«Դատապարտում ենք». տեր Եսային՝ Տարոն քահանայի հայտարարությունների մասին

Մայր Աթոռում դատապարտում են Տեր Տարոն քահանա Հունանյանի ոչ միայն աջակցությունը Ստեփան Ասատրյանին (կարգալույծ եղած քահանային, նախկինում՝ Տեր Արամ-խմբ.), այլև համացանցում նրա կատարած գրառումները՝ Հայ Առաքելական եկեղեցու վերաբերյալ:

Aysor.am-ը Մայր աթոռի տեղեկատվական համակարգի տնօրեն տեր Եսայի քահանա Արթենյանից հետաքրքրվեց՝ արդյոք քննարկվո՞ւմ է Տեր Տարոնին կարգալույծ անելու հարցը կամ արդյոք նրա հայտարարությունների կապակցությամբ վերջինս կանչվե՞լ է Մայր Աթոռի կարգապահական հանձնաժողով:

Ի պատասխան՝ Տեր Եսային ասաց. «Դատապարտում ենք։ Ես անձնապես դատապարտում եմ նման կեցվածքը, բայց կարգապահական հանձնաժողով կանչելու մասին այս պահին՝ առանց մեկնաբանության»:

Տեր Եսային ասաց նաև, որ եթե առաջիկայում կարգապահականի վերաբերյալ հարց լինի, իրենք հայտարարությամբ հանդես կգան: