Լրահոս

Մոսկվայի բորսայում առքուվաճառք կկատարվի ուզբեկական սումայով, հայկական դրամով և հարավաֆրիկյան ռանդով . 2022 թվականի հունիսի 27-ից Մոսկվայի բորսան արտարժույթի շուկայում կսկսի առևտուրը ուզբեկական սումայով, հայկական դրամով և հարավաֆրիկյան ռանդով, հայտնում է առևտրային հարթակի մամուլի ծառայությունը։ «Նոր արժույթները կընդլայնեն շուկայի պրոֆեսիոնալ մասնակիցների, նրանց հաճախորդների՝ ֆիզիկական և իրավաբանական անձանց առևտրային հնարավորությունները, ներառյալ արտաքին տնտեսական գործունեության սուբյեկտները»,- ասվում է հաղորդագրության մեջ։ Մոսկվայի բորսան պարզաբանել է, որ առևտրի մասնակիցների և նրանց հաճախորդների համար հասանելի կլինեն սփոթ և սվոպ գործիքներ հետևյալ արժութային զույգերի համար. Հարավաֆրիկյան ռանդ - ռուսական ռուբլի (ZAR/RUB); ԱՄՆ դոլար - հարավաֆրիկյան ռանդ (USD / ZAR); Հայկական դրամ — ռուսական ռուբլի (AMD/RUB); ԱՄՆ դոլար - հայկական դրամ (USD/AMD); Ուզբեկական գումար — ռուսական ռուբլի (UZS/RUB): «ԱՄԷ դիրհամ - ռուսական ռուբլի» (AED/RUB) և «ԱՄՆ դոլար - ԱՄԷ դիրհամ» (USD/AED) արժութային զույգերով առուվաճառքի մեկնարկը կհայտարարվի ավելի ուշ։

Հունիսի 21-ին, ժամը 20.15-ին, ոստիկանության Սևանի բաժին զանգած քաղաքացին հայտնել էր, որ Նալբանդյան փողոցում կռիվ է: Մեկնած օպերատիվ խումբը Նալբանդյան փողոցի շենքերից մեկի բակից բերման է ենթարկել նույն շենքի բնակիչ երեք երիտասարդի: Հայտնում է ՀՀ ոստիկանությունը։ Խուզարկությամբ բերման ենթարկվածներից 22-ամյա երիտասարդի գոտկատեղից հայտնաբերվել է գաղտնի փականով ծալովի դանակ՝ շեղբի երկարությունը՝ 9 սմ, բռնակի երկարությունը՝ 12 սմ: Նա տվել է խոստովանական բացատրություն, որ շենքի բակում տեղի ունեցած վիճաբանության ժամանակ դանակով մեկ անգամ խփել է 38-ամյա հարևանի կրծքավանդակին: Ժամը 23.10-ին հիվանդանոցից հաղորդում է ստացվել, որ «կրծքավանդակի աջ կեսի կտրած-ծակած վերք» ախտորոշմամբ բուժօգնության է դիմել 38-ամյա տղամարդ: Նա հրաժարվել է հաղորդում տալուց: Նշանակվել են փորձաքննություններ: Նախապատրաստվում են նյութեր:

Միլանի «Ինտերը» Հենրիխ Մխիթարյանին պաշտոնապես կներկայացնի այսօր։ «Football Italia»-ն հայտնում է, որ Մխիթարյանի աշխատավարձը հավելավճարներով կկազմի մոտ 4,2 միլիոն եվրո:

Ըստ ոստիկանության օպերատիվ հաղորդագրությունների ամփոփագրերի՝ հունիսի 21-ից 22-ը Հայաստանի Հանրապետության ոստիկանության ստորաբաժանումները բացահայտել են հանցագործության 63 դեպք, որից 3-ը՝ նախկինում կատարված։ Մասնավորապես՝ անձնական ունեցվածքի գողության` 15, մարմնական վնասվածք պատճառելու՝ 11, խարդախության` 6, թմրամիջոցի հայտնաբերման և ընտանեկան բռնության՝ 5-ական, շրջանառությունն արգելված թմրամիջոցներ, հոգեմետ, խիստ ներգործող կամ թունավոր նյութեր պարունակող բույսեր ցանելու կամ աճեցնելու և ծանր վիրավորանքի՝ 3-ական, կողոպուտի, պաշտոնեական լիազորությունները չարաշահելու, կենդանու նկատմամբ դաժան վերաբերմունքի և ծեծի՝ 2-ական, ավտոմեքենա փախցնելու, խուլիգանության, փաստաթղթի կեղծիքի և սեքսուալ բնույթի բռնի գործողությունների՝ 1-ական դեպք։ Հայտնաբերվել է 6 հետախուզվող։ Կամավոր ներկայացել է 4 հետախուզվող։ Գրանցվել է զենք-զինամթերքի կամավոր հանձնման 6 դեպք։ Նախկինում կատարված հանցագործություններից բացահայտվել է անձնական ունեցվածքի գողության, կողոպուտի ու բնակարանային գողության 1-ական դեպք։ Անցած 1 օրվա ընթացքում հանրապետությունում արձանագրվել է ճանապարհատրանսպորտային 17 պատահար. 1 մարդ զոհվել է, 19-ը՝ ստացել տարբեր աստիճանի մարմնական վնասվածքներ:

Diario de Mallorca-ն հայտնում է, որ Կրիշտիանու Ռոնալդուին պատկանող 2,1 մլն եվրո արժողությամբ Bugatti Veyron մեքենան Մալյորկայում վթարի է ենթարկվել։ Մեքենան բախվել է քաղաքամերձ տանը։ Վնասվել է տնտեսական սենյակը, որտեղ պահեստավորված են եղել գազի բալոններ։ Մեքենան վարել է Ռոնալդուի աշխատակիցը։ Վարորդը չի տուժել:

Եվրոպական-միջերկրածովյան սեյսմոլոգիական կենտրոնը հայտնել է, որ Իրանում 5,3 մագնիտուդով երկրաշարժ է գրանցվել։ Տարերքի էպիկենտրոնը գտնվել է Մոհր քաղաքից 59 կմ դեպի հարավ-արեւելք, որտեղ բնակվում է 35 հազար մարդ:  Տուժածների և ավերածությունների մասին տեղեկություններ չկան:

Հունիսի 22-ին՝ ժամը 03։09-ին, Ճգնաժամային կառավարման ազգային կենտրոն ահազանգ է ստացվել, որ Երևանի Սևակի և Դրոյի փողոցների խաչմերուկի մոտակայքում այրվում է ավտոմեքենա։ Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Հրդեհը մեկուսացվել է ժամը 03։29-ին, մարվել՝ 03:34-ին։ Այրվել են «Hyundai Sonata» մակնիշի ավտոմեքենայի (վարորդ՝ Հ․ Շ․) շարժիչի հատվածը, երկու անվադողերը և սրահը՝ մասամբ:

ԱՄՆ Երկրաբանական ծառայության (USGS) կայքը հայտնել է, որ հունիսի 22-ի գիշերը Աֆղանստանում 6,1 մագնիտուդով հզոր երկրաշարժ է տեղի ունեցել։ «ՌԻԱ Նովոստի»-ի հետ զրույցում Կարմիր մահիկի Հարավ-Արևմտյան գոտու ղեկավար Էլիաս Նասերին հայտնել է, որ Աֆղանստանի հարավարևելյան Պակտիկա և Խոստ նահանգներում առնվազն 120 մարդ է մահացել։  Ստորգետնյա ցնցումների էպիկենտրոնը գտնվել է Խոստ քաղաքից 44 կմ հարավ-արևմուտք։ Օջախը գտնվել է 51 կմ խորության վրա։ 

«ՌԻԱ Նովոստի»-ի փոխանցմամբ՝ Բրազիլիայի գեղեցկության մրցույթի վերջին հաղթողներից մեկը՝ 27-ամյա Գլեյսի Կորեյան, մահացել է նշագեղձի վիրահատությունից հետո առաջացած բարդություններից։ Վիրահատական միջամտությունից հինգ օր անց աղջկա մոտ սկսվել է առատ արյունահոսություն և տեղի է ունեցել սրտի կանգ։ Հիվանդանոցում, որտեղ նրան տեղափոխել են, նա կոմայի մեջ է ընկել և գիտակցության չի եկել մինչև իր մահը։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 22-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-12:00 Արշակունյաց պող․ 127 շենք, Ներքին Շենգավիթ 6, 14, 16 փողոցների սեփական տներ, Ներքին Շենգավիթ 14 փողոցի 2-րդ նրբանցքի սեփական տներ, Արտաշիսյան փ․ 54, 56, 58, 60, 60ա, 62 շենքեր, Արտաշիսյան փ․ 2-րդ նրբանցքի սեփական տներ, Պոպովի, Տիմիրյազևի փողոցների սեփական տներ և հարակից ոչ բնակիչ-բաժանորդներ, 10:00-16:00 Նոր Նորք 2-րդ զանգ.՝ Ն․ Ստեփանյան փ. 6, 8, 10, 12, 14 շենքեր, Մոլդովական փ. 60 շենք, Գայի պող. 21, 23, 27, 28, 31, 52 շենքեր, թիվ 139 դպրոց, թիվ 250 մսուր-մանկապարտեզ և հարակից ոչ բնակիչ-բաժանորդներ, 11:00-16:00 Նոր Արեշ 22փ. 13-64; 24փ. 31-54 սեփական տներ, Էրեբունի փ. 22 շենքի 1-45; 26 շենքի 1-45 բնակարաններ, 11:00-17:00 Տերյան փ. 68ա և Կորյունի փ. 13, 13ա, 15ա շենքեր, Նալբանդյան փ. 7/1, Արամի փ. 4/3 և Աբովյան փ. 2/5 շենքեր, Արգիշտի փ. 11/3 շենքի բնակիչ- բաժանորդներ և հարակից ոչ բնակիչ-բաժանորդներ, Թբիլիսյան խճ. 9, 13/2 շենքեր և հարակից ոչ բնակիչ-բաժանորդներ, Շրջանցիկ Թունել 1–351 սեփական տներ, Թբիլիսյան խճ. 1/2-115/1, 7/9–19/3, 13/10, 13/12, 23/6 սեփական տներ և հարակից ոչ բնակիչ-բաժանորդներ, Թբիլիսյան խճ. 9/6–21/4 սեփական տներ, Կոմիտասի պող. 57, 59/7 շենքեր, Մամիկոնյանց փ. 23, 23/1, 25 շենքեր, Տիգրանյան փ. 6, 6/1 2 շենքեր և հարակից ոչ բնակիչ-բաժանորդներ, Բարբյուսի փ. 62/1, 63, 63/1, 65, 66, 67 շենքեր, Կիևյան փ. 1Բ, Սևաստոպոլյան փ. 6, 2 շենքեր և հարակից ոչ բնակիչ-բաժանորդներ, Բարբյուսի փ. 62/1–60 սեփական տներ, Սեպուհի փ. 18–20 սեփական տներ և հարակից ոչ բնակիչ-բաժանորդներ, Արագածոտնի մարզում՝ 11:00-13:00 Աշտարակ քաղաք` Գիտավան-1, Գիտավան-2 թաղամասեր և Կարին գյուղ, Արարատի մարզում՝ 10:00-13:00 Վեդի քաղաք` Կասյան, Ալեք Մանուկյան, Արարատյան, Արցախի, Սազայի Նիկողոսյան, Սարիբեկ Վարդանյան, Թումանյան, Պուշկինի, Խանջյան, Անդրանիկի, Գայի, 26 Կոմիսարների, Սայաթ-Նովայի, Ներսիսյան, Չաուշի, Դանիել Վարուժանի, Տերյան, Պարոնյան, Կոմիտասի, Մարատ Խաչատրյան փողոցներ մասնակի, 10:30-12:30 Պարույր Սևակ, Տիգրանաշեն և Արմաշ գյուղեր, Երասխ գյուղ մասնակի, 10:30-16:00 Մխչյան գյուղ մասնակի, Վայոց ձորի մարզում՝ 10:00-13:00 Ջերմուկ քաղաք՝ Երևանյան փողոց մասնակի, 10:00-16:00 Կարմրաշեն գյուղ մասնակի, Կոտայքի մարզում՝ 10:00-15:00 Զովունի գյուղ մասնակի և հարակից ոչ բնակիչ-բաժանորդներ, «Մ․ Ստեփանյան» ՍՊԸ, «Մագո» ՍՊԸ, Հանրակացարան թաղամաս, ԱԻՆ, ԱԱԾ Զին/մաս, «Քարի ցեխ» ՍՊԸ, «Ս․ Սամսոնյան» ՍՊԸ, Գերեզմաներ թաղամաս, Հարավային թաղամաս, «Ս․ Սեյրան» ՍՊԸ, «Վասյա» ՍՊԸ և «Վահան Վարդանյան» ՍՊԸ, 10։30-16։30 Հրազդան քաղաք՝ Միկրոշրջան 3-44, 78-95, 3-44, 104-115, 120-130, 201-265 շենքեր, «Երևան սիթի» սուպերմարկետ, «ՏԻՎԱ» առևտրի կենտրոն, «Վաղարշ» գազալցակայան, մսուր-մանկապարտեզներ, Տնակներ թաղամաս, Դատարան, Հրազդանի բժշկական կենտրոն և հարակից բաժանորդներ, 11:00-14:00 Բալահովիտ գյուղ և հարակից տարածքներ, 11։00-17։00 Ջրվեժի և Ձորաղբյուրի ամառանոցներ մասնակի, Գեղաշեն և Կոտայք գյուղեր մասնակի, Լոռու մարզում՝ 10:00-13:00 Սպիտակ քաղաք՝ Կաշվի և Գերմանական թաղամասեր, 10:30-14:00 Օձուն գյուղ, Շիրակի մարզում՝ 11:00-17:00 Ախուրյանի տարածաշրջան՝ Հայկավան գյուղ և Մարմաշեն համայնքի հարավ-արևմտյան հատված: Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով: «Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Հունիսի 22-ին՝ ժամը 01։51-ին, Կոտայքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Եղվարդ քաղաքի Երևանյան փողոցում գտնվող վագոն-տնակում։ Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և մեկ ջրատար։ Հրդեհը մեկուսացվել է ժամը 02։16-ին, մարվել՝ 02։42-ին։ Այրվել են վագոն-տնակի տանիքի փայտե կառուցատարրերը, երեսպատումը (մոտ 7 քմ):

«ՌԻԱ Նովոստի»-ի փոխանցմամբ՝ Թուրքիայի հարավային Մարմարիս նահանգում անտառային խոշոր հրդեհ է բռնկվել, կրակը մարելու համար գործի է դրվել երկու ուղղաթիռ, սակայն ուժեղ քամու պատճառով կրակը շարունակում է տարածվել։ Առաջին փուլում հրդեհի դեմ պայքարին միացել են հրշեջ բրիգադներ ինչպես ցամաքից, այնպես էլ օդից:

Associated Press-ը հայտնում է, որ Մայամիի օդանավակայանում ինքնաթիռ է հրդեհվել, տուժել է երեք մարդ։ Սանտո Դոմինգոյի ինքնաթիռը վայրէջք կատարելուց հետո հրդեհվել է, ուղևորների թիվը եղել է 126։ Երեք ուղևոր հիվանդանոց է տեղափոխվել, մնացածներին օգնության կարիք չի եղել, հաղորդում է գործակալությունը:

Հունիսի 20-ին կայացել է Հայաստանի և Ադրբեջանի միջև տարածաշրջանային հաղորդակցությունների ապաշրջափակման հարցերով եռակողմ աշխատանքային խմբի համանախագահների՝ փոխվարչապետների հանդիպումը: Տեղեկությունը Factor.am-ի հարցին ի պատասխան հաստատել են փոխվարչապետ Մհեր Գրիգորյանի գրասենյակից:

Հունիսի 22-ին՝ ժամը 00։09-ին, Վայոց ձորի մարզային ճգնաժամային կառավարման կենտրոն տեղեկություն է ստացվել, որ Վայք-Գորիս ավտոճանապարհին տեղի է ունեցել ՃՏՊ․ կա տուժած։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Մեղրի ավտոճանապարհի 149-րդ կմ-ին բախվել են «Mercedes» (վարորդ՝ Ա․ Ք․, ծնված 1980 թ.) և «Opel» (վարորդ՝ Ա․ Մ․, ծնված 1985 թ.) մակնիշների ավտոմեքենաները, ինչի հետևանքով վերջինիս վարորդը ստացել է մարմնական վնասվածքներ: Հրշեջ-փրկարարները շտապօգնության ավտոմեքենային են մոտեցրել Ա. Մ․-ին․ տուժածը հոսպիտալացվել է Վայքի ԲՄ, որտեղ բժիշկները նրա առողջական վիճակը գնահատել են բավարար: Հրշեջ-փրկարարները հոսանքազրկել են ավտոմեքենաները և փակել «Opel» մակնիշի ավտոմեքենայի գազի բալոնի փականը:

Շրջանառությունն արգելված թմրամիջոցների ապօրինի աճեցման դեպքերի բացահայտումներ Ասկերանի շրջանում. Հունիսի 20-ին ժամը 13:00-ի սահմաններում, ոստիկանության Ասկերանի շրջանային բաժնի ծառայողները Իվանյան գյուղում զննության է ենթարկել Կ.Ա.-ին (ծնված 1975թ.) պատկանող «ՎԱԶ 2106» ավտոմեքենան, որի սրահում հայտնաբերվել և վերցվել է վերջինիս պատկանող թղթե փաթեթում՝ 4,7 գրամ քաշով սպեցիֆիկ հոտով, մանրեցված և չորացված «Մարիխուանա» տեսակի թմրանյութի նմանվող բուսական զանգվածով: *** Ոստիկանության Ասկերանի շրջանային բաժնի քրեական հետախուզության բաժնի ծառայողները՝ ստացված տեղեկությունների ստուգման արդյունքում, մշակումն արգելված թմրանյութեր պարունակող բույսեր ցանելու և աճեցնելու կասկածանքով, հունիսի 21-ին ժամը 13:30-ի սահմաններում զննության է ենթարկվել Ասկերանի շրջանի Վերին Սզնեք գյուղի 55-ամյա բնակչի տան բակը, որտեղ հայտնաբերվել և վերցվել է վերջինիս կողմից ցանված և մշակված կանեփանման բույսի 12 թուփ: Ստուգմամբ զբաղվում է ոստիկանության Ասկերանի շրջանային բաժինը:

Եղիշե Ալեքսանյանը երկրորդ տեղն է զբաղեցրել Չեխիայի մայրաքաղաք Պրահայում տեղի ունեցած կարատեի Եվրոպայի Մ21 տարեկանների առաջնությունում: Հայ մարզիկը 84 կգ քաշային կարգում 4 հաղթական մենամարտ է անցկացրել և պարտություն կրել միայն եզրափակչում:

«Գելափ» միջազգային ընկերակցության կողմից 2022 թվականի մայիսի 26-28-ն անցկացված հարցախույզի համաձայն՝ Հայաստանի հարցված քաղաքացիների 89,3 տոկոսն ասել է, որ իրենց համար անընդունելի է, «եթե Արցախի բնակչությանը տրամադրվի ազգային փոքրամասնության կարգավիճակ Ադրբեջանի կազմում»: Այս մասին իր հոդվածում գրել է «Կալիֆորնիա կուրիեր» թերթի հրատարակիչ Հարութ Սասունյանը: Նա նաեւ նշել է. «Հարցվածների միայն 4,4 տոկոսն է այն համարել ընդունելի։ Հարցվածների 51տոկոսը բացասաբար է վերաբերվել մայիսի 22-ին Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրամիության նախագահ Շառլ Միշելի մասնակցությամբ Բրյուսելում տեղի ունեցած եռակողմ բանակցությունների արդյունքներին։ Հարցվածների միայն 34,7 տոկոսն է դրական գնահատել բանակցությունները։ Հայաստանի և Ադրբեջանի ղեկավարները պայմանավորվել են ապաշրջափակել երկու երկրների միջև տրանսպորտային կապերը և կառուցել Հայաստանի տարածքով անցնող ցամաքային ճանապարհ Ադրբեջանի և Նախիջևանի միջև։ Հարցվածները կարծում են, որ Հայաստանը կարող է զենք ստանալ Ռուսաստանից (48,1 տոկոս), Ֆրանսիայից (13,9 տոկոս), ԱՄՆ-ից (6,4 տոկոս), Իրանից (1,7 տոկոս), ՀԱՊԿ-ից՝ Հավաքական անվտանգության պայմանագրի կազմակերպությունից (1,1 տոկոս), ՆԱՏՕ-ից՝ (0,5 տոկոս) և ՄԱԿ-ի Անվտանգության խորհրդից՝ (0,1 տոկոս)։ Ավելի վաղ «Գելափ» միջազգային ընկերակցության կողմից 2022 թվականի ապրիլի 2-6-ը անցկացված հարցման համաձայն հարցվածների 57,2 տոկոսը չի կարծում, որ «Հայաստանի ներկա իշխանությունները ունակ կլինեն Հայաստանի Հանրապետության և Լեռնային Ղարաբաղի շահերից բխող և ընդունելի պայմաններով խաղաղության պայմանագիր կնքել Ադրբեջանի հետ»։ 30,4 տոկոսը կարծում էր, որ դա հնարավոր է։ Հարցին, թե ով է մեղավոր Արցախում և նրա շուրջ ստեղծված լարվածության համար, 43,8 տոկոսը նշել է՝ Ադրբեջանը, 27 տոկոսը պատասխանատվությունը դրել է Հայաստանի իշխանությունների վրա, 14,1 տոկոսը՝ ռուս խաղաղապահները, 6,1 տոկոսը՝ Արցախի իշխանությունները, 3,5 տոկոսը մեղքը բարդել է Թուրքիայի վրա։ Հարցվածների 47,7 տոկոսը բացասական է գնահատել վարչապետ Փաշինյանի աշխատանքը, մինչդեռ 38,8 տոկոսը՝ դրական։ Հարցվածները գրեթե հավասարապես բաժանվել են երկու մասի, մի մասն ասել է, որ Փաշինյանը պետք է հրաժարական տա (41,7 տոկոս), իսկ մյուս մասը՝ չպետք է հրաժարական տա (38,7 տոկոս)։ Հարցին, թե որ կուսակցության օգտին նրանք կքվեարկեին, եթե ընտրություններն անցկացվեին մեր օրերում, 20,4 տոկոսը պատասխանել է, որ կսատարեր իշխող «Քաղաքացիական պայմանագիր» կուսակցությանը, 12 տոկոսն աջակցություն է հայտնել խորհրդարանական երկու ընդդիմադիր կուսակցություններին, իսկ 1,7 տոկոսը՝ «Բարգավաճ Հայաստանին»։ Այնուամենայնիվ, հարցվածների 28,8 տոկոսն ասել է, որ չէր քվեարկի որեւէ կուսակցության օգտին: Իշխող կուսակցության վարկանիշը կտրուկ անկում է ապրել՝ 70,4 տոկոսից, երբ 2018 թվականին Փաշինյանն առաջին անգամ իշխանության եկավ, և էլ ավելի նվազել՝ 2021 թվականի հունիսի 20-ի խորհրդարանական ընտրություններում նրա կուսակցության ստացած ձայների 53,9 տոկոսից։ Հարցին, թե ինչպես են նրանք «գնահատում Հայաստանի ներկա քաղաքական իրավիճակը», հարցվածների 66,5 տոկոսը (երկու երրորդը) տվել է բացասական պատասխան, մինչդեռ միայն 22,3 տոկոսը դրական կարծիք է հայտնել։ Հարցին, թե երկրում ստեղծված քաղաքական իրավիճակի ինչպիսի հանգուցալուծում են տեսնում, հարցվածների 27,6 տոկոսը փոփոխության անհրաժեշտություն չի տեսել, 26,6 տոկոսն առաջարկել է նոր խորհրդարանական ընտրություններ անցկացնել, 21,8 տոկոսը կողմ է եղել անցումային կառավարության ձևավորմանը, իսկ 11,4 տոկոսը ցանկացել է, որ ավելի մեծ ճնշում գործադրվի ընդդիմության վրա։ 45,6 տոկոսը դեմ է արտահայտվել ընդդիմության վերջին բողոքի ցույցերին, իսկ 32,5 տոկոսը նշել է՝ կողմ է: 46,1 տոկոսը կողմ է արտահայտվել Հայաստանի ոստիկանության առճակատմանը ցուցարարների հետ, մինչ 37,2 տոկոսը քննադատել է։ Ի պատասխան հարցին, թե հարցվածները «կո՞ղմ են են Թուրքիայի հետ առանց նախապայմանների դիվանագիտական հարաբերությունների հաստատմանն ու սահմանների բացմանը», 68 տոկոսն ասել է, որ դեմ է դրան, մինչդեռ միայն 26,3 տոկոսն է կողմ արտահայտվել։ Եզրափակելով, հարկ է նշել, որ հայ հասարակությունը խիստ պառակտված է երկրի ներքին խնդիրների առնչությամբ։ Կան վարչապետ Փաշինյանին սատարողներ և կան նրա փոխարինումը նախընտրողներ։ Այնուամենայնիվ, Փաշինյանի ժողովրդականությունը զգալիորեն վատթարացել է Հայաստանում և, ամենայն հավանականությամբ, Սփյուռքում՝ 2018 թվականի նրա նախնական արտասովոր ժողովրդականության համեմատությամբ։ Ադրբեջանի և Թուրքիայի առնչությամբ Հայաստանի առջև ծառացած կարևորագույն հարցերում հայերի մեծ մասը շատ բացասաբար է տրամադրված ցանկացած զիջման՝ իրենց երկու թշնամական հարևան երկրների հետ հարաբերությունները բարելավելու համար: Վերոնշյալ հարցերից մի քանիսի պատասխանողները ոչ մի կասկած չեն թողել, որ վարչապետի հաճախակի պնդումը, թե ինքն ունի «ժողովրդի մանդատը», այլևս չի համապատասխանում իրականությանը։ Փաշինյանի և նրա կուսակցության վարկանիշը զգալիորեն նվազել է, հատկապես 2020 թվականի պատերազմում Հայաստանի ջախջախիչ պարտությունից հետո։ Նրա կուսակցությունը հաղթել է անցյալ տարվա խորհրդարանական ընտրություններում՝ գրանցված ընտրողների մոտ 25 տոկոսով, ինչը Հայաստանի ընդհանուր բնակչության փոքր տոկոսն է։ Քանի որ ողջ Սփյուռքում նման հարցախույզեր չեն անցկացվում, ապա ոչ ոք չգիտի Փաշինյանի ստույգ վարկանիշը սփյուռքահայերի շրջանում։ Ամեն ինչ վկայում է այն մասին, որ նրա վարկանիշը Սփյուռքում ևս կտրուկ անկում է ապրել, ինչպես Հայաստանում: Ուստի, չնայած վարչապետի չափազանց բարձր վարկանիշին, երբ նա առաջին անգամ եկավ իշխանության 2018 թվականին, նրա հետևորդներն այժմ կազմում են հայերի շատ ավելի փոքր մասը Հայաստանում և Սփյուռքում։ Թարգմանությունը՝ Ռուզաննա Ավագյանի

Արցախում մարդիկ պարզ գիտեն, որ իշխող ուժի պատկերացումներում և ծրագրերում արցախցին ու Արցախը պետք է լինեն Ադրբեջանի կազմում, այս մասին Facebook-յան իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը։ «Ինձ հաճախ են հարցնում՝ ինչո՞ւ իշխանության ներկայացուցիչներն Արցախ չեն այցելում։ Այս հարցը, կարծես, անընդհատ օդում կախված է։ Մի կողմից թվում է, որ այս հարցի պատասխանն ակնհայտ է, մյուս կողմից՝ թեման տարբեր հաճախականությամբ անընդհատ շրջանառվում է։ Առաջին միտքը, որ գլխովդ անցնում է՝ իսկ ի՞նչ երեսով գան Արցախ, ի՞նչ ունեն ասելու, անելու։ Արցախում մարդիկ պարզ գիտեն, որ իշխող ուժի պատկերացումներում և ծրագրերում արցախցին ու Արցախը պետք է լինեն Ադրբեջանի կազմում։ Հիմա դրանք գան ի՞նչ անեն, իրենց համար չկա Արցախ, չկա Հայաստան։ Ավելին՝ նրանց համար արդեն Սյունիք էլ չկա, որոշ ժամանակ հետո Հայաստան էլ չի լինի։ Սրանց պատկերացումներով չկա Արցախ ու Սյունիք, բնականաբար չի լինի նաև այս թեմաներով խնդիրներ։ Ու առանց թաքցնելու գնում են այս ուղղությամբ։ Սա ուղղակի ևս մեկ անգամ արձանագրենք ու անցնենք առաջ», - նշել է Աբրահամյանը։