Շենգավիթի ոստիկանները կողոպուտի դեպք են բացահայտել

ՀՀ ոստիկանության Շենգավիթի բաժինը հոկտեմբերի 13-ին հաղորդում է ստացել, որ հոկտեմբերի 8-ին, ժամը 12.00-ի սահմաններում, Գարեգին Նժդեհի փողոցում՝ «Հայրենիք» առևտրի կենտրոնի մոտ, անհայտ անձը զանգելու պատրվակով մի անչափահաս տղայից վերցրել է բջջային հեռախոսը և դիմել փախուստի:

Ինչպես տեղեկացրին ՀՀ ոստիկանությունից, նախաձեռնվել է քրեական վարույթ:

Ըստ աղբյուրի՝ ոստիկանության Շենգավիթի բաժնի ծառայողները ձեռնարկած միջոցառումների արդյունքում պարզել են կողոպուտը կատարողի ինքնությունը: 20-ամյա երիտասարդը Գարեգին Նժդեհի հրապարակում հայտնաբերվել, ձերբակալվել և ներկայացվել է նախաքննական մարմնին: Նա տվել է խոստովանական ցուցմունք:

Նշվում է, որ կատարվում է նախաքննություն: