«Ագրեսիա զսպող» չեն Եվրամիության դիտորդները. խոստովանություն՝ Պրահայում

Հայ-ադրբեջանական սահմանին Եվրադիտորդների տեղակայումից ավելի քան երկու ամիս անց Հայաստանի վարչապետը Պրահայում հայտարարել է, որ քաղաքացիական առաքելությունը հավելյալ անվտանգության երաշխիքներ չի տալիս մեր երկրին, ավելին՝ նոր մարտահրավերներ կարող է առաջացնել: 

Այս հայտարարությունից ընդամենը 6 օր առաջ Հայաստանի անվտանգության խորհրդի քարտուղարից իմացանք, որ Երևանը Եվրամիության երկրներին առաջարկում է ընդլայնել Հայաստանում Եվրամիության դիտորդական առաքելության կարողությունները: