլիարդավոր դոլարների հասնող տարածքային, նյութական, այդ թվում ռազմական սպառազինության կորուստներ պատճառելու, ինչպես նաև 2020թ. նոյեմբերի 9-ից հետո առ այսօր թշնամուն նոր տարածքներ, ճանապարհներ, ջրային և հանքային ռեսուրսներ զիջելու համար: Մեղադրանք առաջադրելու համար հիմքերը ավելին քան շատ են, ներառյալ ապրիլի 13-ին իր արած հանցագործության ինքնախոստովանությունը ԱԺ ամբիոնից, որ կարող էր կանխել պատերազմը, կունենայինք նույն արդյունքը, իհարկե առանց զոհերի: Կոչ ենք անում նախևառաջ բոլոր նրանց, ովքեր իրենց հայ են համարում, բոլոր քաղաքական ուժերին (առանց բացառության), հասարակական կազմակերպություններին, ազգային ազատագրական, անկախության շարժումներին, հերոսածին մեր մյուս ծնողներին և հարազատներին միանալ այս պահանջին՝ ձերբակալելու և մեղադրանք առաջադրելու Նիկոլ Փաշինյանին, որպես պետական դավաճանի, հնարավորություն տալու համար երկիրը կործանումից փրկելու: Կհանդիպենք ժամը 30.08.2022թ. 16:00-ին ՀՀ Գլխավոր դատախազության շենքի մոտ»:

Ցինկը, վիտամին C-ն և բուժիչ բույս անդրոգրաֆիսը կօգնեն ամրապնդել իմունային համակարգը, ասում է ամերիկացի դեղագործ Ռաջի Սաննիդին։ Այս մասին հայտնում է Eat This, Not That! կայքը: «Առողջ իմունիտետը շատ կարևոր է, քանի որ այն վարակների դեմ մեր պաշտպանության առաջին գիծն է», – ասել է Սաննիդին: Նա նշել է, որ իմունային համակարգի գործունեությունը պահպանելու համար անհրաժեշտ է հավասարակշռված սննդակարգ ունենալ, գիշերը առնվազն 7-9 ժամ քնել և թողնել ծխելը։ Նաև, ըստ նրա, օգտակար կարող են լինել սննդային հավելումները, որոնք լրացնում են սննդակարգում էական վիտամինների պակասը։ Սաննիդին խորհուրդ է տվել վիտամին C ընդունել: Նա այն անվանել է ամենաուժեղ հակաօքսիդանտը, որը նպաստում է արյան սպիտակ բջիջների արտադրությանը: « Արյան սպիտակ բջիջները անհրաժեշտ են վարակների դեմ պայքարելու համար», – բացատրել է դեղագործը: Ցինկը նույնպես դրական է ազդում դրանց արտադրության վրա, մասնավորապես՝ օգնում է վերքերի ապաքինմանը։ «Անդրոգրաֆիսը՝ Հնդկաստանի և Շրի Լանկայիում աճող էնդեմիկ բուժիչ բույս է,և ըստ դեղագործի, բնական իմունոմոդուլատոր է: Այն նաև հակաբորբոքային հատկություն ունի և օգտակար է շնչառական հիվանդությունների համար»,- եզրափակել է Սաննիդին։

Մոսկվայում օգոստոսի 28-ին կիրակի օրը կլինի վերջին շոգ օրը: Դրանից հետո սպասվում է ամպամած, առանց տեղումների եղանակ, խոստացել է «Ֆոբոս» կենտրոնի մասնագետ Եվգենի Տիշկովեցը, փոխանցում է «ՌԻԱ Նովոստին»։ Նա պարզաբանել է, որ սա Մոսկվայում այս ամառվա վերջին շոգ օրն է: Այնուհետև ամեն ինչ կորոշվի արևմտյան «անտիցիկլոնով, տեղումները քիչ հավանական են, նկատելիորեն շատ ամպեր կլինեն, շոգը կնահանջի»։ Տիշկովեցը նաև նշել է, որ ջերմաստիճանը կլիմայական նորմայից բարձր է։ Նրա խոսքով, այն դեռ կշարունակի բարձր լինել քաղաքում։ Օդերեւութաբանը հայտնել է նաեւ, որ Մոսկվայում այսօր կլինի մոտ 28-30 աստիճան, Մոսկվայի մարզում՝ 26-31 աստիճան շոգ։

Բեյլորի բժշկական քոլեջի գիտնականներն ապացուցել են, որ GlyNAC պարունակող հավելումները՝ գլիկինի և N-ացետիլցիստեինի համադրությունը, դանդաղեցնում են ծերացումը և կանխում տարիքային հիվանդությունների զարգացումը: Հետազոտության արդյունքները հրապարակված են The Journals of Gerontology Series A-ում: Հետզոտությանը մասնակցել է 24 տարեց և 12 երիտասարդ: Առաջինները բաժանվել են 12 հոգուց բաղկացած երկու խմբի, որոնցից մեկը ստացել է պլացեբո, իսկ մյուսը՝ GlyNAC 16 շաբաթվա ընթացքում։ Երիտասարդ կամավորները երկու շաբաթվա ընթացքում ստացել են միայն GlyNAC: Պարզվել է, որ հավելումները հակադարձում են անառողջ ծերացման նշանները, ինչպիսիք են օքսիդատիվ սթրեսը, գլուտատիոնի անբավարարությունը, միտոքոնդրիալ դիսֆունկցիան, բորբոքումը, ինսուլինի դիմադրությունը, գենոմի վնասը և ցողունային բջիջների քայքայումը: GlyNAC-ը բարելավում է մկանների ուժը, քայլելու արագությունը, ֆիզիկական տոկունությունը, ինչպես նաև նորմալացնում է արյան ճնշումը։ Մարդկանց մոտ փոփոխությունները նման էին մկների մոտ նախնական ուսումնասիրություններով նկատված փոփոխություններին, որոնք ցույց տվեցին բարելավումներ այնպիսի օրգաններում, ինչպիսիք են սիրտը, լյարդը և երիկամները: Հավելումը 24 տոկոսով ավելացրել է կենդանիների կյանքի տեւողությունը։ Հեղինակները նշում են, որ GlyNAC-ի ավելացումը տարեցների սննդակարգում 16 շաբաթվա ընթացքում անվտանգ էր: Այսպիսով, GlyNAC-ը, որը համատեղում է գլիկինի և ացետիլցիստեինի հակաօքսիդանտ ազդեցությունները, արդյունավետ սննդային հավելում է, որը բարելավում և վերացնում է տարիքային բազմաթիվ անոմալիաները՝ նպաստելով ծերացող մարդկանց առողջությանը:

En Son Haber-ի մասնագետները թվարկել են տասը մթերք, որոնք օգտակար են երիկամների առողջության համար: Միջերկրածովյան դիետան լավ է երիկամների առողջության պահպանման համար։ Ամեն օր կերեք ամբողջական ձավարեղեն և շաբաթական մի քանի անգամ լոբազգիներ կերեք։ Արժե նաև սննդակարգում ներառել կենդանական սպիտակուցի աղբյուրներ՝ սպիտակ միս և ձուկ: Անպայման սննդակարգում ավելացրեք սեզոնային մրգեր և բանջարեղեն, որոշ ընկույզներ: Այն մթերքները, որոնք հարուստ են նատրիումով և բարձրացնում են արյան ճնշումը, համարվում են երիկամների համար վնասակար: Անհրաժեշտ է սահմանափակել աղի, օքսալատներ պարունակող մթերքները (ճակնդեղ, սպանախ, կակաո) և պուրինները (անչոուս, սարդինա, ծնեբեկ) ։ Փորձագետները երիկամների համար նախատեսված մթերքների առաջին տասնյակում ներառել են ջուրը, բողկը, դդմի սերմերը, սամիթը, ձիթապտղի յուղը, հնդկաձավարը, նուռը, ծաղկակաղամբը, սոխը և լյուպինը: Այս մթերքներից բավականաչափ ուտելը կօգնի պահպանել երիկամների առողջությունը:

Մարջորի Ստյուարտը Շոտլանդիայից նշել է իր 105-ամյակը և նշել, որ իր սիրելի վիսկիի մեկ բաժակն՝է իր երկարակեցության գաղտնիքը։ Այս մասին հայտնում է Daily Record-ը։ Հարյուհինգամյա կնոջ սիրելի ոգելից խմիչքը J&B շոտլանդական վիսկին է, որը նա նախընտրում է խմել հեռուստացույցով սպորտ դիտելիս։ Կինը կարծում է, որ հենց ալկոհոլն է իրեն օգնում ակտիվ մնալ և դրական նայել աշխարհին: Ստյուարտն իր ծննդյան օրն անցկացրել է Շոտլանդիայի Կալդութել շրջանի ծերանոցում ընտանիքի և ընկերների հետ։ «Այնտեղ հրաշալի մթնոլորտ էր, և այնքան հաճելի էր նրա ծննդյան տարեդարձը միասին նշել արևոտ եղանակին: Մայրս հիանալի կյանքով է ապրում. նա շատ շփվող է և գիտի, թե ինչպես պատմել տարբեր պատմություններ հետաքրքիր ձևով»,- ասում է դուստրը՝ Դեյդրեն։ Ծերանոցի մենեջերի խոսքով՝ Ստյուարտը շարունակում է լիարժեք կյանքով ապրել, և դրանում իրեն օգնում է իր նպատակներին հասնելու կարողությունը։