Լրահոս

Այսօր Երևանում մեկնարկելու է Հավաքական անվտանգության պայմանագրի կազմակերպության խորհրդարանական վեհաժողովի խորհրդի նիստը: 128 պատվիրակ է մասնակցելու դրան: Հայաստանի խորհրդարանական ընդդիմությունը որոշել է չմասնակցել նիստին։ «Հայաստան» խմբակցության պատգամավոր Ագնեսա Խամոյանը «Հայլուրին» ասաց, որ իրենց որոշման մասին ավելի վաղ տեղեկացրել են նիստը նախագահողին:

Շաբաթ օրն իրենց բաժանման մասին պաշտոնապես հայտարարելուց հետո երգչուհի Շակիրան և ֆուտբոլիստ Ժերար Պիկեն հայտնվել են հանրության մեջ: Նախկին զույգը մեկնել է Չեխիա՝ դիտելու ավագ որդու՝ Միլանի մրցումները բեյսբոլի մրցաշարում, գրում է marca.com-ը։ «Նրանց ընկերական հարաբերություններն այժմ լավագույնը չեն, բայց նրանք շարունակում են շփվել հանուն երեխաների»,- հավելել է իսպանական EL PERIDICO թերթը: «Ցավով հաստատում ենք, որ բաժանվում ենք: Հանուն մեր երեխաների բարօրության, որը մեր առաջնահերթ խնդիրն է, մենք խնդրում ենք հարգել մեր անձնական կյանքը: Շնորհակալություն իրավիճակն ըմբռնելու համար»,- ասված է երգչուհու հայտարարության մեջ, որը տարածել է EFE-ն։ Ավելի վաղ մամուլը հայտնել էր, որ զույգի բաժանման պատճառը ֆուտբոլիստի դավաճանությունն է։ Պիկեն և Շակիրան միասին էին 2011–ից, ունեն երկու երեխա։

Հունիսի 6-ին` ժամը 08:05-ին, Գեղարքունիքի մարզային ճգնաժամային կառավարման կենտրոն ահազանգ է ստացվել, որ ավտոմեքենան արգելափակվել է Մասրիկ գետի մեջ, մեքենայում կան երեխաներ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Մինչ փրկարարների կանչի վայր հասնելը, երեխաները տեղի ուժերով դուրս են բերվել ավտոմեքենայից: Փրկարարները Մասրիկ գետից դուրս են բերել «Mitsubishi Pajero iO» մակնիշի ավտոմեքենան (վարորդ` Տ. Հ.):

ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում քննություն է տարվում՝ ոստիկանության ծառայողներին առերևույթ ծանր վիրավորանք հասցնելու և բռնություն գործադրելու, ոստիկանի ծառայողական զենքին և հատուկ միջոցներին տիրանալու փորձի բոլոր հանգամանքները պարզելու ուղղությամբ: Նախնական տվկյալներով, 2022թ. հունիսի 3-ին՝ ժամը 18:15-ի սահմաններում, ՀՀ ոստիկանության պարեկային ծառայության Լոռու մարզի գումարտակի ծառայողները Ստեփանավան համայնքի Ուրասար բնակավայրում, վարչական իրավախախտում կատարելու համար, կանգնեցրել են «Վազ 2106» մակնիշի ավտոմեքենան, որից հետո պարզվել է, որ նշված ավտոմեքենայի վարորդը գտնվում է ակնհայտ ոչ սթափ վիճակում: Ոստիկանները, օրենքով սահմանված կարգով, նախաձեռնել են վերջինիս սթափության վիճակի ստուգման գործընթաց, ինչը նկատել են հիշյալ ավտոմեքենայի վարորդի համագյուղացիները և խոչընդոտել իրենց ծառայողական պարտականությունները կատարող ոստիկաններին. վիճաբանել են նրանց հետ, հայհոյել, ձեռքերով և ոտքերով հարվածներ են հասցրել ոստիկանների մարմնի տարբեր մասերին՝ պատճառելով մարմնական վնասվածքներ ու ֆիզիկական ցավ, պատռել են ծառայողական համազգեստները, նրանցից մեկը փորձել է տիրանալ ոստիկաններից մեկին ամրակցված հաշվեցուցակային զենքին և հատուկ միջոցներին, իսկ մյուսը հարվածել և վնասել է ծառայողական ավտոմեքենաները: Դեպքի առթիվ հարուցվել է քրեական գործ՝ ՀՀ քրեական օրենսգրքի 137.1-րդ հոդվածի 2-րդ մասի 2-րդ կետով, 34-238-րդ հոդվածի 1-ին մասով, 316-րդ հոդվածի 1-ին մասով: Ոստիկանության հինգ ծառայողներ ճանաչվել են տուժող և հարցաքննվել դեպքի հանգամանքների շուրջ: Միջադեպին մասնակից անձանցից երկուսը ձերբակալվել են: Նախաքննության ընթացքում առգրավվել են ոստիկանների վնասված համազգեստները, ինչպես նաև՝ վիճաբանության մասնակիցների հագուստները, նշանակվել են դատաբժշկական, դատահետքաբանական և դատաապրանքագիտական փորձաքննություններ: Նախաքննությունը շարունակվում է: Ձեռնարկվում են միջոցառումներ դեպքի բոլոր հանգամանքները պարզելու, օբյեկտիվ և բազմակողմանի քննություն ապահովելու ուղղությամբ: Հետաքննության մարմնին տրվել են հանձնարարություններ:

Փաստաբան Բենիկ Գալստյանը ֆեյսբուքյան իր էջում գրել է. «Այսօր՝ ժամը 16:00-ին Երևան քաղաքի դատարանի «Աջափնյակ-1» նստավայրում(Նազարբեկյան 40) տեղի կունենա Գերասիմ Վարդանյանի կալանքի ժամկետը երկարացնելու վերաբերյալ ՀՀ ԱԱԾ քննիչ Սուրեն Նավոյանի միջնորդության քննարկումը»: Նա նշել է, որ գործով դատավոր է հանդիսանում Արմեն Շիրոյանը:

Մայիսի 29-ի գիշերը Ավան վարչական շրջանում դանակահարություն էր եղել: Թիվ 1 համալսարանական հիվանդանոցից մարմնական վնասվածքի վերաբերյալ հաղորդումը ոստիկանության Նոր Նորքի բաժնից Ավանի բաժանմունք փոխանցվեց ժամը 1.30-ի սահմաններում. հերթապահ քույրը հայտնում էր, որ շտապօգնության խումբը որովայնի ծակած-կտրած վերքով 28-ամյա երիտասարդի էր տեղափոխել բժշկական կենտրոն: Օպերատիվ խումբը մեկնեց հիվանդանոց։ Տուժողը վստահեցնում էր՝ իբր խորովածի շամփուրը ձեռքին վազելիս ընկել է, սակայն ծակած-կտրած վերքն իր բնույթով այլ բան էր հուշում։ Ավանի քրեական հետախույզների պրոֆեսիոնալ աշխատանքի արդյունքում հաղորդումից ժամեր անց պարզվեցին և՛ դեպքի հանգամանքները, և՛ կասկածյալի ինքնությունը։ Նախնական տվյալներով՝ կեսգիշերն անց Ավանի Խուդյակովի փողոցի երկրորդ նրբանցքում տուժողը բջջային հեռախոսի նորոգման հարցի շուրջ վիճել էր Սիսիանում հաշվառված, բայց փաստացի մայրաքաղաքում բնակվող 23-ամյա երիտասարդի հետ, որն էլ դանակահարել էր նրան: Մայիսի 29-ի առավոտյան կասկածվողը Գայի պողոտայում հայտնաբերվեց ու բերման ենթարկվեց ոստիկանության Ավանի բաժանմունք: Նրա անձնական խուզարկությամբ դանակը հայտնաբերվել է: Դեպքի առթիվ քրեական գործ է հարուցվել։ Բերման ենթարկվածը ձերբակալվել է։ Հանգամանքները նախաքննությամբ պարզվում են։

Մայիսի 31-ի լուսադեմին ոստիկանության պարեկային ծառայության Երևանի գնդի 2-րդ գումարտակի 3-րդ վաշտի ոստիկանները մայրաքաղաքի Ռուբինյան փողոցից Քանաքեռ-Զեյթունի բաժին բերման ենթարկեցին Ստեփանավանի բնակիչ, 35-ամյա մի տղամարդու. կասկածանքը` թմրամիջոց պահելն ու օգտագործելը: Անձնական խուզարկությամբ նրա մոտ հայտնաբերվեցին մարիխուանայի նմանվող զանգվածներ: Հայտնաբերվածի տեսքը ոստիկաններին որոշակի ենթադրությունների տեղիք տվեց: Քանաքեռ-Զեյթունի քրեական հետախույզների ձեռնարկած միջոցառումների արդյունքում պարզվեց, որ բերման ենթարկվածը թմրամիջոցով փաթեթները ձեռք էր բերել «տելեգրամի» միջոցով՝ որոշակի վճարի դիմաց դրանք նախապես պայմանավորված տարբեր թաքստոցներում տեղադրելու նպատակով: Բացատրական աշխատանքի շնորհիվ տղամարդը հաստատեց ոստիկանների ենթադրությունը, նաև հավելեց, որ այդ օրն արդեն հասցրել էր հինգ փաթեթ տեղադրել Ռուբինյանց փողոցի տարբեր հատվածներում: Նշանակվել են փորձաքննություններ, տղամարդը ձերբակալվել է: Հանգամանքները պարզվում են:

2021թ․ ընթացքում Արցախի բուժհաստատություններում ծնվել է 1463 երեխա, որից 734-ը՝ տղա, 729-ը՝ աղջիկ: Այդ մասին «Արմենպրես-ին հայտնել է Արցախի առողջապահության նախարար Միքայել Հայրիյանը։ Նա նշել է, որ ՀՀ բուժհաստատություններում ծնվել է 78 երեխա: Արդյունքում Արցախում 2021 թվականի ընդհանուր ծնելիությունը կազմել է 1541 երեխա, որից 779-ը՝ տղա, 762-ը՝ աղջիկ: «ԱՀ Մոր և մանկան առողջության պահպանման կենտրոնում գրանցված են արտամարմնային բեղմնավորման կարիք ունեցող 180 զույգ։ Արցախի նախագահի 2021-2025 թվականի գործունեության ծրագրի շրջանակներում, համաձայն ՀՀ համապատասխան բուժհիմնարկների հետ կնքված պայմանագրերի 2021թ․ արտամարմնային բեղմնավորման ուղեգրված 88 զույգից բեղմնավորում է իրականացվել 33-ի մոտ, որի արդյունքում ունենք 25 հղիություն ու 3 ծնունդ։ Արտամարմնային բեղմնավորման ճանապարհով ծնվել են 3 երեխա (3 տղա)։ Ծրագիրը կրում է շարունակական բնույթ», - ասել է նախարարը՝ ավելացնելով, որ պատերազմի հետևանքով 4 շրջանային բուժմիավորում (Հադրութի, Շուշիի, Քաշաթաղի և Քարվաճառի), 1 տեղամասային հիվանդանոց, 9 գյուղական բժշկական ամբուլատորիա, 108 բուժակ մանկաբարձական կետ մնացել է Ադրբեջանի հսկողության տակ:

Հասել ենք այնտեղ, որ վարչապետի աշխատակազմի ղեկավարի պաշտոնը զբաղեցնողը հպարտանում է, որ վարչապետի աթոռը զբաղեցնողը կարողացել է «այցելել» փառատոն: «Ճգնաժամ չկա, չկա ճգնաժամ» ամեն օր քնելուց և հաց ուտելուց առաջ` երեք անգամ կրկնում է յուրաքանչյուր քպական:

«Նիկոլը երկու օր առաջ մասնակցել է այ էս ճանապարհի բացմանը, որը փակ է և չի շահագործվում»։

Ընդգրկվել եմ Եվրոպայի ազատականների և ժողովրդավարների դաշինքի (ALDE) Անվտանգության և ժողովրդավարության հարցերով խորհրդատվական խմբի կազմում, 5 տարի ժամկետով: Վերջինս տարեկան 4 հանդիպում է անցկացնելու և հիմնականում մշակելու և Եվրախորհրդարանին ու Դաշինքի կառավարման մարմիններին է ներկայացնելու Եվրոպական տարածքում անվտանգության և ժողովրդավարության վերաբերյալ փորձագիտական կարծիքներ։

Այսօր՝ հունիսի 6-ին, խոշոր ու ողբերգական ավտովթար է տեղի ունեցել Տավուշի մարզում։ Ժամը 12։00-ի սահմաններում Երևան-Իջևան-նոյեմբերյան ավտոճանապարհի՝ Խաշթառակ գյուղի վարչական տարածքում, ժողովրդին հայտնի Խաշթառակի խաչմերուկում, բախվել են վրացական համարանիշներով Toyota Highlаnder-ն և ՎԱԶ 2106 մակնիշի ավտոմեքենաները։ © shamshyan.com https://shamshyan.com/hy/article/2022/06/06/1215073/

Դատավոր Ռ. Մարիկյանի նախագահությամբ` դատարանը հրապարակեց պաշտպանյալիս` ոստիկանության չորս աշխատակիցների կողմից սուտ մատնությամբ անազատության մեջ հայտնված Վահե Հարությունյանի ձերբակալման դեմ ներկայացրածս բողոքի ու քննիչի ներկայացրած կալանավորման միջնորդության վերաբերյալ որոշումը. բողոքս բավարարվել է, քննիչի միջնորդությունը մերժվել։ Շնորհակալություն Դատարանին արդարացի դատական ակտի համար։

Պատկերացնո՞ւմ եք, Դանիելը «Փաստերի ստուգման հարթակի» ղեկավարն է, դրա համար մեծ գրանտ է ստացել, ընդդիմության(ձեւի համար երբեմն էլ իշխանության ստորին օղակների) խոսքերի անհամապատասխանություններն ու ստերն է իբր բացահայտում, իսկ ինքը՝ լինելով Նիկոլի սպասարկուն, առանց ամոթի, խեղաթյուրում է երեկվա իմ գրառումը։ Տիպիկ Նիկոլ է, Նիկոլի դեմքը նաեւ Դանիելն է, արեւմուտքից միլիոնավոր դոլարների գումարներ են ստանում փաստերի խեղաթյուրման համար։ Քանի որ ջանք չեն խնայել թեման մանիպուլյացնելու (ինչը եւս մեկ անգամ փաստում է, որ գրածս իրականություն է) եւս մեկ անգամ փաստում եմ՝ Նիկոլը ունի որոշում ոստիկանական ուժերով հարմար պահ գտնել Վոլոդինի եւ Լավրովի այցերի կապակցությամբ հավաքելու Ֆրանսիայի հրապարակի վրանները։ Բայց մենք զգոն ենք եւ ամուր!

Սույն թվականի հունիսի 7-ից Բյուրականի անտառապետության տարածքում կատարվելու են ավիացիոն-քիմիական պայքարի միջոցառումներ: Շրջակա միջավայրի նախարարությունից NEWS.am-ին հայտնում են, որ պայքարի միջոցառումների ավարտից հետո՝ 25 օր, խստիվ արգելվում է քիմիական մշակման ենթարկված տարածքներ մարդկանց և կենդանիների մուտքը, սնկերի, բույսերի և հատապտուղների հավաքը: Նշված ժամանակահատվածում անհրաժեշտ է մեղվաընտանիքները դուրս բերել քիմիական մշակման ենթարկված տարածքներից։

Վաղ առավոտից ոստիկանական ուժերի կուտակումներ են Բաղրամյան փողոցում: Տասնյակի հասնող ավտոբուսներ են տեղակայված Ազգային ժողովի հարակից տարածքում:

Հայաստանում մայիսի 30-ից հունիսի 5-ի դրությամբ հաստատվել է կորոնավիրուսային հիվանդության ընդհանուր 423 հազար 006 դեպք, 412 հազար 621-ը` առողջացման, 8625-ը` մահվան ելքով: Կորոնավիրուսային հիվանդությունից այս պահին փաստացի բուժում է ստանում 76 բուժառու: Կատարվել է 10 հազար 329 թեստավորում, հաստատվել է կորոնավիրուսային հիվանդության 43 նոր դեպք, առողջացել է 15 քաղաքացի, մահվան դեպքեր չեն արձանագրվել: Թեստավորումների ընդհանուր թիվը հասել է 3 միլիոն 109 հազար 931-ի:

Ադրբեջանի նախագահի օգնական Հիքմեթ Հաջիևը այցով գտնվում է ԱՄՆ-ում, հայտնում է Sputnik Азербайджан-ը: Տեղեկության համաձայն՝ սպասվում է նրա հանդիպումը ԱՄՆ պետքարտուղարի՝ Եվրոպայի եւ Եվրասիայի հարցերով օգնական Կարեն Դոնֆրիդի հետ: Տեղական ԶԼՄ-ների համաձայն՝ բանակցությունները տեղի կունենան ԱՄՆ Պետքարտուղարությունում և փակ կլինեն մամուլի համար:

ՀՀ քննչական կոմիտեի Տավուշի մարզային քննչական վարչությունում քննություն է տարվում՝ 17-ամյա աղջկա մահվան բոլոր հանգամանքները պարզելու ուղղությամբ: Նախնական տվյալներով, 2022թ. հունիսի 3-ին՝ ժամը 18։50-ի սահմաններում, բժշկական կենտրոնից հաղորդում է ստացվել այն մասին, որ Տավուշի մարզի Իջևան համայնքի տներից մեկում հայտնաբերվել է 2005թ. ծնված աղջկա դի՝ կախված վիճակում։ Անմիջապես դեպքի վայր է մեկնել քննչական-օպերատիվ խումբը: Դեպքի առթիվ Տավուշի մարզային քննչական վարչությունում ՀՀ քրեական օրենսգրքի 110-րդ հոդվածի 1-ին մասով հարուցվել է քրեական գործ: Կատարվել են անհետաձգելի քննչական և դատավարական այլ գործողություններ՝ դեպքի վայրի զննություն, առգրավումներ, հարցաքննվել են մի շարք անձիք, նշանակվել է դիակի դատաբժշկական փորձաքննություն: Կատարվում է նախաքննություն: Հանձնարարություններ են տրվել հետաքննության մարմնին: