Ավստրալիայում բուրկա հագած զինված կողոպտիչները թանկարժեք զարդերի խանութ են թալանել

Ավստրալիայի Քուինսլենդ նահանգում անվտանգության տեսախցիկները ֆիքսել են, թե ինչպես են երկու զինված կողոպտիչներ թալանում թանկարժեք զարդերի խանութը: Իրենց ինքնությունը չբացահայտելու համար կողոպտիչները հագած են եղել բուրկաներ (մարմինն ու դեմքը ծածկող մուսուլման կնոջ հագուստ): «Արմենպրես»-ի փոխանցմամբ՝ կողոպուտի տեսանյութը հրապարակել է BBC-ն:

Չարագործները որոշ զարդեր վերցնելուց հետո արագ փախուստի են դիմել, քանի որ անցորդներից մեկը սկսել է բարձր բղավել:

Խանութի սեփականատեր Մադհուրի Ազամը BBC-ին հայտնել է, որ կողոպտիչները տարել են 200 հազար ավստրալիական դոլարի (131 հազար ԱՄՆ դոլարի) զարդեր: