Գերմանիայի Դանուբ գետի մոտ հնագետները քարե դարի և միջնադարի արժեքավոր գտածոներ են հայտնաբերել

Հնագիտական գանձերը, ներառյալ քարե դարի խեցեղենը և միջնադարյան գերեզմանները՝ թրերով և զարդերով, բացահայտել են Գերմանիայի Դանուբ գետի մոտ մարդկանց բնակության երկար պատմությունը, «News.am»-ի փոխանցմամբ՝ գրում է Live Science-ը։:

Գերմանիայի հարավ-արևմուտքում Տուտլինգեն քաղաքի Գայզինգեն-Գուտմադինգեն թաղամասում հնագետները հայտնաբերել են նեոլիթյան կամ քարե դարի մեկ գերեզման, որը թվագրվում է մ.թ.ա. երրորդ հազարամյակին: Նրանք նաև հայտնաբերել են վաղ միջնադարյան 140 գերեզմաններ, որոնք թվագրվում են մ.թ. 500-600 թվականներին, որտեղ հայտնաբերվել են այնպիսի առարկաներ, ինչպիսիք են սրերը, նիզակները, վահանները, ոսկրե սանրերը, բաժակներն ու ականջօղերը:

Նախկինում բնակեցման մասին առաջին գրավոր վկայությունների հիման վրա տարածքը թվագրվել է 1273 թվականին։