Լրահոս

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են։ Մ-3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Հայաստանի ֆուտբոլի ազգային թիմի կիսապաշտպան Էդուարդ Սպերցյանը դարձել է գոլային փոխանցման հեղինակ: «Արմենպրես»-ի հաղորդմամբ` Ռուսաստանի ֆուտբոլի առաջնության 6-րդ տուրում «Կրասնոդարը» սեփական հարկի տակ ընդունել էր «Օրենբուրգին»: «Կանաչներին» հաջողվեց հաղթել 2:0 հաշվով: Հայաստանի ֆուտբոլի ազգային թիմի անդամ Էդուարդ Սպերցյանը «Կրասնոդարի» մեկնարկային կազմում էր, մասնակցեց ամբողջ հանդիպմանը և խաղի 66-րդ րոպեին դարձավ գոլային փոխանցման հեղինակ:

Հայաստանի շախմատի տղամարդկանց թիմի նախկին ադամ Լևոն Արոնյանը ավարտեց մրցելույթները FTX Crypto Cup արագ շախմատի մրցաշարում: «Արմենպրես»-ի հաղորդմամբ` արագ շախմատի առցանց մրցաշարի վերջին տուրում հայ գրոսմայստերի մրցակիցը Ֆրանսիան ներկայացնող Ալիռեզա Ֆիրուջան էր: 4 պարտիաների արդյունքում Արոյանը զիջեց 1,5-2,5 հաշվով: Մրցաշարի հաղթող դարձավ աշխարհի չեմպիոն Մագնուս Կարլսենը: Արոնյանը միայն 6-րդն տեղում է:

ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, անկուսակցական Թագուհի Թովմասյանը տեղեկացնում է, որ Հայաստանում Ռուսաստանի դեսպանատունն արձագանքել է Լաչինի միջանցքի շուրջ ստեղծված իրավիճակի մասով իր գրություններին։ «Լաչինի միջանցքի շուրջ իրավիճակը պետք է լուծվի Եռակողմ հայտարարության 6-րդ կետի հիման վրա․ Հայաստանում Ռուսաստանի դեսպանատունն արձագանքել է իմ գրություններին Ադրբեջանի հանցավոր վարքագծի շարունակական դրսևորումների վերաբերյալ հետևողականորեն ծանուցում եմ միջազգային գործընկերներիս, ՀՀ-ում հավատարմագրված դեսպաններին։ Հերթական նամակով ՀՀ-ում ՌԴ դեսպան Սերգեյ Կոպիրկինի ուշադրությունն էի հրավիրել Արցախի վրա Ադրբեջանի հարձակման փաստի վրա, որը տեղի ունեցավ օգոստոսի 1-ին, երբ ադրբեջանական կողմը փորձեց հատել շփման գիծը՝ հաջորդող օրերին բացի տարբեր տրամաչափի հրաձգային զինատեսակներից կիրառելով նաև ականանետեր, նռնականետեր և հարվածային ԱԹՍ-ներ։ Քանի որ Ադրբեջանը հերթական անգամ խախտեց 2020թ․ նոյեմբերի 10-ի եռակողմ հայտարարությունը, որի արդյունքում ունեցանք զոհեր և վիրավորներ, ռուս գործընկերոջս խնդրել էի դատապարտել Ադրբեջանի այս հանցավոր վարքագիծը, քայլեր ձեռնարկել տարածաշրջանում իրավիճակի կայունացման ուղղությամբ։ ՀՀ-ում ՌԴ դեսպանատնից ստացել եմ գրություն, համաձայն որի՝ իրավիճակը ռուսական խաղաղապահ զորակազմը պատասխանատվության գոտում և հայ-ադրբեջանական սահմանին Ռուսաստանի արտաքին քաղաքականության համար կարևոր հարց է։ «Կցանկանայինք Ձեր ուշադրությունը հրավիրել Ռուսաստանի ԱԳՆ-ի՝ օգոստոսի 4-ի հայտարարությանը՝ Ղարաբաղյան հակամարտության գոտում սրման կապակցությամբ։ Նախարարությունը կոչ արեց 2 կողմերին դրսևորել զսպվածություն, պահպանել կրակի դադարեցման ռեժիմը և հաստատեց կարգավորման անհրաժեշտությունը՝ համապատասխան Ռուսաստանի, Ադրբեջանի և Հայաստանի առաջնորդների՝ 2020թ․ նոյեմբերի 10-ի, 2021թ. հունվարի 11-ի և նոյեմբերի 26-ի հայտարարությունների։ (…) Ռուս խաղաղապահները ձեռնարկում են բոլոր հնարավոր ջանքերը «ցամաքում» իրավիճակի կայունացման նպատակով։ Ե՛վ Բաքվում և՛ Երևանում բազմիցս ընդգծվել է ռուսական խաղաղապահ կոնտինգենտի կարևոր դերը: Համոզված են, որ այդ վստահությանը լիարժեքորեն արժանի են։ Պատրաստ ենք հետայսու ևս ցուցաբերել ցանկացած անհրաժեշտ աջակցություն Հայաստանի և Ադրբեջանի միջև կապերի կարգավորմանը»,- նշվում է դեսպանատան արձագանքում։ Մեկ այլ գրությամբ Ռուսաստանի Դաշնության գործընկերներիս ուշադրությունն էի հրավիրել Բերձոր, Աղավնո և Ներքին Սուս բնակավայրերի հանձնման գործընթացի վրա։ Հաշված օրեր են մնացել, որ հայկական բնակավայրերը հանձնվեն Ադրբեջանին։ Եվ որքան մոտենում ենք Նիկոլ Փաշինյանի իշխանության կողմից համայն հայությանը պարտադրված այս ամոթալի իրականությանը, ապագայի տեսլականն էլ ավելի անորոշ է դառնում։ Իմ նամակով ՀՀ-ում ՌԴ դեսպան Սերգեյ Կոպիրկինին ներկայացրել էի առկա դժվարությունները, ինչպես նաև Արցախի ԱԺ պատգամավոր գործընկերներիս մտահոգությունները, որ մարդկային, տեխնիկական և տրանսպորտային ռեսուրսները բավարար չեն տարհանման գործընթացի՝ ժամանակին իրականացման համար։ Խնդրել էի օժանդակել նշված բնակավայրերի հանձնման ժամկետի երկարաձգման հարցում։ ՌԴ դեսպանատունը պատասխան գրությամբ հայտնում է, որ Լաչինի միջանցքի շուրջ իրավիճակը պիտի լուծվի Եռակողմ հայտարարության 6-րդ կետի հիման վրա։ Հիշեցնեմ՝ ՌԴ դեսպանատան մատնանշած 6-րդ կետի համաձայն՝ Կողմերի համաձայնությամբ, Լեռնային Ղարաբաղի և Հայաստանի միջև կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղին պաշտպանելու համար։ Դատելով նաև օրերս Երևանում Ռուսաստանի դեսպանության խորհրդական- դեսպանորդ Մաքսիմ Սելեզնյովի հայտարարությունից, որ «Ռուս խաղաղապահները ոչ մի սանտիմետր չեն տեղաշարժվի Լաչինի գործող միջանցքից, քանի դեռ նոր ճանապարհը չի շահագործվել, կարելի է ենթադրել, որ այս մասով ևս դեռ ամեն ինչ հստակ չէ․ ի վերջո նշված 3 տարվա ժամկետի ավարտին դեռ ավելի քան 1 տարի էլ մնացել է։ ՌԴ դեսպանատնից հավելում են, որ իրենց գրությամբ նշված բոլոր թեմաների շուրջ անցկացվում են շահագրգիռ կողմերի քննարկումներ։ Դրանց նպատակն է հասնել բոլորին բավարարող համաձայնության, որպեսզի կյանքի կոչել Եռակողմ հայտարարությունը։ «Այդ նպատակով մենք մշտական երկխոսության մեջ ենք հայկական և ադրբեջանական կողմերի հետ ինչպես ամենաբարձր, այնպես էլ՝ Ռուսաստանի ՊՆ, ԱԳՆ և այլ գերատեսչությունների մակարդակով։ Օգոստոսի 2-ին և 8-ին կայացել են ՌԴ նախագահ Վ․ Վ․ Պուտինի և ՀՀ վարչապետ Ն․ Վ․ Փաշինյանի հեռախոսազրույցները։ Հայ և ադրբեջանցի գործընկերների հետ շփումներ են անցկացրել Ս․Վ․ Լավրովը և Ս․Կ․ Շոյգուն։ Պրոբլեմատիկայի զգայունությունը հաշվի առնելով՝ քննարկումների մանրամասները վեր չհանվեցին, այդուհանդերձ նման զրույցները համարվում են կարգավորման կարևոր և գործուն գործիք»»:

Հայաստանի առանձին շրջաններում հնարավոր է կարճատև անձրև և ամպրոպ. եղանակի տեսություն

Պանիրը առողջարար, համեղ և սիրված մթերք է, սակայն դրա չարաշահումը կարող է գլխացավեր և այլ բացասական հետևանքներ առաջացնել, ասել է էնդոկրինոլոգ Զուխրա Պավլովան։ Այս մասին բժիշկը պատմել է իր Telegram ալիքում։ Էնդոկրինոլոգի կարծիքով՝ պանրի չափավոր օգտտագրծումը շատ օգտակար է. այն հարուստ է կալցիումով և ճարպերով, ինչպես նաև սպիտակուցներով, սակայն չպետք է օգտագործել այս մթերքը որպես սպիտակուցի հիմնական աղբյուր՝ բարձր կալորիականության պատճառով։ Պավլովան զգուշացրել է, որ պանիրն այնքան համեղ է, որ կարող է նույնիսկ սննդային կախվածություն առաջացնել, ուստի այն ուտելիս շատ կարևոր է կալորիաները հաշվելը։ Բժիշկը հորդորել է չտարվել պանրով, հատկապես հասուն պանրով, նաև այն պատճառով, որ այն կարող է գլխացավի պատճառ դառնալ։ Բանն այն է, որ պարունակում է մի նյութ, որը կոչվում է տիրամին: «Այն պարունակվում է հնեցված արտադրանքի մեջ։ Այն հատկապես առատ է բոլոր տեսակի կապույտ պանիրներում, չեդդերում, պարմեզանում, նույնիսկ մոցարելլայում։ Տիրամինը կա նաև կարմիր գինու, ձիթապտղի, ընկույզի, ավոկադոյի մեջ»,- պարզաբանել է Պավլովան։ Էնդոկրինոլոգը հատուկ ուշադրություն է դարձրել այն հանգամանքին, որ միգրենի հակված մարդկանց մոտ դասական համադրությունը՝ պանրի ափսե՝ ընկույզով, խաղողով և գինիով, երաշխավորված ուժեղ գլխացավի պատճառ է և «նման է գլխին կրակոցի»։ Բժիշկը զգուշացրել է, որ գլխացավից բացի, պանիր ուտելը կարող է առաջացնել քրտնարտադրություն, սրտի զարկերի արագացում, ցավ սրտի շրջանում, վերջույթների դող և այլ տհաճ ախտանիշներ։ Էնդոկրինոլոգը հիշեցրել է նաև, որ պանիրը գրեթե կիսով չափ յուղ է, ուստի խստիվ արգելվում է այն տալ ընտանի կենդանիներին. «Ես չէի ցանկանա, որ դուք իմ խոսքերն ընդունեք որպես կատեգորիկ արգելք: Կերեք, բայց չափավոր, համոզվեք, որ ուշադիր եք ձեր օրգանիզմի ազդակներին և հաշվի առեք կլանված ճարպեր-սպիտակուցներ-ածխաջրեր համադրությունը», – եզրափակել է Պավլովան:

Նյարդաբան Ալեքսանդր Եվդոկիմովը նշել է, որ լեզվի թմրությունը կարող է ինսուլտի ախտանիշ լինել: Այս մասին նա խոսել է Evening Moscow-ին տված հարցազրույցում։ Դրանցից առաջինն ու ամենավտանգավորը գանգուղեղային նյարդերի հետ կապված խնդիրներն են, ասել է բժիշկը։ Նրա խոսքով, եթե հիվանդի լեզուն թմրում է, դա կարող է նախաինսուլտային վիճակի կամ նույնիսկ ինսուլտի նշան լինել։ Այս դեպքում պետք է անհապաղ դիմել բժշկական օգնության: Մյուս պատճառը, թե ինչու կարող է լեզուն թմրել, ալերգիկ ռեակցիան է որոշակի սննդատեսակների նկատմամբ, ասել է նյարդաբանը։

Վլադ Լիսովեցը նշել է կանանց նորաձևության թրենդը 100 տարվա կտրվածքով: Փորձագետն այս թեմայի շուրջ կիսվել է KP.RU-ի հետ։ Ըստ տեղեկությունների՝ Լիսովեցն ասել է, որ վերջերս շատ ռուս կանայք դժգոհ են իրենց արտաքինից և փորձում են փոխել այն։ «Այժմ կանայք հաճախ փորձում են իրենց համար նոր դեմք նկարել։ Բայց սլավոնների մոտ դա շատ քնքուշ է։ Նայելով սոցցանցերին, աշխարհում ի հայտ եկած տենդենցներին՝ փորձում են մոդիֆիկացնել այն ու դառնալ «բոլորի նման։ Ռուսական նորաձևությունը թեթև է»,- ասել է Լիսովեցը: Բացի այդ, մասնագետը նշել է, որ կանայք երբեք չեն հրաժարվի բաց զգեստներից։ «Կանայք դեռ կներկեն իրենց շուրթերը և կկրեն սեքսուալ հագուստ։ Մեզ վերահսկում է սեքսը։ Իսկ եթե այս ամենը մնա, ապա հակառակ սեռի մոտ հաճելի հույզեր կառաջացնի։ Ամեն ինչ հիմնված կլինի սեռական երանգի վրա։ Վզնոցն անպայման կմնա»,- ասել է ոճաբանը։

Ռուս ոճաբան, իմիջմեյքեր, դիզայներ և Aesthetic Bows ապրանքանիշի հիմնադիր Միլանա Կուբովան ներկայացրել է կանանց հագուստի ամենահաջող գունային համադրությունները։ Փորձագետի կարծիքով՝գույների ճիշտ համադրությունը թույլ է տալիս «ավելի թանկ» տեսք ունենալ։ Այսպիսով, մասնագետը միագույն հանդերձանքը (մեկ գույնի հիման վրա ձևավորված) անվանում է շահեկան տարբերակ։ Սպիտակը կատարյալ ընտրություն է մոնոխրոմ տեսքի համար: Սա ամենաարիստոկրատ գույնն է, բայց միևնույն ժամանակ ամենաոչգործնականը. «Եթե դուք սպիտակ եք կրում, ապա պետք է զգույշ վարվեք։ Այլընտրանք կարող է լինել սպիտակի և բեժի համադրությունը. այն ավելի քիչ է կեղտոտվում»,- զգուշացրել է նա։ Կուբովան սև ու սպիտակ համադրությունն անվանել է հավերժական դասական, սակայն ոճաբանը խորհուրդ է տվել խուսափել գրասենյակային ձևածքից և ուշադրություն դարձնել օրիգինալ մոդելներին։ Բացի այդ, կարմիր գույնը, մասնավորապես, բալագույնը երբեք չի կորցնում ժողովրդականությունը: Տեղին է մոխրագույնի և նարնջագույնի համադրությունը, որն անսովոր տեսք ունի, քանի որ օգտագործվում է չափազանց հազվադեպ։ «Ես գիտեմ, որ շատ աղջիկներ սիրում են պայծառ գույներ, և երբեմն դժվար է նրանց համար ստեղծել այնպիսի կերպար, որը դասական , այլ ոչ թե փայլփլուն տեսք կունենա: Նման դեպքերում խորհուրդ եմ տալիս օգտագործել դեղինի համադրությունները՝ խոր զմրուխտի, հարուստ ֆուքսիայի կամ նարդոսի երանգների հետ»,- խորհուրդ է տվել դիզայները։

Ադրբեջանական ԱԻՆ «112» թեժ գիծը տեղեկություն է ստացել Ջալիլաբադի շրջանի Գոյթեփե քաղաքի շուկայում բռնկված հրդեհի մասին, հայտնում է Trend-ը։ Դեպքի վայրում ներգրավված են եղել ԱԻՆ պետական ​​հրշեջ ծառայության հրշեջ-փրկարարները։ Ներկայումս աշխատանքներ են տարվում հրդեհը մարելու ուղղությամբ։ Հնարավոր զոհերի և վիրավորների մասին տեղեկություն չի հաղորդվում:

Շանհայը, Մոսկվան և Թեհրանը գնահատվել են աշխարհում ազոտի երկօքսիդի (NO2) աղտոտվածությամբ օդի ամենաբարձր մակարդակ ունեցող քաղաքները: Այս եզրակացությանն են հանգել Health Effects Institute ամերիկյան ոչ առևտրային կազմակերպության և Առողջապահության չափանիշների և գնահատման ինստիտուտի փորձագետները The State of Global Air զեկույցում: Այս ցուցանիշով չորրորդ տեղը զբաղեցրել է Սանկտ Պետերբուրգը։ Տասնյակում են նաև Պեկինը, ​​Կահիրեն, Աշխաբադը, Մինսկը, Ստամբուլը և Հո Չի Մինը։ Հետազոտությունը ղեկավարող ավագ գիտաշխատող Պալլավի Պանտը խոստովանել է, որ զարմացած է, որ Ռուսաստանի մի քանի քաղաք հայտնվել է վարկանիշի առաջին հորիզոնականներում։ «Ամենայն հավանականությամբ, այս արդյունքը կապված է երթևեկությունից արտանետումների և հին տրանսպորտային պարկի հետ», – բացատրել է փորձագետը: Գիտնականները նշել են, որ ի տարբերություն մթնոլորտում PM2.5 մանր մասնիկների, NO2-ի արտանետումների խնդիրը քիչ է ուսումնասիրված: Այնուամենայնիվ, այն կարող է հրահրել տարբեր շնչառական հիվանդություններ, այդ թվում՝ երեխաների մոտ ասթմայի զարգացում։ NO2-ի հիմնական աղբյուրը ներքին այրման շարժիչներով մեքենաներն են, իսկ ամենամեծ վնասը, ըստ մասնագետների, հին մեքենաներից է։

Օգոստոսի 21-ին, ժամը 17։00-ին Գեղարքունիքի մարզային ճգնաժամային կառավարման կենտրոն տեղեկություն է ստացվել, որ Սևանա լճի 1-ին հանրային լողափում հերթապահություն իրականացնող ջրափրկարարները ափից մոտ 1 կմ հեռավորության վրա նկատել են շրջված հեծանվանավակ։ Ջրափրկարարները ափ են դուրս բերել քաղաքացիներ՝ Ա․ Գ․-ին (ծնված 1990 թ․), Վ․ Մ․-ին (ծնված 1984 թ․), Ա․ Ա․-ին (ծնված 1986 թ․), Դ․ Պ․-ին (ծնված 1984 թ․) և հեծանվանավակը։ *** Օգոստոսի 21-ին, ժամը 17։10-ին Գեղարքունիքի մարզային ճգնաժամային կառավարման կենտրոն տեղեկություն է ստացվել, որ Սևանա լճի Գեղամա հանգստյան գոտու մոտակայքում հերթապահություն իրականացնող ջրափրկարարները, շրջայց կատարելիս ափից մոտ 1-1,5 կմ հեռավորության վրա նկատել են շրջված ջրային մոտոցիկլ։ Ջրափրկարարները ափ են դուրս բերել քաղաքացիներ՝ Վ․ Դ․-ին (ծնված 1994 թ․), Ա․ Դ․-ին (ծնված 1990 թ․) և ջրային մոտոցիկլը: *** Օգոստոսի 21-ին, ժամը 18:44-ին Գեղարքունիքի մարզային ճգնաժամային կառավարման կենտրոն տեղեկություն է ստացվել, որ Սևանա լճի 1-ին հանրային լողափում հերթապահություն իրականացնող ջրափրկարարները ափից մոտ 1 կմ հեռավորության վրա նկատել են շրջված ջրային մոտոցիկլ։ Ջրափրկարարները ափ են դուրս բերել քաղաքացիներ՝ Պ․ Խ․-ին (ծնված 1983 թ․), Հ․ Խ․-ին (ծնված 1986 թ․)։

Գերմանիայի կանցլեր Օլաֆ Շոլցն ասել է, որ իրեն հարուստ մարդ է համարում։ «Դուք հարու՞ստ եք»,-բաց դռների օրվա շրջանակներում կանցլերի և քաղաքացիների զրույցի ժամանակ հարց է ուղղել փոքրիկ տղան: «Իմանալով, թե քաղաքացիների մեծ մասը որքան է վաստակում՝ կարելի է միայն այո պատասխանել»,- ժպտալով ասել է կանցլերը։ Նախարարություններում և գերատեսչություններում բաց դռների օր է անցկացվում ամեն տարի, սակայն համավարակի պատճառով վերջին անգամ նման միջոցառում անցկացվել է 2019 թվականին։ Սա առաջին անգամն է Շոլցի և նրա կառավարության համար։

Թաթարստանում քննիչները քրեական գործ են հարուցել անվտանգության պահանջներին չհամապատասխանող ծառայությունների մատուցման համար, երբ տեղի բնակիչը ատամի հեռացումից հետո կաթվածահար է եղել: Տեղական լրատվամիջոցների փոխանցմամբ՝ Դենիս Բատմանովը մարտի վերջին Կազանից եկել է իր հայրենի Նիժնեկամսկ, որտեղ երկու ատամ է հեռացրել։ Վիրահատությունից հետո երիտասարդի այտն ու պարանոցը սկսել են ուռել, իսկ Կազան վերադառնալուն պես նա դիմել է բժշկի։ Ինչպես նշվում է, ստիպված են եղել կատարել ևս մեկ վիրահատություն, որի ժամանակ երիտասարդը սրտի կանգ է ունեցել, նրան միացրել են արհեստական ​​շնչառության սարք։ Կոմայից դուրս գալուց և բուժումից հետո Բաթմանովը մնացել է կաթվածահար վիճակում՝ չի խոսել, չի կարողացել շարժվել, սնվել է խողովակի միջով։ Այս վիճակում նա հունիսի սկզբին դուրս է գրվել։ Որոշ ժամանակ անց երիտասարդը մահացել է։ Ինչպես նշել են Թաթարստանի դատախազությունում, տեղական ԶԼՄ-ների հաղորդումներից հետո Նիժնեկամսկի դատախազությունը ստուգում է անցկացրել։ Աուդիտորական նյութերն ուղարկվել են քննչական մարմիններին։ «Այդ փաստի առթիվ հարուցվել է քրեական գործ «անվտանգության պահանջներին չհամապատասխանող աշխատանք կատարելը կամ ծառայությունների մատուցումը» հոդվածով,- ասել է գործակալության զրուցակիցը։ Նա նաև պարզաբանել է, որ գործը հարուցվել է դեռևս տուժողի մահից առաջ։ Ներկայումս պարզվում են դեպքի բոլոր հանգամանքները։ Հետաքննությունը վերահսկում է Նիժնեկամսկի դատախազությունը։

Այսօր՝ օգոստոսի 21-ին, ողբերգական ավտովթար է տեղի ունեցել Սյունիքի մարզում: Ժամը 01:30-ի սահմաններում, Արարատի մարզի բնակիչ, 29-ամյա Ֆահրադ Հակոբյանը՝ իր վարած Opel Astra մակնիշի ավտոմեքենայով, Կապան քաղաքի Հունան Ավետիսյան փողոցի թիվ 2-րդ շենքի դիմաց՝ դեռևս անհայտ հանգամանքներում, դուրս է եկել հանդիպակած երթևեկելի գոտի, բախվել բետոնե պատնեշին ու ծառին: Ինչպես հայտնում է ֆոտոլրագրող Գագիկ Շամշյանը, վթարի հետևանքով Ֆ. Հակոբյանն ու ուղևոր` Արարատի մարզի բնակիչ, 37-ամյա Սուրեն Փիրումյանը մարմնական վնասվածքներով տեղափոխվել են «Կապան» բժշկական կենտրոն, իսկ մյուս ուղևոր, Արարատի մարզի բնակիչ, 28-ամյա Ռազմիկ Հակոբյանը տեղում մահացել է: Այսօր՝ ժամը 07:40-ին, «Կապան» բժշկական կենտրոնից ոստիկանության Կապանի բաժին հայտնել են, որ հիվանդանոց տեղափոխված վիրավորներից Ս. Փիրումյանը՝ գիտակցության չգալով, մահացել է: Վարորդն ու մահացածները ծառայում են ՀՀ ՊՆ N զորամասում:

Ամերիկացի մոդել և գործարար Քայլի Ջենները հանրությանը ներկայացել է ռուսաստանցի դիզայների զգեստով։ Այդ լուսանկարները հրապարակել է Bongotottho-ն։ Պապարացիները նկատել են Ջեններին իր սիրելիի՝ ռեփեր Թրևիս Սքոթի հետ, ում հետ նա գնում էր Մալիբուի ռեստորանում ընթրելու։ Որպես հանդերձանք հեռուստաաստղն ընտրել է մոխրագույն J.Kim մաքսի երկարությամբ, մարմինը կիպ գրկող զգեստ։ Նա սպիտակ սպորտային կոշիկներ է կրել։ Հայտնի է, որ J.Kim ապրանքանիշը հիմնադրվել է ուզբեկ Ժենյա Քիմի կողմից՝ 2014թ.-ին: Նորաձևության դիզայները ծնվել է Տաշքենդում, սակայն տեղափոխվել է Մոսկվա։

Մեծի Տանն Կիլիկիո կաթողիկոսության թեմերի բոլոր եկեղեցիներում կատարվել է հոգեհանգստյան կարգ՝ «Սուրմալու»-ի պայթյունի զոհերի հոգիների համար։ «Արմենպրես»-ին այս մասին տեղեկացրին Մեծի Տանն Կիլիկիո կաթողիկոսությունից։ «Կիրակի, 21 Օգոստոս 2022-ին, հովանաւորութեամբ Ն.Ս.Օ.Տ.Տ. Արամ Ա. Վեհափառ Հայրապետին, Անթիլիասի Մայրավանքի Ս. Գրիգոր Լուսաւորիչ Մայր Տաճարին եւ Պիքֆայայի Ս. Աստուածածին Վանքի մատրան մէջ կատարուեցաւ հոգեհանգստեան կարգ՝ Երեւանի «Սուրմալու» առեւտրական կեդրոնին մէջ տեղի ունեցած պայթումին հետեւանքով ինկած զոհերու հոգիներուն համար։ Յայտնենք, որ Նորին Ս. Օծութեան Հայրապետական տնօրինումով Մեծի Տանն Կիլիկիոյ Կաթողիկոսութեան բոլոր թեմերու եկեղեցիներուն մէջ եւս այսօր կատարուեցաւ հոգեհանգիստ, ի խաղաղութիւն պայթումին հետեւանքով իրենց մահկանացուն կնքած հայորդիներու հոգիներուն։ Յիշենք, որ Վեհափառ հայրապետը պայթումէն անմիջապէս ետք, իր դիմատետրի էջին մէջ, հետեւեալ ցաւակցական եւ զօրակցական գրառումը կատարած էր. «Խոր մտահոգութեամբ եւ ցաւով ականատես եղայ Երեւանի ''Սուրմալու'' առեւտուրի կեդրոնին մէջ տեղի ունեցած պայթումին։ Կը ցաւակցիմ Հայաստանի մեր ժողովուրդի զաւակներուն։ Թող Աստուած զոհերուն հոգիները լուսաւորէ, մխիթարութիւն պարգեւէ անոնց ընտանիքներուն եւ շուտափոյթ ապաքինում՝ վիրաւորներուն։ Աստուած ամուր ու հաստատ պահէ մեր Հայրենիքը եւ հեռու՝ ամէն տեսակ չարէ ու չարիքէ»։ Այս առիթով, Վեհափառ Հայրապետը, Կիլիկեան Միաբանութիւնը եւ մեր Ս. Աթոռին բոլոր թեմերը անգամ մը եւս իրենց բարոյական զօրակցութիւնը եւ խոր ցաւակցութիւնը կը յայտնեն զոհերու ընտանիքներուն, ինչպէս նաեւ վիրաւորներուն կը մաղթեն շուտափոյթ ապաքինում»,- ասվում է հաղորդագրության մեջ։

Սվերդլովսկի մարզի Սովխոզնի գյուղում տղամարդը որսորդական հրացանով կրակել է մարդկանց վրա, նա սպանել է մի տղամարդու, իսկ ավելի ուշ մահացել հիվանդանոցում, հայտնում է ՆԳՆ շրջանային գլխավոր վարչությունը։ Որպես վարկած դիտարկվում է կենցաղային վիճաբանությունը: «Կրակողը՝ 1986 թվականին ծնված տղամարդը և տուժածներից մեկը մահացել են հիվանդանոցում»,- ասվում է հաղորդագրության մեջ։ Հարուցվել է քրեական գործ «սպանություն» հոդվածով, դեպքի վայրի զննությամբ առգրավվել են մի շարք իրեղեն ապացույցներ, մահացածների դիերն ուղարկվել են փորձաքննության։ Միջադեպի ստույգ պատճառը կպարզվի հետաքննության ընթացքում։

Խարկովում մեկ օրից ավելի պարետային ժամ է մտցվել Ուկրաինայի Անկախության օրը, որը նշվում է օգոստոսի 24-ին, հայտարարել է շրջանային վարչակազմի ղեկավար Օլեգ Սինեգուբովը։ «Անկախության օրվա ընթացքում պարետային ժամը կտևի օգոստոսի 23-ի ժամը 19:00-ից մինչև օգոստոսի 25-ը ժամը 07:00-ն»,- ասվում է Սինեգուբովի Telegram ալիքում: Հստակեցվում է, որ պարետային ժամի ընթացքում արգելվում է մնալ հասարակական վայրերում և ցանկացած տեղաշարժ քաղաքում։ Ավելի վաղ հաղորդվել էր, որ օգոստոսի 22-ից 25-ը Կիևում արգելված է զանգվածային միջոցառումների անցկացումը։

Հայաստանի մարմնամարզության հավաքականի անդամ, Օլիմպիական խաղերի բրոնզե մեդալակիր Արթուր Դավթյանը Եվրոպայի առաջնության փոխչեմպիոն է: «Արմենպրես»-ի հաղորդմամբ` գերմանական Մյունխեն քաղաքում ընթացող մարմնամարզության Եվրոպայի առաջնության առանձին վարժությունների հենացատկի եզրափակիչում Արթուր Դավթյանը հավաքեց 14.983 միավոր և դարձավ Եվրոպայի առաջնության արծաթե մեդալակիր: Նույնքան միավորով Եվրոպայի չեմպիոն դարձավ Մեծ Բրիտանիայի ներկայացուցիչը: Ավելի վաղ Հայաստանի մարմնամարզության հավաքականի անդամ, Օլիմպիական խաղերի մասնակից Հարություն Մերդինյանը ոսկե մեդալ էր նվաճել Եվրոպայի առաջնությունում։ Իսկ օղակների վարժության եզրափակիչում Վահագն Դավթյանը, հավաքելով 14.766 միավոր, գրավել էր 4-րդ տեղը: Ազգային ընտրանու մյուս ներկայացուցիչը` Արթուր Ավետիսյանը վաստակել էր 13.733 միավոր և միայն 8-րդն էր: