«Միասին պետք է գտնենք իրավիճակից դուրս գալու լուծումները»․ «Հայաստան» խմբակցության պատգամավորներ Արծվիկ Մինասյանն ու Գառնիկ Դանիելյանն այցելել են Հրազդան

ԱԺ «Հայաստան» խմբակցության պատգամավորները հանդիպել են Հրազդանի բնակիչների հետ։ Այդ մասին տեղեկացնում է նույն խմբակցության պատգամավոր Գառնիկ Դանիելյանը։

«Այսօր գործընկերոջս՝ «Հայաստան» խմբակցության քարտուղար Արծվիկ Մինասյանի հետ, Հրազդան քաղաքում էինք։

Քաղաքացիների հետ քննարկեցինք ներքաղաքական իրավիճակը, Հայաստանի և Արցախի առաջ ծառացած մարտահրավերները, դրանք հաղթահարելու ուղիները։

Լսելով առաջարկները՝ համոզվեցի, որ այսպիսի հանդիպումները անհրաժեշտություն են և պետք է պարբերական բնույթ կրեն։

Ինչպես՝ ես, այնպես էլ մեր խմբակցության պատգամավորները, անչափ կարևորում ենք քաղաքացիների հետ հանդիպումները, անմիջական, անկեղծ զրույցները։

Միասին պետք է գտնենք այս իրավիճակից դուրս գալու լուծումները։ Կարևոր է յուրաքանչյուրիդ կարծիքն ու ներդրումը, սիրելի՛ հայրենակիցներ»,- գրել է Գառնիկ Դանիելյանը՝ սոցցանցի իր էջում։