Լրահոս

Մարտի 18-ին, ժամը 00։30-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Քանաքեռավան գյուղում տեղի է ունեցել ՃՏՊ՝ ավտոմեքենան բախվել է սյանը․ կան տուժածներ։

Քամին՝ հարավարևելյան` 2-4 մ/վ արագությամբ:

Գիշերը դատարանը բավարարել է միջնորդությունը, և ինժեներական ծառայության սպա, կապիտան Ե.Հ-ն կալանավորվել է՝ Ազատ գյուղի զինվորական կացարանի հրդեի գործի շրջանակներում։

Մարտի 18-ին, ժամը 01։12-ին Կոտայքի մարզային ճգնաժամային կառավարման կենտրոն տեղեկություն է ստացվել, որ Հրազդան-Մարմարիկ ավտոճանապարհին տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը:

Թուրքական «Aydınlık» կայքը հրապարակել է տարածքի մեծությամբ աշխարհի 40 ամենամեծ երկրների ցուցակը։ Ermenihaber-ի փոխանցմամբ՝ այդ ցանկում Թուրքիան զբաղեցնում է 37-րդ տեղը։

Ամերիկյան 4 խոշոր բանկերի սնանկացման պատճառով Հայաստանում տուժել են պատվեր կատարող մեծ IT ընկերությունները: Կրճատվել են արտերկրից պատվերների ծավալները: Համաշխարհային շուկայում առաջացած ճգնաժամի պատճառով աշխարհի IT գիգանտները, ստիպված են եղել աշխատատեղերի զանգվածային կրճատումներ անել:

Պորտուգալիայի ֆուտբոլի ֆեդերացիայի մամուլի ծառայությունը հրապարակել է ազգային հավաքականի հայտացուցակն առաջիկա հանդիպումների համար։ Պորտուգալացիների գլխավոր մարզիչ Ռոբերտո Մարտինեսը հավաքական է հրավիրել 26 ֆուտբոլիստի։ Հայտացուցակում է ընդգրկվել նաև «Ալ-Նասրի» հարձակվող Կրիշտիանու Ռոնալդուն։

Մարտի 13-ին Գեղարքունիքի պարեկները Սևանի թերակղզու մոտակայքում ստուգման նպատակով կանգնեցրել են «Ռենո» մակնիշի մի ավտոմեքենա:

Արցախի խորհրդարանի պաշտպանության, անվտանգության և օրինապահպանության հարցերի հանձնաժողովում երեկ կայացած փակ քննարկմանը խոսվել է ապաստարանները կարգի բերելու անհրաժեշտության մասին:

Մկանների և հոդերի ցավը կարող է անհանգստացնել մարդուն ցանկացած տարիքում և ցանկացած առողջական վիճակում: Որոշ դեպքերում դա ֆիզիոլոգիական նորմ է, օրինակ՝ որպես արտաքին գրգռիչի ռեակցիա, իսկ որոշ դեպքերում՝ ինչ-որ պաթոլոգիայի սիմպտոմատիկ դրսևորում։

Մարտի 16-ին, ժամը 22.30-ին, պարեկային ծառայության Գեղարքունիքի մարզի գումարտակի ոստիկանները Երևան-Սևան-Իջևան ճանապարհին ստուգել են 24-ամյա տղամարդու վարած մեքենան։ Մեքենայում սվին-դանակ կար։ Վարորդն ու 27-ամյա ուղևորը ներկայացվել են Սևանի քննչական բաժին։ Հանգամանքները քննությամբ պարզվում են

Հայաստանի ֆուտբոլի ազգային ընտրանու նորանշանակ գլխավոր մարզիչ Ալեքսանդր Պետրակովն այսօր իր առաջին ասուլիսի ժամանակ ասել է, որ ազգային հավաքականի նախկին ավագ Հենրիխ Մխիթարյանին առաջարկել է վերադառնալ հավաքական: Թուրքիայի դեմ խաղի՝ Հայաստանի 26 հոգանոց հայտացուցակում նրա անունը չկա:

«Ուշ-ուշ են գալիս ու ուշացած» Երևանի երթուղային գազելները: «Հայլուր»-ի տեսախցիկը առավոտյան ու երեկոյան գրեթե 5 ժամ նկարահանման ընթացքում միայն մեկ ավտոբուս է ֆիքսել, որտեղ մեկ-երկու ազատ նստատեղ է եղել: Հայաստանի վարչապետը խոստանում է, որ շուտով հուսահատության գազելներից միայն արձան կմնա Երևանում: Իսկ թե երբ գիծ դուրս կգան «ժապավենը՝ վրան» 237 ավտոբուսները, «Հայլուր»-ին ճշտել չի հաջողվել:

Հրաչյա Սարգսյանը հրաժարական է տվել Երևանի քաղաքապետի պաշտոնից, բայց ոչ քաղաքական թիմից: Սարգսյանը իր հրաժարականը բացատրել է նրանով, որ ավագանու ընտրությունները մոտ են, իսկ ինքը Կառավարություն-քաղաքապետարան խզումը վերացնելու իր առաքելությունը արդեն կատարել է: Չնայած մամուլում լուրեր կան, որ փոխքաղաքապետ Տիգրան Ավինյանն է նրան ստիպել հրաժարական տալ, քաղաքապետի ժամանակավոր պաշտոնակատար է դարձել առաջին տեղակալ Լևոն Հովհաննիսյանը:

Հայաստանի իշխանությունը եվրադիտորդներին Հայաստան բերելուց հետո Իրանին ու Ռուսաստանին համոզում է, որ եվրոպացիները չեն եկել տարածաշրջան որևէ մեկի դերը նվազեցնելու համար: Սա ենք հասկանում Հայաստանի փոխարտգործնախարարի՝ խորհրդարանում արած հայտարարություններից: Պարույր Հովհաննիսյանի կարծիքով՝ Իրանն արդեն հասկացել է, որ եվրոպացի դիտորդների՝ Հայաստանում լինելը վտանգավոր չէ, իսկ Ռուսաստանի արտգործնախարարի հետ այդ թեմայով հնարավոր է զրուցի Հայաստանի արտգործնախարարը Մոսկվայում՝ մարտի 20-ի հանդիպման ժամանակ:

ՀԱՊԿ գլխավոր քարտուղարի այցը ընդամենը պրոտոկոլային է համարում Հայաստանի իշխանությունը: Քաղաքագետները նկատում են՝ Հայաստանի վարչապետի հայտարարությունից հետո, թե «ՀԱՊԿ-ը դուրս է գալիս Հայաստանից», Իմանգալի Տասմագամբետովի այցը նոր երանգ է ստանում: ՀԱՊԿ-ն ուզում է ասել, որ Հայաստանում է: ՀԱՊԿ գլխավոր քարտուղարին արդեն ընդունել են Հայաստանի վարչապետը, արտաքին գործերի նախարարը, Անվտանգության խորհրդի քարտուղարը, պաշտպանության նախարարը:

44-օրյա պատերազմի քննիչ հանձնաժողովում Օնիկ Գասպարյանի հարցաքննությունից ու նրա հասցեին ՔՊ-ական Անդրանիկ Քոչարյանի շռայլած գովասանքի խոսքերից հետո մտահոգություններ կան, որ իշխանությունն ուզում է քաղաքական դաշտ տանել գեներալ-լեյտենանտին: Զինված ուժերի Գլխավոր շտաբի նախկին պետի հետ ավելի քան 6 ժամ տևած հարցաքննությունից հետո հեռախոսով մոտ 10 րոպե զրուցել է նրա նախկին տեղակալ Տիրան Խաչատրյանը: Լիլիթ Խալաթյանն է պատմում, թե ինչ է նրան հաջողվել պարզել հարցաքննության մասին:

Մարտի 17-ին, ժամը 21։33-ին Տավուշի մարզային ճգնաժամային կառավարման կենտրոն ահազանգ է ստացվել, որ Դիլիջան-Իջևան ավտոճանապարհին այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Դիլիջան-Իջևան ավտոճանապարհի 7-րդ կմ-ին «Mercedes-Benz» մակնիշի ավտոմեքենան բախվել է ժայռից պոկված քարին և բռնկվել: Ըստ նախնական տվյալների կան տուժածներ։ Հրդեհը մեկուսացվել է ժամը 21։53-ին, մարվել՝ 22։11-ին։

Ադրբեջանի նախագահը թյուրքական պետությունների ղեկավարներին Թուրքիայում էր հավաքել՝ ասելու, որ պատրաստվում է միջազգային մեխանիզմ գործարկել ադրբեջանցիներին իրենց պատմական հողեր՝ «Արևմտյան Ադրբեջան» ուղարկելու համար: «Արևմտյան Ադրբեջան» ասելով՝ Ալիևը նկատի է ունեցել Հայաստանը, ինչին ի պատասխան Հայաստանի արտգործնախարարությունը հայտարարել է, որ Ադրբեջանը տարածքային հավակնություններ է ներկայացնում ու հորդորել է չխախտել Սոչիում ու Պրահայում ստանձնած պարտավորությունները: Սրանից անկախ՝ Հայաստանի ու Ադրբեջանի ղեկավարների մակարդակով նոր թափ է ստանում փախստականների վերադարձի թեման: Ալիևը պատրաստվում է իրավական ուժ տալ դրան, Հայաստանի վարչապետը հանձնարարել է ՄԱԿ-ի փախստականների գրասենյակի հետ համագործակցել:

ՆԱՏՕ-ի անդամ երկրները, ըստ Կրեմլի, մեծացնում են իրենց ներգրավվածությունը ռուս-ուկրաինական պատերազմում: Այս պնդումը Մոսկվան արել է Լեհաստանի նախագահի հայտարարությունից հետո, թե պատրաստ են ՄԻԳ-29 կործանիչներ տրամադրել Ուկրաինային: Այս ֆոնին՝ ՄԱԿ-ը պատերազմական հանցագործությունների համար մեղադրել է Ռուսաստանին: