Լրահոս

«Սուրմալու» առևտրի կենտրոնի պայթյունի գործով կալանավորվել են պահեստը շահագործող տնտեսվարողները, իսկ ձերբակալված «Երևանի պահածոների գործարան» ՓԲ ընկերության փոխտնօրենը՝ չի կալանավորվի: Երևանի ընդհանուր իրավասության դատարանը մերժել է նրա նկատմամբ կալանավորումը որպես խափանման միջոց ընտրելու մասին քննիչի միջնորդությունը: Այս մասին «Փաստինֆո»-ի հետ զրույցում հայտնեցին ՀՀ գլխավոր դատախազությունից: Հիշեցնենք, որ օգոստոսի 14-ին, ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ Երևանի Արշակունյաց 15 հասցեում գտնվող «Սուրմալու» առևտրի կենտրոնում տեղի է ունեցել պայթյուն՝ հրդեհի բռնկմամբ, եռհարկանի շինությունը մասնակի փլուզվել է։ Պաշտոնապես հայտնի է, որ ողբերգական դեպքի հետևանքով զոհվել է 16 քաղաքացի, այդ թվում՝ մանկահասակ երեխա և հղի կին, ևս մեկ քաղաքացի այս պահին համարվում է որպես անհետ կորած։ Պայթյունի դեպքի առթիվ նախաձեռնվել է քրեական վարույթ՝ ՀՀ ՔՕ 357-րդ հոդվածի 2-րդ մասի (Հրդեհային անվտանգության կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետեւանք) եւ 358-րդ հոդվածի 2-րդ մասի (Դյուրավառ կամ այրիչ նյութերի պահպանման, հաշվառման, փոխադրման, առաքման կամ օգտագործման կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետեւանք) հատկանիշներով։ Դատախազությունից տեղեկացրել են, որ քննիչի համապատասխան որոշմամբ ՀՀ քաղաքաշինության տեխնիկական և հրդեհային անվտանգության տեսչական մարմնից առգրավված փաստաթղթերի ուսումնասիրությունից պարզվել է, որ արձանագրված խախտումների վերացման վերջնաժամկետից հետո նոր ստուգումներին և կանխարգելիչ միջոցառումներին ուղղված որևէ գործողություն չի իրականացվել: Մինչդեռ, «Սուրմալու» առևտրի կենտրոնում իրականացված ստուգումների արդյունքում արձանագրվել են հրդեհային անվտանգության կանոնների բազմաթիվ խախտումներ, որոնք արդեն իսկ հրդեհի առաջացման պատճառ են հանդիսացել: Ավելին՝ Երևանի դատախազը միջնորդագիր է ներկայացրել՝ «Երևանի պահածոների գործարան» ՓԲԸ-ի գործունեությունը դադարեցնելու վերաբերյալ։ Քրեական վարույթի շրջանակներում ձերբակալվել էր չորս անձ, որոնցից երկուսը՝ ՀՀ քրեական օրենսգրքի 357-րդ հոդվածի 2-րդ մասի (հրդեհային անվտանգության կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետևանք), մյուս երկուսը՝ 165-րդ հոդվածի 2-րդ մասի (անզգուշությամբ երկու կամ ավելի անձանց կյանքից զրկելը) հատկանիշներով։ Ձերբակալվածների թվում է եղել «Երևանի պահածոների գործարան» ՓԲ ընկերության փոխտնօրենը, որին մեղադրանք է առաջադրվել ՀՀ քրեական օրենսգրքի 357-րդ հոդվածի 2-րդ մասով՝ առևտրի կենտրոնում հրդեհային անվտանգության կանոնները խախտելու համար, որն անզգուշությամբ առաջացրել է մարդու մահ կամ այլ ծանր հետևանք։ Նրան կալանավորելու միջնորդությունը մերժվել է: Գործով կալանավորվել են ձերբակալված մյուս երեք անձինք, որոնք եղել են պահեստը շահագործողները. Նրանցից մեկը նույնպես մեղադրվում է ՀՀ քրեական օրենսգրքի 357-րդ հոդվածի 2-րդ մասով, մյուս երկուսը մեղադրվում են ՀՀ ՔՕ 165-րդ հոդվածի 2-րդ մասով՝ երկու կամ ավելի անձանց անզգուշությամբ կյանքից զրկելու հատկանիշներով։ Հատկանշական է, որ, թեև դատախազությունը փաստացի արձանագրել է ՔՏՀԱ ՏՄ աշխատակիցների կողմից անգործությունը, նրանք գործով ունեն վկայի կարգավիճակ: Որեւէ իրավասու պաշտոնյայի նկատմամբ առ այս պահը ոչ միայն հետապնդում չի հարուցվել, այլ անգամ պաշտոնանկ չի արվել։

Հարյուրավոր իրանցի կանայք 40 տարվա ընթացքում առաջին անգամ Թեհրանում ներկա են եղել պրոֆեսիոնալ տեղական ֆուտբոլի հանդիպման՝ կանանց սպորտային մարզադաշտեր հաճախելու արգելքից հետո: Հինգ հարյուր կանանց թույլ է տրվել մուտք գործել Թեհրանի «Ազադի» մարզադաշտ՝ դիտելու Թեհրանի «Էսթեղլալ» և Քերման քաղաքի «Սանատ Մես Քերման» ֆուտբոլային ակումբների միջև առաջնության հանդիպումը, հինգշաբթի օրը հայտնել է երկրի կիսապաշտոնական պետական ​​«Ֆարս» գործակալությունը ,տեղեկացնում է CNN-ը: Մարզադաշտում կանանց բաժանում էին տղամարդկանցից և ներս էին մտնում հատուկ մուտքով՝ ավտոկայանատեղիով, հայտնում է Իրանի ֆուտբոլի ֆեդերացիայի կայքը։ Կանանց սպորտային մարզադաշտեր հաճախելու արգելքը Իրանի կողմից գրված չէ օրենքով, սակայն ուժի մեջ է մտել 1979 թվականի իսլամական հեղափոխությունից անմիջապես հետո: Թեև հինգշաբթին առաջին անգամն էր ավելի քան 40 տարվա ընթացքում իրանցի կին ֆուտբոլասերներին թույլատրվել է դիտել տեղական խաղ, կանայք կարողացել են ներկա գտնվել փոքր թվով ազգային խաղերի: Այս տարի իրանցի կանանց թույլ տրվեց կիսվել շրջադարձային պահով, երբ Իրանն ապահովեց նոյեմբերին Քաթարում կայանալիք աշխարհի գավաթի խաղարկության որակավորումը: Դրանից երեք տարի առաջ հազարավոր կանանց թույլատրվել էր ներկա գտնվել 2019 թվականին կայանալիք Աշխարհի գավաթի ընտրական փուլի Իրան-Կամբոջա խաղին՝ իրավապաշտպան կազմակերպությունների և սպորտի համաշխարհային ղեկավար մարմնի՝ ՖԻՖԱ-ի ճնշումից հետո: Այդ տարի ՖԻՖԱ-ն ավելի ու ավելի մեծ ճնշման էր ենթարկվել՝ ստիպելու Իրանին չեղյալ համարել կանանց մուտքի արգելքը սպորտային մարզադաշտեր, մասնավորապես Սահար Խոդայարիի՝ կին երկրպագուի մահից հետո, ով ինքնահրկիզվել էր Թեհրանի ֆուտբոլային մարզադաշտ մտնելու արգելքից հետո: . Իր սիրելի իրանական ֆուտբոլային թիմի՝ «Էսթեղլալի» գույներով սոցցանցերում «Կապույտ աղջիկ» կոչված Խոդայարիին մեղադրանք է առաջադրվել «բացահայտ մեղք գործելու» մեջ՝ «հանրության մեջ առանց հիջաբի հայտնվելու» մեջ, երբ նա 2019 – ի մարտին փորձել է «որպես տղամարդ հագնված »մտնել մարզադաշտ։ Կանայք վանկարկել են «Կապույտ աղջիկ»՝ հարգանքի տուրք Խոդայարիի մահվանից տարիներ անց:

Հայաստանի ներկայացնող շախմատիստները սկսել են պայքարը Dubai Open շախմատային մրցաշարում: «Արմենպրես»-ի հաղորդմամբ` Դուբայի շախմատային բաց մրցաշարում Հայաստանն ունի երկու ներկայացուցիչ՝ Սամվել Տեր-Սահակյանը և Արամ Հակոբյանը: Երկու շախմատիստներն էլ մեկնարկային տուրում հաղթանակ են տոնել: Dubai Open շախմատային 22-րդ մրցաշարն անցկացվում է շվեյցարական մրցակարգով: Մրցաշարին մասնակցում են 171 շախմատիստներ աշխարհի տարբեր երկրներից: Այն կեզրափակվի սեպտեմբերի 4-ին:

Սվերդլովսկի շրջանի Գարի գյուղի բնակիչը փրկվել է արջից, որը հարձակվել է իր վրա՝ մեռած ձեւանալով։ Այս մասին հայտնում է «Globus» հրատարակությունը՝ հղում անելով Գարիի քաղաքային շրջանի ղեկավար Սերգեյ Վելիչկոյին։ Նրա խոսքով՝ բնակիչը ընկույզի համար գնացել է մայրու անտառ, որտեղ հանդիպել է արջի։ Գիշատիչը պոկել է գլխի մաշկը, կոտրել թեւն ու կծել մատները։ Հասկանալով, որ անիմաստ է առանց զենքի կռվել գազանի դեմ, տղամարդը պառկել է գետնին և մեռած ձևացել, մինչև արջը հեռանա։ Չնայած ստացած վնասվածքներին, տուժողը երկու կիլոմետր ինքնուրույն քայլել է մոտակա գյուղ, որտեղ նրա համար շտապ օգնություն են կանչել։ Այժմ տղամարդը հիվանդանոցում է։ Վելիչկոն նշել է, որ որսորդներն անմիջապես կազմակերպել են երկու թիմ, որոնց տրվել են կրակելու թույլտվություն, սակայն գիշատչին չեն գտել։

Պայմանավորված բարձր ջերմային ֆոնով և տեղումների բացակայությամբ՝ Հայաստանի նախալեռնային և հովտային գոտիներում սպասվում է բարձր կարգի հրդեհավտանգ իրավիճակ։ «Արմենպրես»-ին այս մասին տեղեկացրին ՀՀ արտակարգ իրավիճակների նախարարությունից՝ հավելելով, որ ուլտրամանուշակագույն ճառագայթման ինդեքսը Արարատյան դաշտում, Արագածոտնի, Կոտայքի և Վայոց ձորի նախալեռներում սպասվում է նորմայից բարձր: Խորհուրդ է տրվում ժամը 11:00-ից մինչև 17:00-ն ընկած ժամանակահատվածում խուսափել արևի ուղիղ ճառագայթներից: «Հանրապետության տարածքում օգոստոսի 28-ի ցերեկը, 29-31-ը, սեպտեմբերի 1-2-ը սպասվում է առանց տեղումների եղանակ: Քամին՝ հարավարևելյան՝ 2-5 մ/վ: Օդի ջերմաստիճանն էապես չի փոխվի»,- հայտնում են ՀՀ ԱԻՆ-ից՝ վկայակոչելով ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի տվյալները։ Նշվում է, որ Երևանում օգոստոսի 28-ի ցերեկը, 29-31-ը, սեպտեմբերի 1-2-ն սպասվում է առանց տեղումների եղանակ:

Գեղարքունիքի մարզային ճգնաժամային կառավարման կենտրոնն օգոստոսի 28-ին, ժաը 03։08-ին ահազանգ է ստացել, որ Մարտունի քաղաքի Մյասնիկյան փողոցում գտնվող մթերային խանութում հրդեհ է բռնկվել: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։ Ըստ աղբյուրի՝ հրդեհը մեկուսացվել է ժամը 04:03-ին, մարվել՝ 04:42-ին: Մյասնիկյան փողոցի թիվ 53 հասցեում գտնվող մթերային խանութում այրվել է 6 սառնարան՝ մասամբ։

Արգենտինայի մայրաքաղաքում ոստիկանությունը արցունքաբեր գազ է կիրառել, երբ նրանք բախվել են փոխնախագահ Քրիստինա Ֆերնանդես դե Կիրշների կողմնակիցների հետ, մի քանի օր անց այն բանից հետո, երբ դատախազները 12 տարվա ազատազրկում են պահանջել՝ ենթադրյալ կոռուպցիայի համար: Արգենտինայի պաշտոնական Télam լրատվական գործակալությունը հաղորդում է, որ ոստիկանությունը փայտեր և արցունքաբեր գազ է կիրառել ցուցարարների վրա այն բանից հետո, երբ մի խումբ մարդիկ տապալել են ցանկապատերը, որոնք քաղաքային իշխանությունները կարգադրել էին տեղադրել փոխնախագահի նստավայրի մոտ: Բուենոս Այրեսի կառավարության աշխատակազմի ղեկավար Ֆելիպե Միգելը հայտնել է, որ բռնության հետևանքով վիրավորվել է առնվազն 14 ոստիկան։ Բախումների հետևանքով ձերբակալվել է չորս ցուցարար, հայտնել են տեղական իշխանությունները։ Բուենոս Այրեսի քաղաքապետ Օրասիո Ռոդրիգես Լարետան ասել է, որ վիրավոր սպաները բուժվում են հիվանդանոցում: «Ցույցը վերածվեց բռնության ։ Մի խումբ ցուցարարներ սկսեցին ցած նետել ցանկապատերը, քարեր նետել, հարձակվել ոստիկանների վրա»,- ասել է Լարետան»։ Արգենտինայի դաշնային դատախազը երկուշաբթի օրը կոչ է արել Ֆերնանդես դե Կիրշներին կրել 12 տարվա ազատազրկում ենթադրյալ կոռուպցիայի համար: Դատարանը դեռ պետք է որոշում կայացնի դատախազի միջնորդության վերաբերյալ։ Արգենտինայի նախագահ Ալբերտո Ֆերնանդեսը դատապա

Հունիսից ի վեր Պակիստանում ջրհեղեղների պատճառով ավելի քան 1000 մարդ է մահացել, միլիոնավոր մարդիկ տեղահանվել են, ասել է Սալման Սուֆին։ Նա ասաց, որ Պակիստանի կառավարությունն ամեն ինչ անում է մարդկանց օգնելու համար: ԱՄՆ-ը, Մեծ Բրիտանիան, Արաբական Միացյալ Էմիրությունները և մյուսները օգնության ձեռք մեկնել են, սակայն շատ ավելի շատ միջոցներ են անհրաժեշտ, BBC-ին ասել է ներքին գործերի նախարարության պաշտոնյան: Երկրի հյուսիս-արևմուտքում հազարավոր մարդիկ լքել են իրենց տները այն բանից հետո, երբ Խայբեր Փախտունխվա նահանգում գետերը դուրս են եկել ափերից՝ առաջացնելով հզոր հեղեղումներ: «Տունը, որը մենք կառուցել ենք տարիների քրտնաջան աշխատանքով, սկսեց խորտակվել մեր աչքի առաջ», – AFP լրատվական գործակալությանը ասաց 23-ամյա Ջունեյդ Խանը: «Մենք նստեցինք ճանապարհի եզրին և դիտեցինք, թե ինչպես է մեր երազած տունը խորտակվում»:

Աստղագետների խումբն ուսումնասիրել է հայտնի ամենազանգվածային աստղը՝ R136a1, որը գտնվում է Մագելանի մեծ ամպում (LMC) և հասնում է 150-200 Արեգակի զանգվածի: Այս մասին հաղորդվում է arXiv շտեմարանի հոդվածում: Հետազոտողները դիտարկել են R136 աստղակույտը LMC-ում Երկրից 150000 լուսատարի հեռավորության վրա՝ օգտագործելով Gemini աստղադիտարանի աստղադիտակը: Գիտնականներին հաջողվել է ստանալ մինչ օրս կլաստերի ամենապարզ պատկերները, որոնք հնարավորություն են տվել տեսնել առանձին աստղեր R136-ի կենտրոնական միջուկում և ավելի ճշգրիտ որոշել դրանց հատկությունները: Գիտնականները չափել են կլաստերի ամենապայծառ աստղերի, այդ թվում՝ R136a1-ի զանգվածը, որը զգալիորեն ցածր է 250-320 արեգակնային զանգվածի նախկին գնահատականներից: Այնուամենայնիվ, այս աստղը ունի Արեգակից 40 անգամ ավելի մեծ շառավիղ, ինչն այն դարձնում է տիեզերքի հայտնի աստղերից մեկը: Դիտարկումների արդյունքները հանդիսանում են ամենամեծ աստղերի զանգվածի վերին սահմանը որոշելու հենակետը, որը որոշիչ նշանակություն ունի դրանց առաջացման մեխանիզմները հասկանալու համար։ Մինչ այժմ աստղագետների համար առեղծված է մնում, թե ինչպես են ձևավորվում հսկա աստղերը, քանի որ դրանց մեծ մասը գտնվում է խիտ կլաստերների կենտրոնում, և նրանց կյանքը համեմատաբար կարճ է` ընդամենը երկու-երեք միլիոն տարի, արևի տասը միլիարդ տարվա համեմատ:

Ֆուտզալի Չեմպիոնների լիգայի որակավորման փուլի վերջին խաղում «Երևանը» մրցեց անգլիական «Լոնդոն Հելվեցիայի» հետ: «Արմենպրես»-ի հաղորդմամբ` այս մասին գրում է ՀՖՖ-ն: Հայաստանի չեմպիոնը առավելության հասավ մրցակցի նկատմամբ 8:4 հաշվով: Օրվա մյուս խաղում լատվիական «Պետրո-վ-ը» 8:1 հաշվով առավելության էր հասել ջիբրալթարական «Եվրոպայի» նկատմամբ: C խմբի մրցաշարային աղյուսակի վերջնական տեսքը հետևյալն է. 1-ին տեղը 6 միավորով գրավեց «Պետրո-վ-ը» (Լատվիա), նույնքան միավոր ունեն 2-րդ տեղը զբաղեցրած «Լոնդոն Հելվեցիան» (Անգլիա) և 3-րդ տեղում գտնվող «Երևանը», իսկ մրցաշարային աղյուսակը առանց միավորի եզրափակեց «Եվրոպան» (Ջիբրալթար):

Հայաստանի ֆուտբոլի ազգային թիմի հարձակվող Լուկաս Սելարայանը մասնակցել է իր ակումբի հերթական խաղին: «Արմենպրես»-ի հաղորդմամբ` ամերիկյան MLS-ի առաջնության հերթական տուրում «Կոլամբուս Կրյու»-ն մրցել է «Ցինցինատի»-ի հետ: Հանդիպումն ավարտվել է ոչ-ոքի` 2:2 հաշվով: Հայաստանի ֆուտբոլի ազգային թիմի անդամ Լուկաս Սելարայանը «Կոլամբուս Կրյու»-ի մեկնարկային կազմում էր և մասնակցել է ակումբի ամբողջ հանդիպմանը: «Կոլամբուս Կրյու»-ն Արևելյան Կոնֆերենցիայի մրցաշարային աղյուսակում այժմ 7-րդն է:

Իրկուտսկի մարզում 40 ուղեւորներով սովորական ավտոբուս է շրջվել, հայտնել են շրջանի դատախազությունից։ «Ոսկե վիշապ» ավտոբուսը Ուստ-Կուտից Իրկուտսկ էր ուղեւորվում: Կուտուլիկ գյուղի մոտ դուրս է եկել ճանապարհի երթեւեկելի հատվածից եւ շրջվել. Նախնական տեղեկություններով՝ վարորդը ճանապարհային աշխատանքների մասին նախազգուշացնող նշաններ չի նկատել։ Վթարի պահին մեքենայում եղել է 40 մարդ, այդ թվում՝ 17-ամյա դեռահաս։ Վթարի հետևանքով տուժել է յոթ մարդ։ «Վեց մարդ դիմել է բժշկական օգնության։ Միջադեպի պատճառներն ու հանգամանքները պարզվում են»,- ասված է հաղորդագրությունում։ Ռուսաստանի ՆԳՆ շրջանի գլխավոր վարչության տվյալներով՝ ուղեւորներից մեկը՝ 58-ամյա տղամարդը, հոսպիտալացվել է։ Մնացած տուժածները թեթեւ վնասվածքներ են ստացել։ Բժիշկների զննությունից հետո նրանք դուրս են գրվել։ Դեպքի առթիվ դատախազությունը հետաքննություն է սկսել։

Երեկ՝ օգոստոսի 27-ին, ողբերգական դեպք է տեղի ունեցել Երևանում: Ժամը 20:10-ի սահմաններում շտապօագնության 2-րդ ենթակայանից ահազանգ է ստացվել ոստիկանության Արաբկիրի բաժին, որ բժիշկների թիվ 25 խումբը կանչով մեկնել է Հայ-ռուսական (Սլավոնական) համալսարանի այգի՝ անհայտ տղամարդու ուշագնացության կանչով, սակայն վերջինիս հայտնաբերել են մահացած: © shamshyan.com https://shamshyan.com/hy/article/2022/08/28/1220987/

ՀՀ ԶՈՒ գլխավոր շտաբի պետ, պաշտպանության նախարարի առաջին տեղակալ, գեներալ-մայոր Էդվարդ Ասրյանը օգոստոսի 27-ին մերձմոսկովյան «Ալաբինո» զորավարժարանում հետևել է Միջազգային բանակային խաղերի շրջանակում անցկացվող «Տանկային բիաթլոն» մրցույթի եզրափակիչ փուլին: Ինչպես «Արմենպրես»-ին տեղեկացրին ՀՀ պաշտպանության նախարարությունից, գեներալ-մայոր Էդվարդ Ասրյանն այցելել է նաև Բարեկամության տուն, շրջել «Միջազգային բանակային խաղերի» մասնակից պետությունների պատմությունն ու մշակույթը ներկայացնող տաղավարներում, հանդիպել և զրուցել «Տանկային բիաթլոն» մրցույթին մասնակցած հայ զինծառայողների հետ: Ըստ աղբյուրի՝ օրվա ավարտին գեներալ-մայոր Էդվարդ Ասրյանը մասնակցել է Միջազգային բանակային ութերորդ խաղերի փակման և հաղթողների պարգևատրման հանդիսավոր արարողությանը: Այս տարի «Տանկային բիաթլոն» մրցույթի և Միջազգային բանակային խաղերի հաղթող է ճանաչվել Ռուսաստանի Դաշնության զինված ուժերի թիմը:

Առնվազն 23 մարդ է զոհվել և 140-ը վիրավորվել երկրի մայրաքաղաք Տրիպոլիում հակառակորդ լիբիական զինյալների միջև դաժան բախումների հետևանքով, շաբաթ օրը հայտնել է Լիբիայի առողջապահության նախարարությունը տեղեկացնում է CNN-ը։ Մայրաքաղաքում ինտենսիվ մարտեր են սկսվել գիշերվա ընթացքում, երբ հակառակորդ խմբակցությունները ինտենսիվ կրակահերթեր են փոխանակել, և մի քանի ուժեղ պայթյուններ որոտացել են քաղաքով մեկ: Սոցցանցերում շրջանառվող նկարներն ու տեսանյութերը ցույց են տալիս բախումների պատճառով քանդված շենքեր, այդ թվում՝ բնակելի, մի քանի այրված մեքենաներ։ Լիբիան պառակտված է պատերազմող խմբավորումների միջև 2014 թվականից՝ 2011 թվականին Մուամար Քադաֆիի դեմ ՆԱՏՕ-ի կողմից աջակցվող ապստամբությունից հետո: ՄԱԿ-ի կողմից աջակցվող Ազգային միասնության կառավարությունը (GNU) Facebook-ի իր պաշտոնական էջում հայտնել է, որ բախումները առաջացել, երբ զինվորական խումբը պատահական կրակոցներ է արձակել անցնող ավտոշարասյան վրա»։ Երկրի ժամանակավոր վարչապետ Աբդուլհամիդ Դբեյբեհը, Ազգային միասնության կառավարության/GNU-ի/ ղեկավարը, գտնվում է Լիբիայի արևմտյան մասում գտնվող Տրիպոլիում: Երկրի արևելքում գտնվող Թոբրուկում գտնվող խորհրդարանի շենքը վարչապետ Ֆաթհի Բաշաղայի գլխավորած հակառակորդ կառավարության նստավայրն է: Բաշաղան փորձում էր մտնել և գրավել Տրիպոլին, քանի որ նա պնդում է, որ GNU-ն անօրինական է և պետք է մի կողմ քաշվի: GNU-ն մերժել է և պնդել է, որ իշխանությունը պետք է խաղաղ ճանապարհով հանձնվի ընտրությունների, այլ ոչ թե ուժի միջոցով:Բաշաղան փորձում էր մտնել և գրավել Տրիպոլին, քանի որ նա պնդում է, որ GNU-ն անօրինական է և պետք է մի կողմ քաշվի: GNU-ն մերժել է և պնդել է, որ իշխանությունը պետք է խաղաղ ճանապարհով հանձնվի ընտրությունների, այլ ոչ թե ուժի միջոցով: Տրիպոլիի քաղաքապետարանը և՛ ՄԱԿ-ի կողմից ճանաչված Ազգային համաձայնության կառավարությունը, և՛ Լիբիայի ազգային բանակը պատասխանատու է համարում մայրաքաղաքում իրավիճակի վատթարացման համար, հայտնում է Լիբիայի ԼԱՆԱ լրատվական գործակալությունը՝ միջազգայնորեն ճանաչված կառավարության պաշտոնական լրատվական գործակալությունը: Այն նաև կոչ է արել միջազգային հանրությանը պաշտպանել խաղաղ բնակիչներին, հաղորդում է LANA-ն: ՄԱԿ-ի գլխավոր քարտուղար Անտոնիո Գուտերեշը շաբաթ օրը կոչ է արել «անհապաղ դադարեցնել բռնությունները»: Գլխավոր քարտուղարը կոչ է անում լիբիական կողմերին իրական երկխոսության մեջ մտնել՝ լուծելու շարունակվող քաղաքական փակուղին և չկիրառել ուժ՝ իրենց տարաձայնությունները լուծելու համար: Նա նաև կոչ է անում կողմերին պաշտպանել խաղաղ բնակիչներին և զերծ մնալ ցանկացած գործողություններից, որոնք սրում են լարվածությունը և խորացնում տարաձայնությունները»,- ասել է գլխավոր քարտուղարի խոսնակ Ստեֆան Դյուժարիկը։ «ՄԱԿ-ը պատրաստ է տրամադրել լավ պաշտոններ և միջնորդություն՝ օգնելու լիբիացի դերակատարներին ելք գտնել քաղաքական փակուղուց, որն ավելի ու ավելի է սպառնում Լիբիայի դժվարությամբ ձեռք բերված կայունությանը», – ասել է Դյուժարիկը: Լիբիայում ԱՄՆ դեսպան Ռիչարդ Բ. Նորլանդը կոչ է արել խուսափել Տրիպոլիում դաժան բախումներից, ասվում է Լիբիայում ԱՄՆ դեսպանատան թվիթերում: Նորլանդն ասել է, որ ինքը և Նախագահական խորհրդի նախագահ Մենֆին ուրբաթ օրը քննարկել են դեէսկալացիայի անհրաժեշտությունը, շաբաթ օրը դեսպանատունը թվիթերյան գրառում է արել: «Մենք համաձայնեցինք սահմանադրական հիմքը վերջնական տեսքի բերելու և դեպի ընտրություններ գնալու հրատապ անհրաժեշտության, ինչպես նաև Լիբիայի նավթային եկամուտների կառավարման թափանցիկության և հաշվետվողականության բարձրացմանն ուղղված քայլեր ձեռնարկելու կարևորության մասին», – ասվում է թվիթում: Լիբիայում ՄԱԿ-ի աջակցության առաքելությունը շաբաթ օրը թվիթերյան իր էջում հայտնել է, որ «խորապես անհանգստացած է Տրիպոլիի քաղաքացիական բնակեցված թաղամասերում շարունակվող զինված բախումներով, ներառյալ անկանոն միջին և ծանր հրետակոծությունները, որոնք, ըստ տեղեկությունների, պատճառ են դարձել քաղաքացիական զոհերի և վնասել քաղաքացիական հաստատություններ, հիվանդանոցներ»: «ՄԱԿ-ը կոչ է անում անհապաղ դադարեցնել ռազմական գործողությունները և հիշեցնում է բոլոր կողմերին միջազգային մարդու իրավունքների և մարդասիրական իրավունքի ներքո ստանձնած պարտավորությունների մասին՝ պաշտպանելու քաղաքացիական անձանց և քաղաքացիական օբյեկտները», – ասվում է թվիթում:

Ամենահայտնի շիլայի օգտագործումից պետք է հրաժարվել դիետաների ժամանակ և երիկամների քրոնիկ հիվանդությունների դեպքում, ասել է Medincenter կլինիկական և ախտորոշիչ կենտրոնի գաստրոէնտերոլոգ Նատալյա Սլյունյաևան: Վարսակի հատիկները կօգնեն ազատել անոթները ավելորդ խոլեստերինից, պարունակում են մեծ քանակությամբ բջջանյութ և բուսական սպիտակուց, սակայն որոշ դեպքերում ավելի լավ է չուտել վարսակի շիլա։ «Վարսակի շիլան չպետք է օգտագործեն երիկամների հետ կապված խնդիրներ ունեցող մարդիկ։ Հացահատիկը հարուստ է սպիտակուցներով, և դրանք բացասաբար են անդրադառնում օրգանիզմի վրա՝ առանց սպիտակուցի նշանակված սննդակարգով։ Վարսակի բաղադրությունը ներառում է նաև դժվար մարսվող նյութ՝ պրոլամին, այն խթանում է աղեստամոքսային տրակտի բորբոքային պրոցեսները»,- զգուշացրել է բժիշկը։ Մասնագետը նաեւ նշել է, որ վարսակի փաթիլները հատկապես վնասակար են աղեստամոքսային տրակտի համար, դրա մեջ չափազանց շատ օսլա կա, ինչը նպաստում է արյան շաքարի բարձր մակարդակին:

Բժշկական լաբորատորիաների դաշնային ցանցի բժշկական բաժանմունքի ղեկավար Օլգա Վիկտորովնա Մալինովսկայան Մոսլենտեին անվանել է կոկորդի ամառային ցավերի հիմնական վտանգներն ու պատճառները: «Տոնզիլիտը կարող է դանդաղ ընթացք ունենալ, այս դեպքում խոսում են հիվանդության քրոնիկ ձևի մասին, կամ կարող է սուր զարգանալ՝ կարճ ժամանակում առաջացնելով վիճակի վատթարացում։ Սուր տոնզիլիտը կոչվում է անգինա: Դեպքերի 85%-ի դեպքում անգինայի հարուցիչը A խմբի ստրեպտոկոկներն են, սակայն այն կարող են առաջացնել նաև այլ բակտերիաները, ինչպես նաև վիրուսները և նույնիսկ սնկերը»,- ասել է Մալինովսկայան։ Մասնագետը հիշեցրել է, որ տոնզիլիտը վարակիչ հիվանդություն է, որի ժամանակ բորբոքվում են մեկ կամ երկու պալատինային նշագեղձերը։ Այս դեպքում ամենատարածված ախտանշաններն են ուժեղ կոկորդի ցավը, գլխացավը, ընդհանուր թուլությունը և ջերմությունը: Նրա խոսքով՝ հիվանդությունը հաճախ առաջանում է գերաշխատանքի, սթրեսի, ֆիզիկական գերլարվածության պատճառով, երբ մարդ ավելի խոցելի է դառնում վարակների նկատմամբ։ Ամռանը սառը ըմպելիքների հաճախակի օգտագործումը, ինչպես նաև օդորակիչի տակ գտնվելը կարող է խթան հանդիսանալ, հատկապես, եթե դուք տեղափոխվում եք սառը սենյակից շոգ փողոց և հետ: «Ընդունված է այն կարծիքը, որ անգինան ավելի հաճախ հանդիպում է նրանց մոտ, ովքեր տառապում են քրոնիկ ֆարինգիտով կամ նշագեղձերի քրոնիկ բորբոքումով, սակայն հիվանդությունը հավասարապես ազդում է նրանց վրա, ովքեր չեն տառապում որևէ հիվանդությամբ»-, շարունակել է բժիշկը։ «Երբ ի հայտ են գալիս կոկորդի ցավի ախտանիշները, առաջին հերթին՝ սուր կոկորդի ցավը, պետք չէ հապաղել և չզբաղվել ինքնաբուժությամբ, քանի որ կախված հիվանդության բնույթից՝ կարող է պահանջվել տարբեր բուժում։ Բացի այդ, տոնզիլիտը բավականին վարակիչ է, ուստի հիվանդը պետք է մեկուսանա ուրիշներից»,- ասել է բժիշկը։ Նա զգուշացրել է, որ հիվանդությունը կարող է բարդանալ և ազդել սրտանոթային համակարգի և երիկամների վրա:

Հայաստանի ֆուտբոլի ազգային թիմի կիսապաշտպան Վահան Բիչախչյանը մասնակցել է «Պոգոն»-ի հաղթական խաղին: «Արմենպրես»-ի հաղորդմամբ` Լեհաստանի ֆուտբոլի առաջնության 7-րդ տուրում «Պոգոն»-ը սեփական հարկի տակ ընդունել էր «Զագլեմբե»-ին և առավելության է հասել խոշոր` 3:0 հաշվով: Հայաստանի ֆուտբոլի ազգային թիմի կիսապաշտպան Վահան Բիչախչյանը «Պոգոն»-ի մեկնարկային կազմում չէր, սակայն փոխարինման է դուրս եկել 81-րդ րոպեին: Այս հաղթանակից հետո «Պոգոն»-ը Լեհաստանի ֆուտբոլի առաջնության մրցաշարային աղյուսակում 3-րդն է 13 միավորով: Առաջատարը, 16 միավորով, «Վիսլա Պլոկ»-ն է:

Հայաստանը ներկայացնող շախմատիստները շարունակում են ելույթները Եվրոպայի կանանց անհատական առաջնությունում: «Արմենպրես»-ի հաղորդմամբ` Չեխիայի մայրաքաղաք Պրահայում ընթացող Եվրոպայի շախմատի կանանց անհատական առաջնությունում կայացել են 7-րդ տուրի պարտիաները: Հայաստանի ներկայացուցիչներից հաղթանակ է տոնել միայն Էլինա Դանիելյանը: Իրենց պարտիաները ոչ-ոքի են ավարտել Մարիա Գևորգյանը, Աննա Սարգսյանը և Լիլիթ Մկրտչյանը: Պարտություն են կրել Մարիամ Մկրտչյանը և Սուսաննա Գաբոյանը: Այժմ Մարիա Գևորգյանն ունի 5,5 միավոր և առաջատարին զիջում է կես միավորով: 5-ական միավոր ունեն Էլինա Դանիելյանը, Լիլիթ Մկրտչյանը, Աննա Սարգսյանը:

Օգոստոսի 26-28-ը ԱԻՆ ՓԾ Ճգնաժամային կառավարման ազգային կենտրոնում 43 ահազանգ է ստացվել հանրապետության տարբեր խոտածածկ տարածքներում բռնկված մոտ 200 քմ և ավելի տարածք ընդգրկող հրդեհների վերաբերյալ, մասնավորապես՝ Երևանի Կենտրոն վարչական շրջանում՝ 2000 քմ, Նոր Նորք վարչական շրջանում՝ 200 քմ, Էրեբունի վարչական շրջանում՝ 1500 քմ, Շենգավիթ վարչական շրջանում՝ 3000 քմ, Արագածոտնի մարզի Աշտարակ քաղաքում՝ 800 քմ, Ապարան քաղաքում՝ 500 քմ, Գեղարքունիքի մարզի Սևան քաղաքում՝ 400 քմ, Գավառ քաղաքում՝ 3 հա, Վարդենիս քաղաքում՝ 1500 քմ, Նորատուս գյուղում՝ 6 հա, Լոռու մարզի Վանաձոր քաղաքում՝ 1․6 հա, Ալավերդի քաղաքում՝ 4,5 հա, Ախթալա քաղաքում՝ 3․5 հա, Սպիտակ քաղաքում՝ 1 հա, Լեջան գյուղում 1 հա, Կոտայքի մարզի Աբովյան քաղաքում՝ 2900 քմ, Չարենցավան քաղաքում՝ 2․16 հա, Եղվարդ քաղաքում՝ 5000 քմ, Գեղաշեն գյուղում՝ 1000 քմ, Նոր Գյուղ գյուղում՝ 2000 քմ, Շիրակի մարզի Գյումրի քաղաքում՝ 1800 քմ, Բյուրակն գյուղում՝ 2 հա, Սյունիքի մարզի Սիսիան քաղաքում՝ 3․3 հա, Գորիս քաղաքում՝ 63 հա, Վայոց ձորի մարզի Վայք քաղաքում՝ 1 հա, Տավուշի մարզի Իջևան քաղաքում՝ 41․7 հա, Բերդ քաղաքում՝ 500 քմ, Նոյեմբերյան քաղաքում՝ 5․05 հա, Արծվաբերդ գյուղում՝ 7․5 հա, Սևքար գյուղում՝ 2000 քմ, Պառավաքար գյուղում՝ 200 քմ։ Հրշեջ-փրկարարները մարել են վերոնշյալ տարածքներում բռնկված հրդեհները՝ ընդհանուր մոտ 147․49 հա: