ԱՄՆ-ում ծնվել են հազվագյուտ երկվորյակ փղեր

ԱՄՆ-ում ծնվել է հնդկական փղերի զույգ։ «Shantnews.am»-ի փոխանցմամբ՝ այս մասին հայտնում է New York Post-ը։

Հոկտեմբերի 24-ին Նյու Յորքի Սիրակուզայի կենդանաբանական այգում Մալի և Դոկ անուններով փղերը հազվագյուտ ձագեր են ծնել: Հաստատության աշխատակիցները նշել են, որ զարմացել են, երբ առաջին ձագի ծնվելուց 10 ժամ անց Մալին երկրորդին է լույս աշխարհ բերել։ Խնամակալները չեն իմացել, որ նա երկու ձագ է լույս աշխարհ բերելու, քանի որ այդ կենդանիների չափերի պատճառով շատ դժվար է ուլտրաձայնային հետազոտություն անցկացնելը, իսկ արդյունքները հաճախ ոչ ճշգրիտ են լինում։

Երկվորյակ փիղ ունենալու հավանականությունը մեկ տոկոսից էլ քիչ է։ Ամենից հաճախ երկվորյակներից մեկը մահացած է ծնվում կամ այնքան թույլ է, որ սատկում է ծնվելուց անմիջապես հետո: Սակայն Սիրակուզայում ծնված փղերի ձագերը բացարձակապես առողջ են և արդեն մտնում են խցիկ իրենց մոր հետ։ Ձագերին դեռ անուններ չեն տվել, նրանց ուղղակի մոր անունով են կոչում՝ Մալի երկվորյակներ։

Երկվորյակ փղերի ծնունդը ոչ միայն պատմական իրադարձություն է Միացյալ Նահանգների համար, որտեղ նման բան նախկինում չի եղել, այլև կարևոր ներդրում է ասիական փղերի ողջ բնակչության գոյատևման գործում՝ ասել է կենդանաբանական այգու ղեկավարությունը։ Այս պահին այս տեսակը համարվում է վտանգված՝ աշխարհում այս տեսակները չեն գերազանցում 20 հազարը:

Ասիական փղերն ապրում են հարավային և հյուսիսարևելյան Հնդկաստանում, Շրի Լանկայում, Նեպալում, Բութանում և Հարավարևելյան Ասիայի այլ երկրներում: Այս կենդանիները սատկում են ոչ միայն իրենց բնական միջավայրի կրճատման, այլև փղի հերպեսի վիրուսի (EEHV) պատճառով, որի զոհերը հիմնականում երիտասարդ կենդանիներն են։ Մասնավորապես՝ այս հիվանդությունից սատկել են Մալիի նախկին երկու փղերը։