Լավրովը և Իսլամական համագործակցության կազմակերպության գլխավոր քարտուղարը բանակցություններ կանցկացնեն Մոսկվայում

Ռուսաստանի արտաքին գործերի նախարար Սերգեյ Լավրովը և Իսլամական համագործակցության կազմակերպության (ԻՀԿ) գլխավոր քարտուղար Հուսեյն Իբրահիմ Թախան, որը հոկտեմբերի 24-ին Մոսկվայում Է գտնվում աշխատանքային այցով, բանակցություններ կանցկացնեն: Այս մասին հաղորդել Է ՌԴ ԱԳՆ-ն:

«Հոկտեմբերի 23-26-ին Մոսկվայում աշխատանքային այցով գտնվելու Է Իսլամական համագործակցության կազմակերպության գլխավոր քարտուղար Թախան: Հոկտեմբերի 24-ին տեղի կունենան նրա բանակցությունները Ռուսաստանի Դաշնության արտաքին գործերի նախարար Լավրովի հետ»,- ասվում Է Ռուսաստանի արտաքին քաղաքական գերատեսչության կայքում զետեղված հաղորդագրության մեջ:

Սմոլենսկի հրապարակում նշել են, որ կողմերը կքննարկեն Ռուսաստանի և ԻՀԿ-ի միջև երկկողմ փոխգործակցության տարբեր տեսակետներ, ներառյալ քաղաքական երկխոսությունը, համագործակցությունը տնտեսության, ֆինանսների, գիտության և կրթության բնագավառում, հակազդումն ահաբեկչությանը, մարդու իրավունքների ապահովումը»:

«Կքննարկվեն Մերձավոր Արևելքում և Աֆրիկայում գտնվող ԻՀԿ-ի անդամ պետություններում հակամարտության կարգավորման միջազգային աջակցության հնարավորությունները: Բանակցությունների օրակարգում ԻՀԿ-ի համար առաջնահերթ Է պաղեստինա-իսրայելական հարաբերությունների պրոբլեմատիկան, հավելել են ՌԴ ԱԳՆ-ում, հաղորդել Է «Ինտերֆաքս»-ը: