Լրահոս

Ադրբեջանի ԱԳ նախարար Ջեյհուն Բայրամովը իրանցի գործընկեր Հուսեյն Ամիր Աբդուլլահիանի հետ քննարկել է հայ-ադրբեջանական սահմանին տիրող իրավիճակը, հաղորդում է Sputnik Ադրբեջանը: Իրանցի նախարարը իր երկրի մտահոգությունն է հայտնել Ադրբեջանի և Հայաստանի միջև առկա լարվածությամբ և հայտարարել, որ տարածաշրջանը պատրաստ չէ նոր հակամարտության: Նրա խոսքով ՝ Իրանի համար կարեւոր են տարածաշրջանի երկրների տարածքային ամբողջականությունը եւ նրանց միջազգային սահմանների անձեռնմխելիությունը։ «Թեհրանը հանդես է գալիս Ադրբեջանի եւ Հայաստանի միջեւ հարցերը խաղաղ բանակցությունների ճանապարհով լուծելու օգտին եւ պատրաստ է օգնել դրան», - հավելել է Աբդուլլահիանը:

«Խաղաղ բնակիչներ են զոհվել, ռազմական տեխնիկայի զգալի կորուստներ ենք կրել»,- այս մասին իմանում ենք խորհրդարանի նախագահ Ալեն Սիմոնյանի նամակներից, որոնք նա ուղարկել է միջազգային գործընկերներին: Խաղաղ բնակիչների զոհվելու մասին ոչ մի այլ պաշտոնյա կամ գերատեսչություն մինչ այժմ չէր հայտնել: Միայն օմբուդսմենն էր տվյալ հրապարակել 4 վիրավորված քաղաքացիականների ու Գեղարքունիքի և Սյունիքի 14 գյուղից մոտ 2600 տեղահանվածի մասին: Մեր պաշտպանության նախարարությունը վիրավորված զինծառայողների մասին որևէ տեղեկություն չի հայտնում: Զոհերի մասին էլ նոր տվյալ չկա:

Սեպտեմբերի 13-ին ԵԱՀԿ-ում ՀՀ մշտական ներկայացուցիչ Արմեն Պապիկյանը մասնակցել և ելույթով հանդես է եկել Հայաստանի նախաձեռնությամբ հրավիրված ԵԱՀԿ Մշտական խորհրդի հատուկ նիստին։ Արմեն Պապիկյանը ԵԱՀԿ Մշտական խորհրդի մասնակիցների ուշադրությունն է հրավիրել Հայաստանի Հանրապետության ինքնիշխան տարածքի նկատմամբ Ադրբեջանի կողմից սեպտեմբերի 13-ին սանձազերծված ռազմական ագրեսիային: Դեսպան Պապիկյանը նշել է, որ Ադրբեջանի զինված ուժերը, միջազգային մարդասիրական իրավունքի և Ժնևի կոնվենցիաների բացահայտ խախտմամբ, գնդակոծության են ենթարկել հայկական մի շարք բնակավայրեր` օգտագործելով ծանր սպառազինություն, այդ թվում՝ հրետանային միջոցներ, ականանետներ ու ԱԹՍ-ներ։ Նշվել է, որ Ադրբեջանի այս ագրեսիան ԵԱՀԿ հիմնարար սկզբունքների և հանձնառությունների, ՄԱԿ կանոնադրության և Հելսինկյան եզրափակիչ ակտի կոպտագույն խախտում է:

Միացյալ Նահանգներն Աֆղանստանի Կենտրոնական բանկի սառեցված ակտիվներից 3,5 միլիարդ դոլար կփոխանցի շվեյցարական թրաստային հիմնադրամ, միջոցները կուղղորդվեն Աֆղանստանի տնտեսության կայունացմանը: Ինչպես տեղեկացնում Է «Արմենպրես»-ը, սեպտեմբերի 14-ին այդ մասին հայտնել Է Reuters գործակալությունը՝ վկայակոչելով ԱՄՆ-ի ֆինանսների նախարարությունը: «Աֆղանական հիմնադրամը կօգնի իրականացանելու այդ 3,5 միլիադ դոլարից նպատակային վճարումները՝ աֆղանական տնտեսության ավելի մեծ կայունության ապահովման համար»,- ասված Է ֆինանսների նախարարության հայտարարության մեջ: Նախարարության տվյալներով՝ ֆինանսավորումը տեղի կունենա՝ շրջանցելով Աֆղանստանի կառավարությունը, որը գլխավորում Է «Թալիբան» արմատական շարժումը, հաղորդել Է ՏԱՍՍ-ը:

Բաքուն հայտարարել է, որ «պատրաստ է միակողմանի կարգով Երեւանին հանձնել շուրջ 100 հայ զինծառայողների դիերը»։ Այս մասին հայտարարել են Բանտարկյալների եւ անհայտ կորածների հարցերով պետական հանձնաժողովում, փոխանցում է Sputnik Азербайджан-ը։ Նշվում է, որ Կարմիր խաչի միջազգային կոմիտեն արդեն տեղեկացված է Բաքվի մտադրության մասին:

Ուզբեկստանի ԱԳՆ-ն անդրադարձել է հայ-ադրբեջանական սահմանին առկա լարվածությանը՝ կողմերին կոչ անելով բանակցությունների միջոցով լուծել ստեղծված իրավիճակը: «Ուզբեկստանում վստահ են, որ բոլոր հարցերը և խնդիրները պետք է լուծել խաղաղ բանակցությունների, ինչպես նաև ավելի վաղ ձեռք բերված համաձայնությունների, խորհրդակցությունների և միջազգային իրավունքի հիման վրա»,-ինչպես հաղորդում է «Արմենպրես»-ը, այս մասին հաղորդագրություն է տարածել Ուզբեկստանի արտաքին գործերի նախարարությունը: «Մենք մաքսիմալ զսպվածության հույս ունենք և կողմերին կոչ ենք անում դիմել քաղաքական և դիվանագիտական բանակցությունների՝ իրավիճակի կայունացման և ստեղծված իրավիճակից դուրս գալու համար»,-շեշտվում է հաղորդագրության

Եվրամիությունն ԱՄՆ-ի հետ մտադիր Է կազմակերպել խորհրդաժողով Յոթի խմբի (G7) երկրների մասնակցությամբ` Աֆրիկայում եւ Լատինական Ամերիկայում ներդրումային ռազմավարության քննարկման համար: Այդ մասին, ինչպես տեղեկացնում Է «Արմենպրես»-ը, սեպտեմբերի 14-ին հայտարարել Է Եվրահանձնաժողովի ղեկավար Ուրսուլա ֆոն դեր Լյայենը՝ Ստրասբուրգում Եվրախորհրդարանի նստաշրջանում հանդես գալով Եվրամիության վիճակի մասին՝ իր ամենամյա ծրագրային ճառով: «Մենք կմիավորվենք ԱՄՆ-ից եւ Յոթի խմբի (G7) երկրներից մեր բարեկամների հետ՝ ապահովելու համար այդ պլանների կատարումը: Այդ առանչությամբ մենք ԱՄՆ-ի նախագահ Ջո Բայդենի հետ կհրավիրենք ղեկավարների հանդիպում՝ այդ ներդրումների համար նախագծերը վերանայելու եւ կենսագործելու համար»,- ասել Է նա, հաղորդել Է ՏԱՍՍ-ը:

Ժամը 15։00-ի դրությամբ՝ իրադրությունը հայ-ադրբեջանական սահմանագծին կրկին ծայրահեղ լարվել է, հաղորդում է ՀՀ ՊՆ մամուլի խոսնակ Արամ Թորոսյանը։ Ժամը 13։00-ից սկսած՝ Սոթքից մինչև Գորիս ընկած ամբողջ սահմանագծով թշնամին վերսկսել է ինտենսիվ հրթիռահրետանային հարվածները՝ թիրախավորելով նաև խաղաղ բնակավայրերը՝ լայնորեն կիրառելով հարվածային ԱԹՍ-ներ։ «Հարվածներ են հասցվել մարտական գործողությունների գոտում հումանիտար առաքելություն իրականացնող ՌԴ ԱԴԾ տրանսպորտային միջոցներին»,- նշել է ՊՆ քարտուղարը։

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ հայ-ադրբեջանական սահմանին լարվածությունը պահպանվում է: «Արմենպրես»-ի փոխանցմամբ՝ այս մասին հայտնել է ՌԻԱ Նովոստի գործակալությունը: «Լարվածությունը միանշանակ պահպանվում է: Դուք գիտեք, որ երեկ որոշվել է ՀԱՊԿ-ի առաքելություն ուղարկել սահման՝ գլխավոր քարտուղար Ստանիսլավ Զասի գլխավորությամբ: Նրանք երկրների ղեկավարներին զեկույց կներկայացնեն, որը կուսումնասիրվի»,- ասել է Պեսկովը: Նա նաև հավելել է, որ ՀԱՊԿ առաքելությունը դեռևս չի հասել հայ-ադրբեջանական սահմանի էսկալացիայի գոտի: «Որքան ես գիտեմ, առաքելությունը դեռ չի հասել: Ամեն դեպքում այդ որոշումը երեկ ուշ երեկոյան է ընդունվել: Առաքելությունը դեռ պետք է ձևավորվի, տեղ հասնի»,- նշել է ՌԴ նախագահի մամուլի քարտուղարը:

Ֆրանսիայի Լիոնի քաղաքապետ Գրեգորի Դուսեն անդրադարձել է ադրբեջանական հարձակմանը՝ անընդունելի համարելով հայ ժողովրդի դեմ ագրեսիան: «Արմենպրես»-ի փոխանցմամբ՝ քաղաքապետն այս մասին գրառում է կատարել «Թվիթեր»-ի իր էջում: «Հայ ժողովրդի դեմ Ադրբեջանի միակողմանի ագրեսիան անընդունելի է. Միջազգային հանրությունը, ՄԱԿ-ը պետք է գործեն»,-շեշտել է Դուսեն: Նա նաև նշել է, որ իր մտքերը պատերազմի հետևանքով անհետ կորածների ընտանիքների հետ են, Լիոնը նրանց կողքին է:

Հարավային Կովկասում Եվրամիության հատուկ ներկայացուցիչ Տոյվո Կլաարը Ադրբեջանում է: Ինչպես հաղորդում է «Արմենպրես»-ը, հղում անելով Ադրբեջանի նախագահի պաշտոնական կայքին, սեպտեմբերի 14-ին ԵՄ հատուկ ներկայացուցչին Բաքվում ընդունել է Ադրբեջանի նախագահ Իլհամ Ալիևը: Ըստ հաղորդագրության՝ Տոյվո Կլաարը մտահոգություն է հայտնել սեպտեմբերի 12-13-ի գիշերը Հայաստանի և Ադրբեջանի միջպետական սահմանին բռնկված լարվածության կապակցությամբ և Ալիևի ուշադրությունն է հրավիրել առ այն, որ այդ կապակցությամբ Եվրոպական միության ղեկավարությունը հեռախոսազրույցներ է ունեցել Հայաստանի Հանրապետության վարչապետի և Ադրբեջանի Հանրապետության նախագահի հետ:

Լուրջ պատերազմը, որը կարող է սկսվել Հարավային Կովկասում, լինելու է պատերազմ Իրանի դեմ։ Այսպիսի հայտարարություն է տարածել Իսլամական հեղափոխության պահապանների կորպուսը: Ըստ հաղորդագրության՝ Իրանը պատրաստ է ցանկացած էսկալացիայի՝ պաշտպանելու իր երկրի սահմանները:

Սեպտեմբերի 15-ի գիշերը հանրապետության առանձին շրջաններում սպասվում են անձրև և ամպրոպ: Սեպտեմբերի 15-ի ցերեկը, 16-19-ը սպասվում է առանց տեղումների եղանակ: Քամին՝ արևմտյան` 2-5 մ/վ, ամպրոպի ժամանակ սպասվում է քամու ուժգնացում՝ 16-20 մ/վ արագությամբ: Օդի ջերմաստիճանը կնվազի 4-6 աստիճանով, այնուհետև աստիճանաբար նույնքան կբարձրանա: Երևանում՝ սեպտեմբերի 15-19-ը սպասվում է առանց տեղումների եղանակ:

ՔՊ-ականները խորհրդարանում այսօր միաձայն ընդունել են նախորդ օրը քննարկած բոլոր նախագծերը՝ հարկային, մաքսային օրենսդրության փոփոխությունները, նաև աշխահագրական նշումների, սերմերի և տնկանյութերի մասին օրենքներում փոփոխությունները: ՔՊ-ական Արթուր Հովհաննիսյանը ամբիոնից հայտարարել է, թե ճիշտ են անում, որ սթրեսային իրավիճակում նման հարցեր են քննարկում։

Այսօր՝ սեպտեմբերի 14-ին, խոշոր ավտովթար է տեղի ունեցել Շիրակի մարզում։ Ժամը 12։20-ի սահմաններում Opel մակնիշի ավտոմեքենան Գյումրի քաղաքի Երևանյան խճուղուց դեպի «Շիրակ» օդանավակայան տանող ավտոճանապարհին վթարի է ենթարկվել։ © shamshyan.com https://shamshyan.com/hy/article/2022/09/14/1222159/

Ներկայացնում ենք անվտանգության կանոնները «Օդային տագնապ» ազդանշանի դեպքում։ Մանրամասները՝ տեսանյութում։

Մոտ 40 րոպե առաջ Գեղարքունիքի մարզի Սոթք գյուղի ուղղությամբ ադրբեջանական կողմի ռմբակոծության հետեւանքով մեծ թվով տներ են ավերվել։ Այս մասին 24News-ին ասել է նախկին Գեղամասար խոշորացված համայնքի ղեկավար Հակոբ Ավետյանը։ Ավետյանը նշել է, որ մոտ 3 տասնյակ տուն է վնասվել․ «Վիրավորներ կան, բայց զոհեր չկան»։

Ռուսաստանում կորոնավիրուսով վարակման հաստատված դեպքերի թիվը մեկ օրում աճել Է 51 735-ով, քովիդի պատճառով մահվան դեպքերի թիվը՝ 98-ով: Ինչպես տեղեկացնում Է «Արմենպրես»-ը, սեպտեմբերի 14-ին այդ մասին լրագրողներին հայտնել են վարակի դեմ պայքարի դաշնային օպերատիվ շտաբում: Մեկ օր առաջ երկրում արձանագրվել Էին վարակման 44 045 դեպք եւ 101 մահ, ընդամենը համավարակի սկզբից՝ համապատասխանաբար 20 208 878 եւ 385 628: Ապաքինման դեպքերի թիվը մեկ օրում ավելացել Է 50 251-ով՝ նախորդ օ՛րվա 48 187-ի դիմաց, մինչեւ 19 195 104: Մեկ օրում Ռուսաստանում հոսպիտալացրել են 4 481 քովիդով վարակված՝ նախորդ օրվա 4 663-ի դիմաց (նվազումը՝ 3,9 տոկոս): Հոսպիտալացումների թիվն ավելացել Է 34 տարածաշրջաններում եւ նվազել՝ 46-ում, եւս հինգում իրավիճակը մնացել Է առանց փոփոխությունների, հաղորդել Է ՏԱՍՍ-ը:

ՀԱՊԿ առաքելությունը դեռ չի ժամանել Հայաստանի եւ Ադրբեջանի սահմանին տիրող լարվածության գոտի։ Այդ մասին հայտարարել է ՌԴ նախագահի մամուլի խոսնակ Դմիտրի Պեսկովը: «ՀԱՊԿ առաքելությունը դեռ չի ժամանել, որքան ես գիտեմ։ Այնուամենայնիվ, որոշումը երեկ ուշ երեկոյան է ընդունվել, առաքելությունը դեռ պետք է ձեւավորվի», - ասել Է Պեսկովը լրագրողներին։