Լրահոս

Այսօր շատ պետություններում ժողովրդավարության անկումը զուգընթաց է դատական ​​համակարգի նկատմամբ վստահության աճող քայքայմանը: Դատարանի վճիռների կատարման արդյունավետությունը գնահատելիս մենք պետք է հիշենք մի բան՝ դա զուտ իրավական ձևականության խնդիր չէ: Խոսքն արդարադատության նկատմամբ հանրային վստահության և մեր երկրներում օրենքի գերակայության ապագայի մասին է: Այս համատեքստում կարևոր է հասկանալ, թե Եվրոպական դատարանի որոշումներն իրականում ինչպես են ազդում արդարադատության որակի վրա և նպաստում ժողովրդավարական ինստիտուտների ամրապնդմանը:

Ռուս-ուկրաինական ճակատում պատերազմի ավարտը, կարծես, կասկածի տակ է: Մի դավադիր ծրագրի մասին է ահազանգում Մոսկվան: Ըստ Ռուսաստանի արտգործնախարարության, թեև ԱՄՆ նախագահի հետ բանակցում են խաղաղության մասին, Եվրոպայում և ՆԱՏՕ-ում որոշում կա տապալել այդ բանակցությունները և Կիևին դրդել նոր գործողությունների:

ՀՀ պաշտպանության նախարարի տեղակալ Կարեն Բրուտյանի գլխավորած պատվիրակությունը Խորվաթիայի մայրաքաղաք Զագրեբում մասնակցում է Ադրիատիկ ծովի պաշտպանության և տիեզերքի 8-րդ ռազմատեխնիկական ցուցահանդես-կոնֆերանսին։ Այս մասին հայտնում են ՀՀ ՊՆ-ից։

Երևանի կենտրոնում գույքահարկը չթանկացնելու մեխանիզմներ կան, դրանք հաշվարկել, օրենսդրական նախաձեռնություն է խորհրդարան տարել «Հայաստան» խմբակցության պատգամավոր Թադևոս Ավետիսյանը: Տնտեսագետ-պատգամավորը համոզված է՝ իր նախագիծը կարող է կասեցենել անշարժ գույքի հարկման բեռի ավելացումը: Իշխանականները մերժել են այս նախագիծը:

«Մարդու իրավունքների պաշտպան Անահիտ Մանասյանը խիստ դատապարտելի է համարում Հայաստանում տարածվող ցանկացած խոսույթ, որը խտրական է, անհանդուրժողականություն ու ատելություն հրահրող, այդ թվում` մարդու ծննդավայրի կամ բնակության վայրի հիմքով։

Իշխանականները պնդում են, որ իրենք հնարավորն արել են Հայաստանի ճանապարհների անվտանգության համար: Ընդդիմադիրների հրապարակած տեսանյութերում պատկերը ճիշտ հակառակն է: Անվտանգ չեն Սյունիքի ճանապարհները, թե՛ կահավորման պատճառով, թե թշնամու դիտակետում գտնվելու պատճառով: Այսօր խորհրդարանում «Ճանապարհային երթևեկության անվտանգությունը ՀՀ-ում» թեմայով լսումներ են եղել, ցավոտ վիճակագրություն է ներկայացվել Հայսատանում ՃՏՊ-ների զոհերի վերաբերյալ, նաև ցավոտ հարցեր են տվել ընդդիմադիրները թշնամուն հանձնված ճանապարհների, մայրաքաղաքի կենտրոնում ողբերգական պատահարների մասին:

Երևանի պարեկները ապրիլի 8-ին Արշակունյաց պողոտայում գողություն կատարելու և ապօրինի թմրանյութ պահելու և օգտագործելու կասկածանքով ձերբակալել և «Հյունդայի» մակնիշի ավտոմեքենայով հանդերձ համայնքային ոստիկանության Կենտրոնական բաժին են տեղափոխել Երևանի բնակիչներ 35-ամյա վարորդին, ինչպես նաև 25 և 30 տարեկան ուղևորներին:

Հայ-ադրբեջանական սահմանին արդեն գրեթե երեք շաբաթ շարունակվող կրակոցների ֆոնին այսօր Ադրբեջանի նախագահը հայտարարել է հայ-ադրբեջանական հարաբերություններում վստահության կառուցման հնարավորության մասին: «Դեպի նոր աշխարհակարգ» թեմայով ֆորումին է մասնակցել Ալիևը, նշել, թե իրենք պատրաստ են փոքր քայլեր անել Հայաստանի հետ վստահության կառուցման ուղղությամբ: Ալիևի խոսքով՝ կարելի է «փոքր քայլեր անել», օրինակ՝ լրագրողների փոխայցելություններ, ինչպես նաև անդրսահմանային գետերի շահագործման թեմայով երկու երկրների համատեղ քննարկումներ անցկացնել:

«Ադրբեջանի ՊՆ հաղորդագրությունը, թե իբր ապրիլի 9-ին՝ ժամը 19:25-19:35-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։

Ավելի քան 2,3 հազար բեռնատար սպասում է վրաց-ռուսական սահմանով անցնելուն, հայտնում է Հյուսիսային Օսիայի ճանապարհային երթևեկության կազմակերպման կենտրոնը: 

Ո՞վ է հայկական ֆուտբոլի ողբալի վիճակի թիվ մեկ պատասխանատուն և թիվ մեկ մեղավորը: Այս հարցի պատասխանը պարզելու համար էին լրագրողներն այսօր գնացել ֆուբոլի ֆեդերացիայի նախագահի մամուլի ասուլիսին և տպավորություն ստացել, թե ֆուտբալային խայտառակության մեղավորները բոլորն են, բացի Արմեն Մելիքբեկյանից: Նա հայտարարել է, թե հրաժարական տալու մտադրություն չունի, թեև վերջին շրջանում Հայաստանի ֆուտբոլի հավաքականի բոլոր խաղերը սկսվում և ավարտվում են հայ երկրպագուների «Մելիքբեկյան հեռացիր» վանկարկումներով:

Հայաստանում ԵՄ քաղաքացիական դիտորդական առաքելությունը մարտ ամսից ավելացրել է գիշերային պարեկության քանակը հայ-ադրբեջանական սահմանի երկայնքով՝ գիշերային անվտանգությունը բարելավելու և հնարավոր լարվածությունը թուլացնելու նպատակով:

Հայլուր 20։30 Խոպանչիների սև օրերը. արտաքսվածները մանրամասներ են հայտնում

Մոսկվան նոր որոշում ունի խոպանչիների համար. փաստաթղթերի փոքրիկ անճշտությունն այսուհետ արտաքսման պատճառ կարող է դառնալ, խոպանչիներն ասում են, նույնիսկ, ոստիկանի մեկ հայացքը կարող է ճակատագրական լինել իրենց համար: Աշխատանքային արտաքսված միգրանտները «Հայլուրին» իրենց արտաքսման պատճառների մասին են պատմել:

Գորիսի համայնքապետարանից հայտնում են, որ առաջին անգամ արագիլ են նկատել քաղաքում։

Գիշերները անհանգիստ են դարձել Գեղարքունիքի սահմանամերձ գյուղերում: Կութի բնակիչները «Հայլուր»-ի հետ զրույցում պատմում են, որ վերջին օրերին իրենց վերևից նայող ադրբեջանական դիրքերից կրակում են գիշերները: Բայց բնակիչների կարծիքով՝ գյուղի ուղղությամբ չի կրակում թշնամին, օդ է կրակում: «Ուզում են վախեցնել մեզ»,- կարծում է Խնածախի բնակիչներից մեկը: Սյունիքի Խնածախում արդեն սովորական են դառնում գրեթե երեքշաբաթյա կրակահերթերը, այնքան սովորական, որ մեկ-երկու հանգիստ գիշերների ընթացքում խնածախցի երեխաները հարցնում են՝ «ժամն ա՞, ո՞նց ա չեն կրակում»:

Այսօր՝ ապրիլի 9-ին, արտակարգ դեպք է տեղի ունեցել Երևանում: Ժամը 17:00-ի սահմաններում Գայի պողոտայում՝ Բաղյան և Հովհաննիսյան փողոցների խաչմերուկում ուժեղ քամու հետևանքով ծառը կոտրվել և ընկել է կայանված «Toyota» և «Opel» մակնիշի ավտոմեքենաների վրա: 

Կենտրոնական ընտրական հանձնաժողովն ապրիլի 8-ին ստացել է Ազգային Ժողովի պատգամավոր Վիլեն Գաբրիելյանի՝ պատգամավորի լիազորությունները դադարած համարելու մասին ԱԺ նախագահի  արձանագրությունը։ Հանձնաժողովն ապրիլի 9-ի արտահերթ նիստում արձանագրել է, որ ԱԺ «Քաղաքացիական պայմանագիր» կուսակցության ընտրական ցուցակից ընտրված և լիազորությունները վաղաժամկետ դադարած պատգամավորի մանդատը տրամադրվել է կուսակցության ընտրական ցուցակի առաջին մասի հերթական հաջորդ թեկնածու Արտյոմ Ղուկասի Մեհրաբյանին։

ԱԺ աշխատակազմը դրական եզրակացություն է տվել «ՔՊ» խմբակցության պատգամավոր Անդրանիկ Քոչարյանի մասնակցության միջադեպի և նրա ցուցաբերած վարքի հարցով Էթիկայի հանձնաժողով ստեղծելու նախաձեռնությանը։ Այս մասին հայտնում է Armlur.am-ը։

Հայլուր 18։30 Հայաստանն ու Իրանը զորավարժություն են սկսում՝ «ահաբեկչությունը չեզոքացնելու» սցենարով